Yo‘l ishlarini bajarishda xavfsizlik texnikasi bo‘yicha asosiy qoidalar
Har kuni ish boshlashdan avval ko‘zda tutilgan chizma bo‘yicha texnik vositalarning mavjudligini tekshirish va zarur holda yaroqsiz holga kelganini almashtirish yoki yo‘q bo‘lgan vositalarni o‘rnatish zarur.
Yo‘l mashinalari va jihozlari gabarit qismida qizil rangli tasma chizilgan yorug‘-sariq rangga bo‘yalgan bo‘lishi kerak. Odatda, yo‘l mashina va mexanizmlari sutkaning qorong‘i vaqtida, agar bu davrda ishlar olib borilmayotgan bo‘lsa, yo‘l poyi chegarasidan tashqariga qo‘yilgan bo‘lishi kerak. Istisno sifatida, harakat amalga oshirilayotgan yaqin tasma chegarasidan kamida 1,5 m.da joylashtirish mumkin. Bunda yo‘l mashinalari ikki tomondan qorong‘u tushishi bilan yoqiladigan sariq rangli ogohlantirish yoritqichli to‘siqlar bilan to‘silishi kerak. To‘siqlar mashinalardan 10-15 m.da o‘rnatiladi. Yo‘l ishlarini bajarayotgan ishchilar oddiy maxsus kiyimlar ustidan kiyiladigan yorug‘-to‘qsariq rangli ogohlantirish kiyimlari (nimcha) bilan ta’minlangan bo‘lishlari kerak.
Do'stlaringiz bilan baham: |
