4-Ámeliy sabaq. Veterinariyada júrgiziletugin jurnal formalari kerekli úskeneler

4-ÁMELIY SABAQ.VETERINARIYADA JÚRGIZILETUGIN JURNAL FORMALARI


Kerekli úskeneler: Jurnal formaları hám olardı sáwlelendiriwshi kesteler.

Veterinariya esap-kitabı hújjetleri shólkem hám xojalıq baǵdarına qaray júrgiziledi. Tómende olardı keltirip ótemiz.

1. Emlew veterinariya mákemeleri - veterinariya uchastkaları, xojalıq hám fermalarda 3 jurnal júrgiziledi.
1-vet.- Kesel haywanlardı dizimnen ótkeriw jurnalı.
2-vet.- Epizootiyalarǵa qarsı ótkerilgen ilájlardı dizimnen ótkeriw jurnalı.
3-vet.- Rayon, qala epizootik jaǵdayın dizimnen ótkeriw jurnalı.
2. Qusshılıq xojalıqları hám fabrikalarında 7 jurnal júrgiziledi.
4-vet.- Qustı diagnostik tekseriwler.
5-vet.- Qustıń óligin jarıp tekseriw nátiyjeleri.
6 -vet.- Qusshılıq xojalıqları epizootik jaǵdayı.
7-vet.- Qustı profilaktikalıq hám májbúriy shanshıwlar.
8-vet.- Qustı emlew jumısları.
9 -vet.- Soyıw sexinda qus góshinińveterinariya-sanitariya ekspertizası.
10 -vet.- Dezinfekciya, dezinseksiya, deratizatsiya esabı.
3. Balıqshılıq xojalıqlarında 1 jurnal júrgiziledi.
11-vet.- Balıqlardı tekseriw, suw háwizlerinde profilaktikalıq hám salamatlandırıw jumısları esabı.
4. Haywanlar kesellikleri diagnozı hám azıq-awqat ónimleri qawipsizligi mámleket oraylarında 11 jurnal júrgiziledi.
12-vet.- Bakteriologik tekseriwler.
13-vet.- virusologik tekseriwler.
14-vet.- Qandı serologik tekseriwler.
15-vet.- Qandı tekseriw.
16 -vet.- Gistologik tekseriwler.
17-vet.- Teri hám teri shiyki ónimin kuydirǵiǵe tekseriw.
18-vet.- Parazitar keselliklerge laboratoriya tekseriwler.
19-vet.-ot-jem hám basqa materiallardı toksikologik hám mikrobiologik tekseriwler.
20 -vet.- Ximiko-toksikologik tekseriwler.
21-vet.- Bioximiyalıq hám laboratoriya klinikalıq tekseriwler.
22-vet.- Balıqshılıq suw háwizlerin gidroximik, toksikologik tekseriwler.
5. Bazarlardaǵı veterinariya-sanitariya ekspertiza laboratoriyada 4 jurnal júritiledi.
23-vet.- Gósh, balıq, teńiz shayanı, máyek veterinariya-sanitariya ekspertizası.
24-vet.- Sút hám sút ónimleri veterinariya-sanitariya ekspertizası.
25-vet.- Ósimlik azıq-awqat ónimleri veterinariya-sanitariya ekspertiza.
26 -vet.- Paldıń veterinariya-sanitariya ekspertizası.
6. Transport veterinariya-sanitariya qadaǵalawı punktlerinde 3 jurnal júrgiziledi.
27-vet.- Transport veterinariya-sanitariya qadaǵalawı uchastkalarında mallardı kórikten ótkeriw jurnalı.
28-vet.- Transport veterinariya-sanitariya qadaǵalawı uchastkalarında sharwa shiyki ónimin tekseriw jurnalı.
29 -vet.- vagonlarni dezinfekcion juwıw staniyalarida sanitariya jumısları jurnalı.
7. Shegara veterinariya-sanitariya qadaǵalawı punktlerinde 2 jurnal júrgizledi.
30 -vet.- Eksport, import, tranzit sharwa ónimlerin, ot-jem tekseriw jurnalı.
31-vet.- Shegara veterinariya qadaǵalawı punktlerinde eksport-importqa mólsherlengen haywan ónimi hám shiyki ónimlerdi hám de azıqlardı atap kórsetiw jurnalı.
8. Gósh kombinatlarında (qushxonalarda), qayta islew kárxanalarında -5 jurnal júrgiziledi.
32-vet.- Kesellik anıqlanǵan hám ajıratılǵan teri hám de teri ónimlerin tekseriw hám teri bazası yamasa zavodında veterinar islew jurnalı.
33-vet.- Soyılatuǵın mallardı kórikten ótkeriw, gósh hám gósh ónimlerin soyıw bóliminde hám de soyıw punktinde veterinariya-sanitrariya ekspertiza jurnalı.
34-vet.- Gósh kombinatları mal bazasında haywanlardıń kórigi jurnalı.
35-vet.- Kolbasa kulinar, dudlangan ónimler, yarım fabrikatlardı, gósh-súyekbakterial tekseriwler jurnalı.
36 -vet.- Konservalardı sterilizatsiya etilgeninen keyin bakteriologik tekseriw nátiyjeleri jurnalı.

