4- маъруза Мавзу:Ўзбекистон Республикасининг «Таълим тўғрисида» ги қонуни ва «Кадрлар тайёрлаш
Download 185.45 Kb. Pdf ko'rish
|
слайд
|
Мазкур дастурнинг мақсади - таълим соҳасини тубдан
ислоҳ қилиш, уни ўтмишдан қолган мафкуравий қарашлар ва сарқитлардан тўла ҳалос этиш, ривожланган демократик давлатлар даражасида юксак маънавий ва ахлоқий талабларга жавоб берувчи маънавий, малакали кадрлар тайёрлаш миллий тизимини яратишдир. Ҳозирги кунда Республика олий мактаби тизими 64 олий ўқув юртларини, шу жумладан 20 университет ва 43 институтни ўз ичига олади. Жумладан 14 та техник, 3 та иқтисодий, 15 та гуманитар, 6 та педагогик, 7 та тиббиёт 4 та қишлоқ хўжалиги (аграр), 12 та махсус, xамда В.Г.Плеханов номидаги академия филиали, Ломоносов номидаги Москва университети филиали ва Ҳалқаро Вестминстер университети, Италия – Ўзбекистон ҳалқаро ТУРИН политехника университети. 20 университетнинг ўн тўрттаси Ўзбекистон мустақилликка эришган ташкил топди. Олий ўқув юртларида ишлаётган 18,5 минг ўқитувчининг 52 фоизи фан доктори ва фан номзодларидир. Олий таълимда кадрлар тайёрлашни марказлаштиришдан xуқуқий йўналишга ўтказиш иши олиб борилмоқда, ўқув юртларининг тармоғи кенгаймоқда, университет таълими ривожланмоқда. Билимларнинг янги тармоқлари бўйича кадрлар тайёрлаш бошлаб юборилди, олий мактабни кўп босқичли тизимга ўтказиш амалга оширилмоқда. Абитуриентлар ва талабаларнинг билим даражасини тест ва рейтинг асосида баxолашнинг илғор усуллари жорий этилмоқда. Олий малакали илмий ва илмий-педагог кадрлар сифатига ошган талабларга мувофиқ аспирантура ва докторантурада кадрлар тайёрлаш иши кенгаймоқда. Олий аттестация комиссияси ташқил этилди. Республикада қарийб 4 минг аспирант бўлиб, улардан 69 фоизи олий таълим тизимида ва 31 фоизи илмий тадқиқот институтларида таълим олмоқда. Жами илмий ва илмий – педагог кадрларни 8 фоизини фан докторлари ва 37 фоизини фан номзодлари ташқил этади. Кадрлар малакасини ошириш ва уларни қайта тайёрлаш тизимида 23 институт, 16 факультет, 4 марказ ва 14 малака ошириш курслари ишлаб турибди. |
