6-Laboratoriyalıq jumıs Tema: Pochta programmaları menen islew Jumıstıń maqseti

6-Laboratoriyalıq jumıs
Tema: Pochta programmaları menen islew


Jumıstıń maqseti: Elektron pochta menen islesiwshi programmalardı úyreniw
Qısqasha teoriyalıq maǵlıwmat
Elektron pochta (e-mail) – ápiwayı pochtanıń analogı hám elektron baylanıs qurallarınıń eń ulıwmalasqanlarınıń biri esaplanadı. Onıń járdeminde xabarlardı jiberiw, olardı όz elektron pochta qutıńızǵa qabıllaw, sizge xabar jazǵanlardıń pochta adresinen avtomatikalıq túrde paydalanıp olarǵa juwap beriw múmkin.
Elektron xabarlar – bul arnawlı kόriniste jazılǵan fayllar. Fayl strukturası bunday fayllar menen islew ushın paydalanılatuǵın programmalardan parıqlı túrde turaqlı bolıp qaladı. Ulıwmalıq qabıl etilgen format MIME formatı esaplanadı. Hár bir elektron xabar eki tiykarǵı bόlekten ibarat: bas hám dene bόlimi.
Bas bόlim tόrt tiykarǵı maydandı όz ishine aladı:

• 
  From (Kimnen): - jollawshı adresi (jollawshınıń elektron adresi avtomatikalıq túrde kόrsetiledi).
  
• 
  To (Kimge): - qabıllawshınıń adresi (qabıllawshınıń elektron pochta adresi).
  
• 
  Subject (Tema): - xabar teması (xabardıń bir-eki sόzden ibarat qısqa mazmunı).
  
• 
  Date (Sáne): - sáne (xabardıń jazılıw sánesi, pochta programması arqalı avtomatik túrde toltırıladı).
  
• 
  CC (Carbon Copy) (Nusqalar) – xattıń nusqaları jiberiliwshi shaxstıń elektron pochta adresi.
  

Xabar denesi – bul xattıń mazmunı. Dene sıpatında ápiwayı tekst bolıwı múmkin. Tekstke bir yaki birneshe fayllar (grafikalıq, dawıslı yaki tekstli) biriktiriliwi múmkin.
Elektron pochta menen islesiw ushın, paydalanıwshı Internettiń pochta serverleriniń birinde dizimnen όtken bolıwı kerek. Dizimnen όtkennen soń, pochta serverinde paydalanıwshı elektron adreske iye boladı, hám serverde sáykes pochta qutısı jaratılıp, onda kelip túsiwshi pochtalar jıynaladı.
Elektron adres tόmendegi strukturaǵa iye boladı:

@
bul jerde,
- belgili paydalanıwshınıń pochta serverinde dizimnen όtken atı; - pochta serveriniń adresi.
Elektron pochta menen islesiw eki basqıshtan ibarat: keliwshi pochtalardı qabıllaw hám pochtalardı jiberiw. Bul ámellerdi pochta programması orınlap, onıń wazıypası pochta serveri menen maǵlıwmat almasıw esaplanadı.

1-tapsırma. www.yandex.ru, www.mail.ru, www.nm.ru, www.rambler.ru, www.pochta.ru hám t.b. biypul pochta serverleriniń birinen registraciyadan όtiń. Bunıń ushın Пуск – Программы – Internet Explorer túymesi arqalı yaki Jumıs stolındaǵı belgi járdeminde Internet Explorer programmasın iske túsiriń. Brauzerdiń adres qatarında www.yandex.ru saytı adresin jazıń. Pochta – Dizimnen όtiw yaki Pochta qutısına iye bolıw siltemesin tańlań.

2-tapsırma. Microsoft Outlook Express pochta programmasın júkleń, onıń interfeysiniń tiykarǵı elementlerin úyreniń.
Jumıstı orınlaw tártibi:
1. Jumıs stolındaǵı belgi yaki Máseleler panelindegi Microsoft Outlook Express programmasınıń sáykes túymesi járdeminde programmanı iske túsiriń. Bunnan soń tόmendegi ayna payda boladı:

Microsoft Outlook Express programması interfeysiniń tiykarǵı elementleri tόmendegiler esaplanadı:

• 
  Zagolovka qatarı. Windows aynasınıń standart elementlerinen (Aynanı jıynaw, Tiklew hám Jabıw túymeleri) hám Outlook Express programmasınıń atınan ibarat.
  
