4-§. Vilson kamerasında alfa-bόleksheleriniń treklerin demonstraciyalaw Eksperimenttiń maqseti

 
Nurlanıw deregi sıpatında radiy-226 dan paydalanılǵanda dúzilisti 
jumısqa tayarlaw tártibi. 

---

5 
Barlıq qáwipsizlik qaǵıydalarına ámel qılǵan halda Vilson kamerası ushın 
arnalǵan radiy-226 radioaktivli úlgisi (559 59) shiyshe konteynerinen 
shıǵarıp alınadı hám onı plastınkadaǵı arnawlı úlgi ornalastırılıwshı 
tesikshege kirgizip qoyıladı. 
Kamera qapqaǵın O-tárizli, germetiklikti támiyinlewshi rezina saqıyna 
ústine bir tekis jaylastırıladı hám metall qısqıshlar arqalı qısıp qoyıladı. 
Kameranıń germetikligin nasostı bir-eki ret háreketke keltiriw arqalı 
tekserip kόriledi (keńeyiwge bolǵan qarsılıqtıń kemligi hám hawa kirgendegi 
sestiń shıǵıwı kamerada tesik bar ekenligin bildiredi). Eger rezina saqıyna 
hawanı όtkizip jiberip atırǵan bolsa, onda ol vakuumlıq smazka menen 
jaqsılap maylanadı hám kamera qayta germetiklenedi. 
Kameranı deionizaciyalaw ushın 150 V yamasa onnan úlken shamadaǵı 
turaqlı kernewden paydalanıw múmkin. 
Lampanı ornalastırıw tártibi. 
Eskertiw: Lampanı kameraǵa júdá jaqın qoyıw kameranıń bir tárepleme 
qızıwına sebepshi boladı. Bul bolsa kameranıń ishinde konvekciyani payda 
etedi hám sızıqlardıń buzılıwına alıp keledi. 
- Lampa patronǵa salınıp, tiykarǵa bekitiledi hám ol Vilsonnıń bulıtlı 
kamerasınan shama menen 15 sm aralıqqa qoyıladı. Lampanıń biyikligi 
kamera qaptal aynasınıń qáddinde teń etip ornalastırıladı. 
- Lampa transformatorǵa (6 V) jalǵanadı. 
- Nakallıq lampa gorizontal halǵa keltirilip hám parallel yamasa azıraq 
jayılıwshı jaqtılıq nurlarınıń dástesi payda etiledi. Lampanıń jaqtılıǵı 
zaryadlanǵan bόlekshelerdiń izlerin jaqsı jaqtılandırılıwı ushın olarǵa 
perpendikulyar baǵıtta tússin. 
 
Eksperimenttiń orınlaw tártibi 
 
Kamera bekitilgennen soń eksperimenttiń dáslepki ciklin orınlawdan 
aldın 10 minut waqıt shamasında kútiledi. Sebebi suw hám spirttan turatuǵın 
gaz puwları kameradaǵı hawa menen aralasıp, bir tekli aralaspanı payda etiwi 
kerek.