5-mavzu. Ms access da hisobotlarni tuzish Hisobot(Отчёты)

5-mavzu. MS Access da hisobotlarni tuzish


Hisobot(Отчёты)– jadval yoki zaproslar yordamida olingan natijalarni ma’lum koʻrinishlarda printerda chop etishga imkon beradi. Hisobot – bu natijalar aks etgan qogʻozli hujjatning elektron koʻrinishi demakdir. Hisobotlar ma’lumotlarni koʻrib chiqish, tahrirlash va xatto hisob ishlarini bajarishga imkon yaratadi. Bitta hisobotda bir necha jadval va zaproslardan olingan ma’lumotlarni ham ifodalash mumkin.
Hisobotlar ustasi bilan hisobot yaratish
MS Access 2010da hisobot yaratish uchun tasmadagi Sozdanie vkladkasida joylashgan Master otchetovdan foydalanamiz.
Hisobotlarni yaratish ham xuddi formalar yaratish kabi amalga oshiriladi. Ularni ham master yordamida amalga oshirish qulay.

Hisobot yaratish


Master otchetovni ishga tushirganimizda quyidagi koʻrinishdagi muloqot oynasining birinchi sahifasi ochiladi:

Bu oynadagi Tablitsi i zaprosi roʻyxat maydonidan hisobot yaratiladigan jadval yoki zapros nomini tanlaymiz. Dostupnie polya deb atalgan roʻyxat maydonida tanlangan jadvalning maydonlari roʻyxati paydo boʻladi. Shu maydondan hisobotda koʻrinib turishi kerak boʻlgan maydon nomini tanlab “>” belgini bosish orqali Vibrannie polya nomli roʻyxat maydoniga oʻtkazamiz. Agar barcha maydonlarni oʻtkazish kerak boʻlsa, u xolda “>>” belgini bosish kerak. Notoʻgʻri oʻtkazilganlarini esa “<” belgi yordamida orqaga qaytarish mumkin.

Dalee tugmasini bosib navbatdagi muolqot oynasiga oʻtiladi. Bu oynada natijalarni guruhlab chiqarish imkoniyatidan foydalanish mumkin. Masalan natijalarni tugʻilgan joyi boʻyicha guruhlab chiqaradi.

Dalee tugmasini bosib navbatdagi muolqot oynasiga oʻtiladi. Bu oynada natijalarni bir yoki bir nechta maydonlar boʻyicha oʻsish yoki kamayish tartibida chiqarish amalga oshiriladi.

Navbatdagi muloqot oynasida yaratiladigan hisobotni koʻrinishi tanlanadi. Ular agar guruhlash ishlatilmagan boʻlsa uch koʻrinishda boʻlib, v stolbes, tablichniy va virovnenniy deb ataladi. V stolbes va virovnenniy nomli formalar faqat bitta yozuvga tegishli maydonlarni nomlari va ularga mos ma’lumotlarni ifodalaydi. Tablichniy esa natijaviy jadvalni toʻliq barcha yozuvlari va maydonlari bilan ifodalaydi. Soʻnggi muloqot oynasi hosil boʻlgan hisobotni qanday nom bilan saqlash kerakligini soʻraydi.


T O P Sh I R I Q
O‘qituvchilar jadvali asosida mansablar bo‘yicha guruxlantirilgan hisobot tuzing.
Topshiriqni bajarish tartibi:
Hisobot hosil qilish uchun Sizdan quyidagi ishlar ketma-ketligini bajarish talab qilinadi:

• 
  Otchetы (Hisobotlar)  tugmachasini bosib, tegishli darchani oching va undan so‘ng ushbu darchadagi Sozdat (Hosil qilinsin) tugmachasini bosing;
  
• 
  Paydo bo‘lgan muloqot darchasidan Master otchetov (Hisobotlar ustasi) punktini tanlang;
  
• 
  Bu darchaning pastki qismidagi strelkali belgichani bosib, ruyxatni oching;
  
• 
  Hosil bo‘lgan ruyxatdan o‘qituvchilar jadvalini tanlang va OK tugmachasini bosing;
  
• 
  Hosil bo‘lgan darchadan formada ko‘rinishi kerak bo‘lgan maydonlarni tanlang va har bir tanlovdan so‘ng > tugmachasini bosing. Ushbu misolda hisobotda jadvalning barcha maydonlari bo‘lishligi kerakligi uchun >> tasvirli tugmachani bosing va so‘ngra Dalee tugmachasini bosing;
  
• 
  Ekranda paydo bo‘lgan darchada maydonlar ruyxatini ko‘rasiz. Mansab maydonini ajratib ko‘ying;
  
• 
  Endi > tasvirli tugmachani bosing. Ushbu amal oqibatida Siz mansab bo‘yicha guruxlashtirish kerakligini ko‘rsatdingiz;
  
• 
  Keyin Dalee tugmachasini bosing;
  
• 
  Hosil bo‘lgan darchaning ko‘rsatgichlarini o‘zgartirishsiz koldiramiz va so‘ngra Dalee tugmachasini bosamiz;
  
• 
  Hosil bo‘lgan navbatdagi darchadan hisobotning stilini tanlab olamiz va so‘ng Dalee tugmachasini bosamiz;
  
• 
  Ushbu yangi darchada hisobot nomini o‘qituvchilar deb kiritamiz;
  
• 
  Endi Gotovo (Tayyor) nomli tugmachani turtamiz. Bunda ekranda tayyor hisobot namoyon bo‘ladi;
  
• 
  Hisobotni ko‘rib chikkandan so‘ng, uni yopib ko‘ying.