• 
  Vkladkalar lentası. Pochtalıq klient penen islesiwde kerekli barlıq funkciyalardan paydalanıwǵa múmkinshilik beriwshi punktlerden ibarat (xabarlardı jaratıw, jiberiw hám qabıllaw, interfeysti sazlaw hám t.b.).
  
• 
  Instrumentler paneli. Kόp qollanılıwshı buyrıqlardan tez paydalanıwǵa múmkinshilik beriw ushın arnalǵan:
  

• 
  Xabar jaratıw – jańa xat payda etiw ushın ayna ashadı.
  
• 
  Pochtanı jetkeriw – pochtalıq xabarlamanı alıw hám (yaki) jiberiw.
  
• 
  Adresler – adres kitabın ashıwǵa múmkinshilik beredi.
  
• 
  Izlew – atributlar boyınsha pochta xabarın yaki adresattı izlew.
  

• 
  Lokal papkalar paneli. Pochtalıq klienttiń standart papkalarınıń birinde saqlanıwshı pochta xabarlarınıń dizimin (hám olardıń mazmunın) ekranǵa shıǵarıwǵa múmkinshilik beredi:
  

• 
  Kiriwshi. Bul papkaǵa barlıq jańa pochtalar kelip túsedi. Nátiyjede qosımsha papkalar jaratıw múmkin hám programmanı jańa xabarlar kelgende barlıq pochta avtomatikalıq túrde papkalar boyınsha sortirovkalanatuǵınday etip sazlaw múmkin.
  
• 
  Shıǵıwshı. Bul papka jiberiliwshi xatlardı waqtınsha saqlaw ushın arnalǵan.
  
• 
  Jiberilgenler. Bul jerde jiberilgen xabarlardıń nusqaları saqlanadı.
  
• 
  Óshirilgenler. Bul jerde όshirilgen xabarlar saqlanadı (eger xabardı tiklew talap etilse). Papkanı tazalaw xabardı qayta tiklew imkaniyatısız όshiriwge alıp keledi.
  
• 
  Chernovik. “Jazıp bolınbaǵan” xatlardı saqlaw ushın xızmet etedi.
  
• 
  Kontaktlar paneli. Bul aynada adres kitabına adresleri kiritilgen klientlerdiń atları fiksirlenedi.
  
• 
  Kόriw maydanı. Berilgen papkada xabarlar dizimi hám belgilengen xattıń mazmunıń kόriwge múmkinshilik beredi.
  

2. Fayl vkladkasın ashıń.
“Сведения об учетной записи” bόliminde “Добавление учетной записи” túymesin basıń.

Dialog aynasına tόmendegilerdi kiritiń:

• 
  Atıńız hám familiyańız
  
• 
  Elektron pochta adresińiz
  
• 
  Parol (paroldi tastıyıqlaw)
  

3-tapsırma. Keyingi háptede bilimlendiriw mákemesinde bolıp όtetuǵın ilajlardıń anonsın όz ishine alıwshı pochta xabarın jaratıń hám onı qońsı kompyuterler hám oqıtıwshı kompyuterine jiberiń.
Tapsırmanı orınlaw tártibi:
1. «Главная» vkladkasında «Создать» toparında xabardı jaratıw (“Создать сообщение” buyrıǵın tańlań.

2. Xabardıń barlıq bas bόlimlerin: Kimge (“Кому”), Nusqa (“Копия”), Jasırın (“Скрытая”), Tema (“Тема”) tόmendegishe toltırıń: “Кому” bas bόliminde oqıtıwshınıń elektron adresin kόrsetiń, “Копия” bόlimine shep táreptegi qońsı adresi, “Скрытая” bόlimine oń táreptegi qońsı adresin kόrsetiń. Tema sıpatında “JOO ilajlarınıń anonsı”.

3. Xabar tekstin jazıń.
4. “Отправить” túymesin basıw arqalı xabardı jiberiń.


Qadaǵalaw ushın sorawlar

1. 
   Elektron pochta xabarları menen almasınıw ushın zárúr bolǵan tiykarǵı komponentler qanday?
   
2. 
   Pochta serveri qanday rol oynaydı?
   
3. 
   Elektron pochta adresi neden ibarat?
   
4. 
   Elektron pochta xabarınıń tiykarǵı strukturalıq bólimleri qanday?
   
5. 
   E-mail xabarları menen ámelge asırılıwı múmkin bolǵan tiykarǵı operatsiyalardı sanap beriń.