6-mavzu. Mayya va slavyan xalqlari kalendarlari Reja Slavyan xalqlari kalendarlari. Mayyalarda kalendari

6-mavzu. Mayya va slavyan xalqlari kalendarlari
Reja
1. Slavyan xalqlari kalendarlari.
2. Mayyalarda kalendari.


Mayya kalendari. Markaziy Amerikani birinchi bo‘lib «o‘zlashtirishni» boshlagan ispanlar bu yerda 40000 ga yaqin ehromlar borligini aniqlashdi. Ular ba’zilarining balandligi 60 metrga yetar edi. Amerikada o‘ziga xos sivilizatsiyalar mavjud bo‘lgan, ulardan esa astronomik kuzatishlar uchun maxsus ibodatxonalar, ehromlar qolgan.
XVI asrda ispanlar Yukatanni bosib olganidan so‘ng Mayya madaniyatiga oid yodgorliklarni vayron qildi. Mayya madaniyati yodgorliklarini Meksika birinchi arxiepiskopi don Xuan de Sumaraga boshchiligidagi rohiblar vayron qilishda bosh-qosh bo‘lishgan. Keyinchalik shu davlatda ikkinchi arxiepiskop bo‘lgan Diego de Landa buyrug‘iga asosan 1562 yilda yig‘ilgan Mayyalar qo‘lyozma kitoblari autodefa bayrami vaqtida yondirilgan edi. U bu haqda shunday yozgan: “Biz ularda mana shu harflar bilan yozilgan ko‘p miqdorda kitoblar topdik. Ularda irim va shayton yolg‘onlari bo‘lishi mumkin bo‘lgan hech narsa saqlanib qolmasligi uchun hamma narsani yoqib tashladik”. Vaqt o‘tishi bilan Diego de Landa “Yukatandagi ishlar haqida” nomli kitobida Mayyalar tarixi va madaniyati haqida ma’lumotlar keltirgan, ularning yozuv elementlarini ta’riflagan, bir nechta ierogliflarni keltirib ularning tarjimasini bergan¹.
Ispan qiroli Karl IV ga sovg‘a qilingan uchta Mayyalar qo‘lyozmasi tasodifan saqlab qolingan. Ulardan biri Drezden kutubxonasida, ikkinchisi Parijda, uchinchisi Madridda saqlanadi. Arxeologik qidiruvlar natijasida Mayyalarning 150 ga yaqin shaharlari ochilgan. Shuningdek, ieroglif yozuvlar ustunlarda, bino devorlarida, idishlar va amaliy san’at buyumlarida topilgan. Shunday yozuvlarning 500 dan ortig‘i ma’lum. Faqat bitta xonadondagi “ieroglif” zinasida 2000 dan ortiq belgilar tasvirlangan. Butun dunyo olimlari Mayyalar yozuvining sirlarini ularning o‘ziga xos madaniyatini, jumladan, kalendarini o‘rganish uchun juda ko‘p mehnat qilishgan. Bu borada ko‘p xizmat ko‘rsatgan Yu.V. Knorozovdir. U Mayyalar kalendari haqida shunday yozadi: “Qadimgi sanalarni hozirgi kunda to‘liq tushunishimiz mumkin. Lekin Mayyalar kalendaridagi hamma narsalar ham tushunarli emas»².
Ma’lumki, Mayyalar yilni ikki qismga bo‘lgan: qurg‘oqchilik davri (uni quyosh xudosi boshqargan) va yomg‘ir davri (uni yomg‘ir xudosi boshqargan). Mayyalar to‘lin oy vaqti va yomg‘irdan darak beruvchi qora bulutlarning yig‘ilishini poylab, ekin ekishni, birinchi galda jo‘xori ekishni boshlashgan.
Mayyalar kalendari hisobining asosida «kin», ya’ni, kun tashkil qiladi. Ular «blok»larga birlashgan, ular bir nechta bo‘lgan:

1. 
   har bir kunni o‘z nomiga ega bo‘lgan to‘qqiz kundan iborat «hafta»;
   
2. 
   har bir hafta kuni o‘z tartib raqami bilan belgilangan o‘n uch kundan iborat hafta;
   
3. 
   yigirma kun yoki vinal 20 kindan iborat oy³.
   

