6. 4-mustaqil ishlash uchun topshiriqlar

 

JURNALLAR 

𝑨 

𝑩 

𝑪 

O‘QUVCHILAR 

1 mln 

0.6 mln 

0.4 mln 

ASOSIY XARIDORLAR 

10% 

15% 

7% 

REKLAMA NARXI ($) 

5000 

4500 

4250 

---

Reklama  uchun  ajratilgan  budjet  summasi  100 000  AQSH  dollaridan  ko‘p 

emas.  Korxona  egasi  qaror  qildi, 

𝐴  jurnalda  6  tadan  ko‘p  bo‘lmagan  reklama 

e’lonlari, 𝐵 va 𝐶 jurnallarning har biri ikkitadan kam bo‘lmagan reklama e’lonlarini 

berishi kerak. Ushbu masalani yechish uchun CHDM rasmiylashtiring.  

9.  Ishlab  chiqarish  korxonasi  ikki  xil  turdagi  belkuraklar  ishlab  chiqaradi. 

Ularni tayyorlash uchun metall va yog‘och talab qilinadi. Birinchi turdagi belkurakni 

tayyorlash  uchun  0.04  metall  parchasi  va  0.004  m

3

  yog‘och,  ikkinchi  turdagi 

belkurak  uchun  0.02  metall  parchasi  va  0.004  m

3

  yog‘och  talab  etiladi.  Birinchi 

turdagi belkurakning sotish narxi 60 so‘m, ikkinchi turdagi belkurakning narxi 50 

so‘m. Bozorni o‘rganish natijasida 1-turdagi belkurakka talab  2-turdagi belkurakka 

nisbatan juda yuqori bo‘lib, oyiga 3000 donaga ko‘pni tashkil etadi. Bundan tashqari 

2-turdagi  belkurakka  talab  oyiga  15  ming  donadan  oshmaydi.  Ishlab  chiqarish 

korxonasida 300 ta metall parchasi va 60 m

3

 yog‘och mavjud bo‘lsa, ikkala turdagi 

belkuraklardan maksimal foyda olish uchun oyiga nechtadan ishlab chiqarishi kerak 

bo‘ladi?  

10.  Ishlab  chiqarish  korxonasi  4.5  tonnalik  va  yem-xashak  tarqatuvchi 

tirkamalarni  mos  ravishda  40.3  ming  va  74.3  ming  so‘mdan  ishlab  chiqaradi. 

Bozorni  o‘rganish  natijasida  ma’lum  bo‘ldiki,  birinchi  turdagi  tirkamaga  1  yilda 

1200  ta  talab  mavjud.  Tirkamalarni  ishlab  chiqarish  uchun  po‘lat  va  chugun 

xomashyolaridan  foydalaniladi,  ularning  zahirasi  mos  ravishda  25000  va  4500 

tonnani tashkil etadi. Minggta tirkamani ishlab chiqarish uchun 1615 tonna po‘lat va 

385 tonna chugun sarflanadi. Yem-xashak tarqatuvchi tirkamaning har ming donasi 

uchun  esa  2022  tonna  po‘lat  va  478  tonna  chugun  sarflanadi.  Birinchi  turdagi 

tirkamaning  tannarxi  34.66  ming  so‘m,  yem-xashak  tarqatuvchi  tirkamaning 

tannarxi  63.9  ming  so‘mni  tashkil  etdi.  Tirkama  va  yem-xashak  tarqatuvchi 

tirkamalarni ishlab chiqarishning optimal yechimini quyidagi shartlar asosida topish 

kerak:   

a) ishlab chiqariladigan mahsulotlarning soni maksimal bo‘lishi; 

b) ishlab chiqarilgan mahsulotlardan foyda maksimal bo‘lishi;   

---

v) ishlab chiqarilgan mahsulot tannarxi minimal bo‘lishi.   

11.  Ta’mirlash  zavodi  ikki  turdagi  nasos  ishlab  chiqaradi:  yoqilg‘i  va  suv. 

Mahsulotlar komplektiga to‘rt turdagi qismdetallar ishlatiladi: asosiy qobiq, plastik, 

manjet, tishli g‘ildirak. Yoqilg‘i nasosini ishlab chiqarish uchun bitta asosiy qobiq, 

4 ta plastik, 4 ta manjet, bitta tishli g‘ildirak, suv nasosiini ishlab chiqarish uchun 

esa mos ravishda 1, 2, 4 va 3 ta komplekt detallari sarflanadi. Bitta yoqilg‘i naososini 

sotish natijasida zavodga 50 so‘m, suv nasosi esa 200 so‘m foyda keltiradi. Zavod 

zahirasida quyidagi qism detallar mavjud: Asosiy qapqoq - 6 dona; plastik – 8 dona; 

manjet - 12 dona; tishli g‘ildirak - 9 dona. Zavod maksimal foyda olish uchun ishlab 

chiqarish rejasini tuzing.  

