4-mavzu. Oqimning uzluksizlik tenglamasi

4-MAVZU. OQIMNING UZLUKSIZLIK TENGLAMASI

4.1. Oqimning uzluksizlik tenglamasi yoki oqimning moddiy balansi

Oqimning uzluksizlik tenglamasi quyidagicha ta'riflanadi: quvurni to‘ldirib oqayotgan suyuqlikning barqaror harakatida har qanday ko‘ndalang kesimdan vaqt birligi ichida bir xil miqdorda suyuqlik o‘tadi:

G₁=G₂=G₃=...G_n=const ёки ρ₁w₁S₁=ρ₂w₂S₂=ρ₃w₃S₃=...ρ_nw_nS_n=const (1.1)
 X
Bu tenglamalar oqimning uzluksizlik yoki doimiylik tenglamasi deyiladi.
Suyuqlik zichligi o‘zgarmaganda, ya'ni ρ1=ρ2=ρ3=ρn=const bo‘lganda tenglama qo‘yidagi ko‘rinishiga keladi:

w₁S₁=w₂S₂=w₃S₃=...w_nS_n=const ёки V_с1=V_с2=V_с3=const (1.2)

Oxirgi tenglama suyuqlik tezligi oqimning ko‘ndalang kesimi yuzasiga teskari proporsional ekanligini ko‘rsatadi. Demak oqim ko‘ndalang kesimi kengaysa suyuqlik tezligi kamayadi. Shuning uchun rezina shlangdan suv sepilayotganda uchi qisilsa suv tezligi oshib uzoqroqqa sochiladi.

(1.1) tenglamaga muvofiq quvurning boshidagi suyuqlikning massa sarfi, quvurning oxiridagi sarfga teng bo‘ladi. Demak, oqimning doimiylik tenglamasi massaning saqlanish qonuning xususiy holi bo‘lib, oqimning moddiy balansini ifodalaydi.