40. Publicictikalıq stil hám onıń leksika grammatikalıq ózgeshelikleri

40. Publicictikalıq stil hám onıń leksika grammatikalıq ózgeshelikleri. Publitsistikalıq stil yamasa siyasiy-ideologiyalıq stil jámiyettegi siyasiy-ideologiyalıq qatnaslardı bildipiw ushın xızmet etedi. Sonıń ushın ol gazetalarda, siyasiy-jámiyetlik jurnallar, padio hám televideniede paydalanıladı. Ol tıńlawshılarǵa belgili bir informatsiya beriw hám sol arqalı olarǵa tásir etiw ushın qollanıladı.
Publitsistikalıq stil jazba hám awızeki formalarda da qollanıla beredi. Mısalı, siyasiy kommentatorlardıń, oratorlardıń, advokatlrdıń, propagandistler menen agitatorlardıń shıǵıp sóylewleri awızsha formada boladı, biraq olar ádebiy tildiń normalarınan paydalanadı.
Publitsistikalıq stil: 1. Gazeta-publitsistikalıq stil (gazeta tili), 2. Agitatsiyalıq stil (shaqırıqlap, lozungler, proklamatsiyalar), 3. Rásmiy siyasiy-ideologiyalıq stil (húkimet qararları hám t.b.) túrlerine bólinedi.
18. Tildiń kórkemlew quralları Jazıwda, sóylewde pikirdiń ıqshamlıǵı, kórkemligi hám onıń ótkirligi artıwı ushın tildegi hár qıylı kórkemlew quralları keń paydalanıladı. Kórkemlew qurallarına Leksikalıq kórkemlew quralları (troplar) Sintaksislik kórkemlew quralları (stilistikalıq figuralar) kiredi. Troplar. Bir sózdiń ayırım kontekstlerde óziniń tiykarǵı tuwra mánisinen basqasha awıspalı mánide qollanılıp, hár qıylı kórkemlew quralları xızmetin atqarıwı trop dep ataladı
53. Qaraqalpaq folklorında hám qaraqalpaq ádebiyatında sóylew mádeniyatı Qaraqalpaq xalıq awızeki dóretpelerinde klassik shayırlardıń shıǵarmalarında da sóylew ádebi, sóz qúdireti haqqında bahalı pikirler aytılǵan. Jaqsı sóz jan azıǵı, Aytılǵan sóz atılǵan oq, Sóz súyekten ótedi, tayaq etten ótedi. Jıllı-jıllı sóyleseń, jılan ininen shıǵadı, qattı-qattı sóyleseń musılman dinnen shıǵadı. Biyday nanıń bolmasa, biyday sóziń joqpa edi usaǵan danalıq sózler xalqımızdıń sóz kúshi, sóz qúdretin qanshelli dárejede bahalaytuǵınlıǵınan derek beredi. Qaraqalpaq xalqı sóz ónerin júdá qádirlegen, onı meńgeriwge, úyreniwge talaplanǵan, sóz sheberleri bolǵan sheshenlerin júdá ardaqlaǵan xalıq. Atababalarımız zamanında sóz sheberleri dawdı sheshken. Sózi tawıp sóyleytuǵın adamlar húrmet, izzette bolǵan. Bir ǵana Jiyrenshe sheshen haqqındaǵı áńgimelerdiń ózi buǵan ayqın mısal bola aladı. Awızeki ádebiyatımızda dilwar qız jeńgeleri menen sheshen jigit aǵalalarınıń aytısları, dilwar qızlar menen jigitlerdiń sóz jarastırıwları, sózge sheshenligi menen xandı jumsaǵan hayal haqqında áńgimeler saqlanıp qalǵan.