12. Ikki xil turdagi ozuqa uchun bioqo‘shimchalarni ishlab chiqarish uchun 

uchta  guruhdagi  vitaminlardan  foydalaniladi.  Bunda  “Buzoqcha”  nomli 

bioqo‘shimchani tayyorlash uchun 16 kg A vitamini, 8 kg V1 vitamini va 5 kg Ye 

vitamini sarflanadi. “Qo‘zichoq” nomli bioqo‘shimchani tayyorlash uchun 4 kg A 

vitamini, 7 kg V1 vitamini va 9 kg Ye vitamini sarflanadi. Firma omborida hammasi 

bo‘lib,  784  kg  A  vitamini,  552  kg  V1  vitamini  va  567  kg  Ye  vitamini  mavjud. 

“Buzoqcha”  nomli  qo‘shimchani  sotishdan  4000  so‘m,  “Qo‘zichoq”  nomli 

qo‘shimchani  sotishdan  esa  7200  so‘m  foyda  olinadi.  Ikki  turdagi 

bioqo‘shimchalarni sotishdan olinadigan maksimal foydani aniqlang.  

13. Firma ikki turdagi «Kuprum-I» va «Kuprum-II» o‘g‘itlar to‘plamini ishlab 

chiqaradi.  «Kuprum-I»  to‘plami  tarkibiga  3  kg  azotli,  1  kg  kaliyli  va  1  kg  misli 

o‘g‘itlar kiradi. «Kuprum-II» to‘plami tarkibiga 1 kg azotli, 2 kg kaliyli va 6 kg misli 

o‘g‘itlar kiradi. Botqoqlik tuprog‘ining hosildorligini oshirish uchun kamida 9 kg 

azotli, 8 kg kaliyli va 12 kg misli o‘g‘it talab qilinadi. «Kuprum-I» to‘plami narxi 4 

shartli  pul  birligida,  «Kuprum-II»  to‘plamining  narxi  esa  6  shartli  pul  birligida. 

Tuproqning hosildorligini oshirish uchun qancha miqdorda o‘g‘itlar to‘plami zarur 

bo‘ladi va tannarxini qanday minimallashtirish mumkin? 

14.  Tishli  g‘ildirak  ishlab  chiqaruvchi  ishlab  chiqarish  korxonasida  ikkita 

stanok bor: tish chiqaruvchi va charxlovchi. Uchta turdagi tishli g‘ildiraklar ishlab 

---

chiqarish talab etiladi. Ularning soni birinchi turdan 80 dona, ikkinchi va uchinchi 

turdagilardan mos ravishda 110 va 140 donadan ishlab chiqarish kerak. Har bir tishli 

g‘ildirak  stanoklardan  ixtiyoriy  bittasida  tayyorlanishi  mumkin.  Birinchi  turdagi 

g‘ildirakni  tish  chiqaruvchi  stanokda  tayyorlash  uchun  20  minut,  charxlovchi 

stanokda  tayyorlash  uchun  34  minut  vaqt  sarflanadi.  Ikkinchi  turdagi  g‘ildirakni 

tayyorlash  uchun  tish  chiqaruvchi  stanokda  12  minut,  charxlovchi  stanokda  14 

minut, uchinchi turdagi g‘ildirak uchn esa mos ravishda 10 minut va 8 minut vaqt 

sarflanadi. Tish chiqaruvchi stanokning kesuvchi asbobini almashtirmasdan 180 ta 

g‘ildirak, charxlovchi stanokda charxlash asbobini almashtirmasdan 150 ta g‘ildirak 

tayyorlash  mumkin.  Stanoklarning  asboblarini  almashtirmasdan  minimal  vaqt 

sarfini ta’minlovchi optimal yuklanishini aniqlang.  

15.  Avtotransport  korxonasi  ikkita  zavodda  ishlab  chiqariladigan  uchta 

qurilish  ob’ektini  qurilish  materiallarin  bilan  ta’minlab  berish  bo‘yicha  buyurtma 

qabul  qildi.  Birinchi  zavodda  120  tonna  qurilish  materiallari  jo‘natma  uchun 

tayyorlangan, ikkinchi zavoddan esa 180 tonna qurilish materiallari tayyorlangan. 

Birinchi qurilish ob’ektiga 70 tonna qurilish materiali, ikkinchi va uchinchi qurilish 

ob’ektiga esa mos ravishda 140 tonna va 90 tonna qurilish materiallari zarur bo‘ladi. 

Quyidagi matritsa bo‘yicha berilgan: 

(

8   12   5

3    7    9

) 

a)  har  bir  zavoddan  bir  tonna  qurilish  materialini  har  bir  qurilish  ob’ektiga 

yetkazib berish uchun foyda miqdori; 

b)  har  bir  zavoddan  bir  tonna  qurilish  materialini  har  bir  qurilish  ob’ektiga 

yetkazib berish tannarxi.  

Yetkazib berishning optimal rejasini tuzing: 

a) foydani maksimallatiruvchi;  

b) tannarxini kamaytiruvchi.