Joqarıda atları keltirilgen veterinariya jurnalları xojalıqtıń, veterinariya mákemeleriniń jumıs júrgiziwinen kelip shıqqan halda tiyisli tártipte juwapker veterinariya qánigeleri tárepinen júrgizilip barıladı hám yuridikalıq hújjet esaplanadı. Barlıq formadaǵı jurnallar shnwrlanǵan hám de betleri nomerlengen boiıwı zárúr. Jurnaldıń birinshi betinde onıń atı (forma №), xojalıq yamasa shólkem, hám de jazıwdıń baslanıw hám tamamlanıw sáneleri kórsetiledi. veterinariyada paydalanılatuǵın jurnallar ondaǵı sońǵı jazıwlar tawsılǵannan keyin 3 jılǵa shekem saqlanılıwı kerek (turaqlı saqlanıwı shárt bolǵan rayon (qala) epizootik jaǵdayın jazıw jurnalı bunnan tısqarı). Jurnallardıń ólshemi 20 x30 sm bolıp, olardaǵı betler sanı 100-200-danege shekem boladı.

veterinariya ámeliyatında barlıq sharwashılıq xojalıqlarda hám veterinariya uchastkalarında iskerlik jurgiziwshi veterinariya qánigeleri tárepinen atqarılatuǵın islerdi belgilep barıw ushın mólsherlengen veterinariya jurnallarınıń formalarınıń ayırımları hám olar boyınsha tiyisli maǵlıwmatlar tómende keltirilgen.

1-vet. forma

Kesel haywanlardı dizimnen ótkeriw jurnalı
taq bet

Tártip nomer			Xojalıq (ferma) adresi, haywan iyesiniń F. A. ÁA.	Haywan túri, jınısı, laqabı, jası	Awırǵan waqıtı (kún, ay, jıl)	Kesellik diagnozı
Birinshi márte	Ekinshi márte	Sáne (kún, ay, jıl)				dáslepki	juwmaqlawshı
1	2	3	4	5	6	7	8

Jup bet

Keselliktiń klinik belgilari, emlew hám usınıslar	Kesellik aqıbeti (kún, ay, jıl)	Emlewshi vrachtıń F.A.ÁA.hám qolı
9	10	11

