4. 01 Kompyuter tarmoqlari

KALIT SOʻZLAR
WLAN: noutbuk, smartfon yoki planshet kabi mobil texnologiya foydalanuvchisiga simsiz aloqa orqali LAN tarmoqqa ulanish imkonini beradigan simsiz lokal tarmoq.
Bluetooth: kompyuter, telefon va boshqa qurilmalarda foydalaniladigan simsiz texnologiya bo’lib, qurilmalarga radio toʻlqinlardan foydalanib qisqa masofada oʻzaro aloqa qilish imkonini beradi.
Bluetooth [blyutus] simsiz uzatishning Wi-Fi texnologiyasiga
qaraganda kuchsizroq shaklidir; Bluetooth bir-biriga yaqin
boʻlgan muayyan qurilmalar oʻrtasida simsiz aloqa usulini
taʼminlash uchun ishlab chiqilgan.
Bluetooth texnologiyasidan quyidagilarni bajarishda
foydalanish mumkin:
• bluetooth sichqochani simsiz ulash va undan foydalanish
imkoniyatini beradi. Natijada simli sichqonchaga
qaraganda koʻproq harakatlanish erkinligini taqdim etadi;
• printerga simsiz ulanish; bu foydalanish uchun kamroq
sim talab etadi kompyuter atrofining xavfsiz boʻlishini
ta’minlaydi (qoqilib ketish uchun sim kam, 8.01-bo‘limga
qarang)
• laptop va telefon oʻrtasida aloqa maʼlumotini simsiz
sinxronlash uchun foydalaniladi;
• oʻyin kontrolleridan oʻyin konsollari bilan birga foydalanish
yoki ikki kishi bir-biriga qarshi oʻynay olishi uchun ikkita
konsolni ulash imkoniyatini beradi.
Bluetooth texnologiyasidan foydalanishning barcha shakllari ikkita umumiy jihatga ega:
• uzatmalar diapazoni kichik boʻlishi kerak;
• muayyan vaqtda uzatilishi kerak boʻlgan maʼlumotlar hajmi kichik bo‘lishi kerak.
Bu fakt qimmat qurilma talabiga ega murakkabroq Wi-Fi
texnologiyasiga zarurat yoʻqligini anglatadi.
Bluetooth va Wi-Fi turli standartlardan foydalanadigan simsiz aloqa usullaridir. Bluetooth qisqa masofadagi tashqi qurilmani ulashga moʻljallangan simsiz radio tizimiga asoslanadi.
Wi-Fi tarmogʻi esa internetdan keng polosali kanal tezligidan foydalanish imkonini beradi.
Bluetooth asosan simsiz sichqoncha, klaviatura yoki quloqchin kabi tashqi qurilmalar uchun moʻljallangan boʻlsa,Wi-Fi asosan foydalanuvchilarga internetdan keng polosali kanal tezligidan foydalanish imkonini berish uchun kabelsiz kompyuterlararo ulanish uchun moʻljallangan.
Bluetooth oʻtkazish imkoniyati past qurilmalarda foydalanish uchun qulaydir. Shu bilan birga bir-biriga yaqin qurilmalar oʻrtasida maʼlumot uzatishda, ya’ni tezlik muammo boʻlmaydigan hollarda foydalidir.