4-amaliy mashg‘ulot. Mavzu: transport jarayonlarini logistik boshqaruv

4-AMALIY MASHG‘ULOT.
MAVZU: TRANSPORT JARAYONLARINI LOGISTIK BOSHQARUV.
(4-soat)
Mashg‘ulotning maqsadi: Jismoniy taqsimotning majmuaviy va elementar funksiyalari, Taqsimot logistikasining asosiy vazifalari va amal qilish qoidalari, Taqsimot logistikasi protseduralari, Taqsimlash kanalining funksiyalari, Logistik vositachilar, Taqsimotni rejalashtirish blok-sxemasi haqida talaballarda bilim, ko‘nikma va malakalarni shakllantirish.
Ta’limiy maqsad: Talabalarning ma’ruza mashg‘ulotlarida olgan nazariy bilimlarini mustahkamlash, o‘tilgan mavzu bo‘yicha o‘zlashtirgan bilimlarini baholash.
Tarbiyaviy maqsad: Mavzuni musthkamlashda inerfaol metodlarni qo‘llash orqali talabalarning erkin fikrlash, bir birini tinglay olish, o‘zaro bir biriga hurmatda bo‘lish va jamoada o‘z fikrini bildira olish qobiliyatini shakllantirish.
Rivojlantiruvchi maqsad: Talabalarda berilayotgan fikrlarni tahlil qilish va to‘g‘ri qaror qabul qila olish ko‘nikmalarini shakllantirish.
Amaliy mashg‘ulotni o‘tkazish tartibi. O‘rganilayotgan mavzu bo‘yicha ma’lumotlarni tarkiblashtirish va tarkibiy bo‘lib chiqish:


Taqsimot deganda mahsulotni qadoqlash (o‘rash), kuzatib borish (ekspedirovanie), sotishni boshqarish, mahsulotni etkazib beruvchi omborida saqlash, tayyor mahsulotni tashishni tushunish kerakligini mutaxassislar alohida ta’kidlab o‘tishgan¹.

1-rasm. Mahsulotni iste’molchilarga jismoniy taqsimlashda mavjud operatsiyalar sxemasi.

Jismoniy taqsimot deganda tayyor mahsulotlarni ishlab chiqarilish joyidan uni iste’mol joyigacha ko‘chirishni rejalashtirish, tashkil etish va nazorat qilish bo‘yicha iste’molchilar talabini qondirish va foyda olish maqsadlarini ko‘zlab olib boriluvchi faoliyat tushuniladi.
Taqsimot logistikasining asosiy vazifalari quyidagilar:

1. 
   Iste’molchilar talabini to‘laroq qondirish hisobiga korxona foydasini oshirish.
   
2. 
   Iste’molchilar buyurtmasini oshirish orqali korxona ishlab chiqarish quvvatlaridan samarali foydalanish.Bozor holatining doimiy o‘zgarib turishini inobatga olgan holda oqilona xulq-atvorni shakllantirish.