Bul formadaǵı jurnalda kesel haywanlar haqqındaǵı tómendegi jazıwlar belgilep barıladı:
- veterinariya mekemesinde ambulator yamasa statsionar emlew ushın keltirilgen haywanlar tuwrısında;
- veterinariya qánigeleriniń tikkeley xojalıqlarǵa barıp kórsetken emlew járdemleri;
- xojalıq qánigeleri tárepinen veterinariya mákemelerinde, sharwashılıq xojalıqlarında, komplekslerde hám tikkeley sırtqı kórinislerdegi emlewleri boyınsha maǵlıwmatlar aytıladı.
Jurnal formasınıń 1-grafa baslanǵısh márte qabıl qılınıp atırǵan haywannıń tártip nomeri jazıladı. 2-grafa bolsa tákiraran qabıl qılınıp atırǵan haywannıń 1-grafaǵa tártip nomer sáwlelendiriledi. Bul tártip nomeri haywandı keyingi qabıllaw waqtında da 2 grafaǵa túsirile beredi. Egerde, bul haywan keyinirek basqa diagnoz menen qabıl etilse oǵan jańa (basqa) tártip nomeri berilip, 1-grafaǵa sáwlelendiriledi. 4-grafada haywandı qabıl etilgen sánesi jazıladı. 4-grafada bolsa xojalıq (ferma, bólim) atı, adresi kórsetilip, egerde haywan jeke xojalıqtiki bolsa haywan iyesiniń famılıyası, atı hám ákesiniń atı belgilenedi. 5- grafada haywannıń turı, jinsi, laqapı, jası hám individual nomeri kiriziledi, 6 -grafaǵa haywannıń kesellengen waqıtı kórsetiledi. Haywan kórikten ótkerilip, diagnoz anıqlańgannan keyin 7-grafaga toldırıladı. Egerde birinshi tekseriwde diagnoz belgilew ilájsız bolsa, shama menen qoyılıp, 8-grafada bolsa tolıq tekseriw ótkerilip, juwmaqlawshı diagnoz sáwlelendiriledi. 9 -grafada bolsa keselliktiń klinikalıq belgileri, dene temperaturası, júrek urıwı hám dem alıw tezligi, arnawlı tekserisler (qan, sidik, tezek úlgileri) dıń nátiyjeleri hám de ótkerilgen emlew ilájları yamasa belgilengen emlewler haqqındaǵı jazıwlar belgilenedi. Kesellik aqıbeti (táwır boldı, óldi, soyıldı, joq etildi) hám haywandı emlew shólkeminen jiberiw sánesi keltiriledi. 11-grafada emlew jumısları haqqında qosımsha dálilleri jazılıp tikkeley emleytuǵın veterinariya vrachı (feldsheri) nıń atı familiyasi jazılıp, qolı qoyıladı (emlew mákemeleriniń qánigeleri ushın májbúriy bolıp tabıladı).
Joqarı bahalanıwshı násilli mallardıń hám oǵada parodalı haywanlardı statsionar shárayatında emlew processlerinde, bul jurnalǵa qosımsha túrde olardıń hár biri ushın “Kesellik tariyxı” toldırılıp, ol jaǵdayda keselliktiń aǵımı hám emlew haqqında maǵlıwmatlar tolıq bayanlainadi.
Kesellik tariyxı xojalıqta bas yamasa úlken vetvrachlar, veteririnariya uchastkalarında bolsa uchastka basqarıwshıları tárepinen rásmiylestiriledi.

________________________________________________________

emlew shólkeminiń atı hám adresi

Kesellik tariyxı №_________

(forma №1 A-vet)

Baslanǵan___________________ Tamamlangan_________________

1. Haywan turi______________ jinsi_____________, jasi________túsi hám

belgileri______________________ laqapı yamasa birka №________________
2. Xojalıq yamasa fermanıń atı (maldıń iyesiniń F.A.Áa), adresi__________
______________________________________________________________
3. Haywanıń statsionar emlewge keltirilgen sánesi_________________
4. Diagnoz: dáslepki_____________________________________________
keyingi________________________________________________________
sáne__________________________________________________________
5. Anamnez:____________________________________________________
6. Haywanıń keltirilgen processdegi tekseriw nátiyjeleri:
temperatura________________________________________________________
puls___________________________________________________________
dem alıw_____________________________________________________
ulıwma jaǵdayı__________________________________________________
semizligi_______________________________________________________
teri qatlamınıń jaǵdayı_________________________________________
silekey perdeleriniń__________________________________________
limfa túyinlerining______________________________________________
qan aylanıw organları________________________________________
dem alıw_____________________________________________________
sińiriw_____________________________________________________
nerv sistemasıning_______________________________________________
kóriw organlarınıń_____________________________________________
háreket________________________________________________________
7. Arnawlı tekseriwlerdiń nátiyjeleri________________________________
______________________________________________________________