Shuningdek, “vinal” so‘zi odam degan ma’noni bildirgan. Mayyalarda odam rasmi yigirma raqamini bildirgan. Oy kunning har biri o‘z nomiga ega bo‘lgan. Bundan tashqari, kunlar birdan yigirmagacha bo‘lgan raqamlar bilan belgilangan. Yu.V.Knozorovning ma’lumotiga ko‘ra, kunlarning har bir nomi shu vaqtning zarur hodisasini eslatadi.
Mayyalar bir vaqtning o‘zida sanalarni uzviy bog‘lab, bir nechta kalendardan foydalanishgan. Ulardan 260 kunlik (uning shartli nomi solkin), 360 kunlik yil (“tun”), 365 kunlik yil («xaab») bo‘lgan. 260 kunlik solkin yilida yigirma kunlik haftalar bo‘lgan. Shuning uchun bunday yilda oy nomlari va hafta sanalari ma’lum qoida asosida tugallangan oraliq davrini hosil qilib qaytarilaveradi. Bir imish kuni (13 kunlik haftaning birinchi kuni, yigirma kunli oyning birinchi nomi) yerga ishlov berishning boshlanish davri sifatida bayram qilingan.
Tun yili 18 ta 20 kunlik oydan iborat edi . Qadimgi Mayyalar quyoshli yil davrini shunday tasavvur qilgan bo‘lishi istesnodan holi emas. Lekin vaqt o‘tishi bilan Mayyalar bunday emasligiga ishonch hosil qilsa ham “tun” vaqtini aniqlash bo‘yicha, yagona qulay usul sifatida undan voz kecha olmagan. Aksincha, bu yil Mayyalarning boshlang‘ich sanadan boshlab kunlar sanasi asosi xronologik birlik asoslari bo‘lib qolganini biz quyida ko‘rishimiz mumkin. Mayyalarning kalendarlari oylari nomida yerga ishlov berishning aniq davri, shu davri mobaynida bajarilishi lozim bo‘lgan muayyan ishlar aniq berilgan. Shunday qilib, Mayyalar kalendarida Pop - “hukmdor bo‘yrasi”, Vo –“qurbaqa”, Sip – “gunoh” (ovda qon to‘kilishi), Sos –“ko‘rshapalak”, Sek – “jo‘xori”, Shul – “tamom”, Yashkin – “yangi quyosh”, Mol – “hosilni yig‘ish”, Chen – “quduq”, Yash –“yangi” (yangi ekinlar ekishga tayyorgarlik), Sak – “oq kiyim” (ov davri), Kex – «kiyik ovi davri», Mak – “to‘xtatish” (yangi maydonlarda daraxtlarni yondirish), Kankin – “Sariq quyosh”, Muan – “ochiq havo”, Pash – “baraban”, Kayyab – “katta yomg‘ir”, Kumxu – “momaqaldiroq shovqini” oylari bo‘lgan⁴.
Achinarlisi shundaki, Mayyalar kalendarida yangi yilning qachon boshlanganligini bizning kalendarimiz bo‘yicha aniqlash mushkul. Diego de Landa o‘zining kitobida oy nomlarini ieroglif belgilar bilan tasvirlab, Yukatanni ispanlar bosib olgunga qadar Mayyalarda yangi yil 16 iyulga to‘g‘ri keladi, deb ma’lum qiladi. Albatta, 360 kunlik tun yilidan quyosh yili uzunroq. Bundan kelib chiqadiki, oy nomlari 360 kunlik yilda emas, 365 kunlik yilda to‘g‘ri ishlatilsa, tabiatdagi o‘zgarishlarni to‘g‘ri tasvirlashi mumkin. Mayyalar, ayniqsa, shunday xaab yilidan o‘zining kundalik hayotida foydalangan. Shu maqsadda ular yilning oxirida 20 kunli 18 ta oyga yana 5 kun qo‘shgan. Bu kunlar “Vaayueb xaab”, ya’ni “yil ruhi” yoki “Ishma kaba kin” – nomsiz kunlar deb atalgan. Bu bayram kunlarida hukmdor almashishi ro‘y berar edi va mayyalar diniga ko‘ra osmonda ham hukumat bir yilga boshqa xudoga o‘tar edi⁵.
Xaab yilining har to‘rt yilida (ya’ni har kunda) oy kunlari qaytarilar edi, ya’ni o‘sha oyning kunlariga to‘g‘ri kelar edi. Shuning uchun xaab yangi yili Kan, Muluk, Ish yoki Kavak, to‘rt kunlarining birida boshlanar edi, undan so‘ng to‘rt yillik davr yana boshdan qaytarilar edi.
Mayyalar kalendarida yana boshqa muhim 52 yillik davriylik bo‘lgan. Haqiqatda esa kun. Bu vaqt oralig‘iga kunlik 73 solkin ham to‘g‘ri keladi. Shunday qilib, 52 yil o‘tgandan so‘ng xaab yillari oyning kun va sanalari singari o‘n uch kunlik haftaning sanalari ham qaytariladi. Bu abadiy Mayyalar kalendarini o‘ziga xos “kalendar aylanasi”dir. Bu kalendarda 13 kunlik haftaning sanalari tepadan pastga qarab sanaladi, 1 dan 13 gacha bo‘lgan ustunlar solkin yilining 20 kunlik oyining 13 tasiga to‘g‘ri keladi⁶. Avvalambor mayya sanalarini tasvirlash uchun uchta belgidan bir soni uchun - nuqta; besh soni uchun – tire va nol sonini tasvirlash uchun – chig‘anoqdan foydalanilgan. Yevropaliklar singari Mayyalar ham sonlarni tasvirlash uchun pozitsion sistemasidan foydalanishgan, ammo yigirmatalik asosda va pastdan tepaga qarab yozilgan. Vaqtning katta oralig‘ini hisoblash uchun 860 kunlik tun yilidan va yuqori tartib davridan foydalanilgan.

