6-mavzu: Davlat byudjeti

subventsiyalar - muayyan maqsadlarga sarflash sharti bilan yuqori turuvchi byudjetdan quyi turuvchi byudjetga qaytarmaslik sharti bilan ajratiladigan pul mablag’lari;
o’tkazib beriladigan daromadlar - tegishli ma’muriy-hududiy birlikda (masalan, biror tuman, shahar yoki viloyat hududida) shakllanadigan va yuqori turuvchi byudjetga o’tkaziladigan, keyinchalik ular qaerda shakllangan bo’lsa, o’sha ma’muriy-hududiy birlik byudjetiga o’tkazib beriladigan daromadlar;
dotatsiyalar - byudjet tizimi byudjetlariga ularning o’z daromadlari etishmagan taqdirda daromadlar bilan xarajatlar o’rtasidagi farqni qoplash uchun qaytarmaslik sharti bilan ajratiladigan pul mablag’lari;
byudjet ssudasi - qaytarish sharti bilan yuqori turuvchi byudjetdan quyi turuvchi byudjetga, shuningdek davlat maqsadli jamg’armalari byudjetlariga ajratiladigan pul mablag’lari;
o’zaro hisob-kitoblar bo’yicha mablag’lar - moliya yili mobaynida byudjetlar parametrlari o’zgarganda yuqori va quyi turuvchi byudjetlar o’rtasida yuzaga keladigan o’zaro pul munosabatlari.
Maqsadli ijtimoiy transfertlar - yuqori turuvchi byudjetdan quyi turuvchi byudjetga ta’lim va tibbiyot muassasalarining ish haqi va yagona ijtimoiy to’lovlar bo’yicha xarajatlarini qoplash uchun ajratiladigan mablag’lar.

2017-2021 yillarda O’zbekiston Respublikasini rivojlantirishning beshta ustuvor yo’nalishi bo’yicha qabul qilingan Harakatlar strategiyasida ko’rsatilgan tadbirlarning amalga oshirilishi yaqin kelajakda quyidagi imkoniyatlarni yaratadi

• bazaviy tarmoqlarning moliyaviy holati bilan bog’liq iqtisodiyotdagi tarkibiy muammolarga qaramasdan, iqtisodiyotning o’sish sur’atlarini 5-6 foiz darajasida ushlab turishga erishish;
• mahalliy byudjet daromadlarini shakllantirishda mahalliy hokimiyat organlarining mustaqilligini oshirish va soliqqa tortiladigan bazani kengaytirish hisobiga Davlat byudjeti daromadlarining prognoz ko’rsatkichlari oshishiga erishish;
• ijtimoiy-iqtisodiy rivojlantirish bo’yicha davlat va hududiy dasturlar ijrosini ta’minlash, aholining bandlik darajasini va daromadlarini oshirish, mamlakat mudofaasini mustahkamlash va chet davlatlar bilan o’zaro manfaatli hamkorlikni yo’lga qo’yish.