8. Keselliktiń keshiwi (arqa tárepi)

Sáne	Temperatura			puls		Dem alıw	Kesellik keshiw belgileri arnawlı tekseriw analizi		Emlew jumısları hám saq-law rejimi		Emlewshi vrachtıń qolı
	azanda	túste	keshqurun
1	2	3	4		5	6		7		8		9

9.Juwmaqlawshı diagnoz (sáne)__________________________________
10.Kesellik aqıbeti______________________________________________
(táwir boldı, óldi, soyıldı, sáne)
11. Táwir bolǵan haywan yamasa soyılǵan gewdesi qaerge jiberilgen.
12. Patalogoanatomik diagnozı____________________________________

Akt №___ " ___" _______20___jıl.

Epizootiyaǵa qarsı ótkerilgen ilájlardı dizimnen ótkeriw jurnalı (2-vet.). Bul jurnal barlıq xojalıqlarda bas yamasa úlken vetvrach tárepinen veterinariya uchastkalarında, punktlerinde, veterinariya emlewxanalarında, rayon (qala) veterinariya bólimlerinde (tiyisli xojalıq punktleri boyınsha) veterinariya qánigeleri tárepinen júrgiziledi.

Usı jurnalda juqpalı keselliklerge qarsı ótkerilgen barlıq ilájlar belgilep qoyıladı: diagnostik tekserisler (atap aytqanda, qan úlgilerin RA, RSK, RDSK boyınsha tekseriw hám t.b.), profilaktikalıq hám májbúriy shanshıwlar, haywanlardıń parazitlerige qarsı qayta islewler (sonıń menen birge, balıq, pal hárre) hám veterinar-sanitar ilájlar.
Orınlanǵan ilájlar haqqındaǵı maǵlıwmatlar sol kúnniń ózinde yamasa kelesi kúni jurnalǵa túsiriledi. Emlew hám diagnostik tekseriwlerdiń maǵlıwmatları bul iláj ótkerilgenligi boyınsha dúzilgen aktdegi jazıwlar (dáliller) ga sáykes keliwi kerek.
Bul jurnaldaǵı jazıwlar hár bir haywan yamasa qus turıne bólek belgilep qoyıladı.
Mısalı: “Kúydirgige qarsı emlew”, “Moneziozga qarsı gelmintsizatsiya”, “Tuberkulinizatsiya”, “Teri astı bókalarigna qarsı qayta islew” hám basqalar kiritiledi. 8-10 -grafalarǵa tek rejesiz májbúriy tárizde ámelge asırılǵan emlew hám qayta islewler belgilep qoyıladı. Atap aytqanda, 8-grafaǵa tiykarınan piroplazmidozlarga hám qotırǵa qarsı tolıq emlengen, gelmintsizlentirilgen yamasa emlengen mallardıń bas sanı kórsetiledi. Bıyılǵı jılda baslanǵısh tekserilgen haywanlardıń bas sanı 11 hám 14 grafalarda, ekilemshi tekseriwden ótkerilgenleri bolsa 15-18 grafalarda jazıladı (mısalı malleinizatsiya). Dezinfekciya, dezinseksiya boyınsha ay aqırındaǵı jumıs juwmaqları da belgilengen joybar hám orınlanǵan jumıs kólemi kórinisinde usı jurnalǵa jazıp qoyıladı.
Rayon (qala) de epizootik jaǵdayın dizimnen ótkeriw jurnalın (3-vet.) rayon hám qala veterinariya hám sharwashılıqtı rawajlandırıw bólimleri júrgizedi. Jurnal rayon yamasa qala aymaǵında payda bolǵan juqpalı hám invazion kesellikler haqqındaǵı barlıq maǵlıwmatlar belgilep qoyılgan tiykarǵı hújjet bolıp tabıladı.
Bul jurnal - tiyisli rayon yamasa qala aymaǵında ushıraytuǵın juqpalı hám invazion keselliklerdi sáwlelendiriwshi tiykarǵı hújjet esaplanadı. Sonday-aq, usı jurnalǵa qosımsha túrde bul rayon yamasa qalanıń epizootik kartası dúziledi. Usı jurnaldıń turaqlı saqlanıwı talap etiledi. Onıń grafagi betine ádetiy belgilerden tısqarı, odan aldınǵı 3-vet.jurnalınıń saqlanıw jayı, sońǵı sáneleri kórsetilip, jańa jurnaldıń tártip nomeri de qoyılıwı kerek.
Jurnalda Ózbekstan Respublikası “veterinariya tuwrısında”ǵı nızamnıń talap hám kórsetpeleri inabatqa alınǵan halda tiyisli juqpalı keseller dus kelgende karantin yamasa sheklewler engiziw ilájları belgilenip brutsellyoz, tuberkulyoz, trixenellyoz, cistitserkoz da esapqa alınadı. Jurnaldaǵı jazıwlar kesellikler boyınsha júrgizilip hár bir kesellikke jeterli dáreje betler bólistiriledi hám bul bólimlerde ámeldegi xojalıq punkti yamasa xojalıq ushın 8-10 qatardan ajratıladı.
Jurnaldı bólistiriwde ortasha 5-7 jılǵa mólsherlenip, tolǵannan keyin jańa jurnal júrgiziledi.
Jurnaldıń 5-grafasında diagnoz belgilew ushın tiykar bólıwshı qaysı tekserisler qashan ótkerilgenligi kórsetiledi. Mısalı: klinikalıq, patalogoanatomik dállileri, mikroskop (kúydirgige), serologik yamasa bakteriologik (brutsellyozǵa), tekseriw nátiyjeleri hám taǵı basqa. 7 hám de 14-grafalarda xojalıq yamasa xojalıq punktin nasaǵlam dep járiyalaw, karantin ornatıw, kesellikti tamamlaw hám karantindi bıykarlaw boyınsha rayon sheshiminiń nomeri hám sánesi belgilep qoyıladı. 13-grafada epizootiya dáwirinde kesellengen, ólgen, májbúriy emlegen (vaksina, sarısuw) haywanlardıń hám de jıl aqırında qalǵan kesel mallardıń bas sanı haqqındaǵı maǵlıwmatlar kórsetiledi.
Veterinariya vrachı tárepinen kórilgen ayırım qosımshalar, atap aytqanda ólgen haywanlar qayjerde hám qaysı usıl menen joq etilgenligi haqqındaǵı maǵlıwmatlar 15-grafada belgilep qoyıladı. 16-grafada bolsa barlıq jazıwlardı belgilegen qánige óz at-famılıyasın anıq kórsetken halda qol qoyıladı.
2-vet. forma
Epizootiyalarǵa qarsı ótkerilgen ilájlardı dizimnen ótkeriw jurnalı
taq tárepi

3-vet. forma

Rayon (qala) epizootik jaǵdayın dizimnen ótkeriw jurnalı

Sáne (kún ay, jıl)	Ferma, bólim, xojalıq, xalıq punkti atı	Haywan túri hám jası	Tekseriw, islew beriw hám shanshıw tádbirleriniń atı. (islew beriw processinde qollanılǵan dárilerdiń atı, islep shıǵarǵan mekeme, saqlaw múddeti, seriya, gos.kontrol №)	Profilaktik maqsette shanshıl-ǵan yamasa islew berilgen mallar sanı			Májbúriy shanshılǵan, islew hám tádbir ótkerilgen haywan-lar sanı
				Jámi	Sonnan		Jami	Sonnan
					kesellendi (asarat berdi)	haram óldi yamasa májbúriy soyıldı		kesellendi (asarat berdi)	haram óldi yamasa májbúriy soyıldı
1	2	3	4	5	6	7	8	9	10

Diagnostika(sawallıǵı) ushın ótkerilgen tádbirler, haywanlar sanı
Usı jılda birinshi márte tekserilgen					Usı jılda ekinshi márte tekserilgen
birlemshi tekserildi	solardan; kesellik-ke beyimlik kórsetti, sanı	ekilemshi tekserildi	solardan; kesel-likke beyimlik kórsetti, sanı	birlemshi tekserildi		solardan; kesel-likke beyimlik kórsetti, sanı	ekilemshi tekserildi	solardan; kesel-likkea beyimlik kórsetti, sanı
11	12	13	14	15		16	17	18