1 katun 20 tunga 7200 kunga

1 baktun 20 katunga 144000 kunga
1 piktun 20 baktun 2880000 kunga
“Baktun”, “Piktun” nomlari (keyingi kalabtun, kinchiltun va aluatun birliklari singari) Mayya madaniyati tadqiqotchilari tomonidan shartli ravishda berilgan⁷.
Mayyalar tomonidan ustun va bino devorlarida yozilgan yozuvlar, odatga ko‘ra, sanani yozish bilan boshlanadi. Yu.V. Knozorovning fikricha, bu sanalar quyidagi tarkibda bo‘lgan:

1. 
   Ma’nosi hozirgi vaqtgacha noma’lum bo‘lgan kirish bloki.
   
2. 
   Kirish blokining o‘rtasiga yozib kiritilgan (“oy himoyachisi” deb nomlanuvchi) blok.
   
3. 
   Boshlang‘ich sanadan o‘tgan 360 kunlik yil (tun) va kunlar soni.
   
4. 
   260 kunlik davr sanasi: 13 kunligining soni va 20 kunligining kun nomi.
   
5. 
   9 kunligining kun nomi va “to‘qqiz kunlik” blok.
   
6. 
   365 kunlik yilning sanasi: 20 kunlik oyning 18 tasidan birining yoki qo‘shimcha besh kunning nomi va soni.
   

Namuna sifatida Yashchilandagi eshik tepasidagi yozuvni ko‘rib chiqamiz. Kirish bloki va «Yash oyining himoyachisi»dan so‘ng sana keladi, uni yozish vaqtida yuqori tartib davri kunlarining sanog‘i uchun nuqta bilan ajratish qabul qilingan: 9.0.12.2.4.2. kan – to‘qqiz kunligining 2 kuni, 2 yash – 27 kundan iborat bo‘lgan 3 – oy oyining 27 sanasi. Bu boshlang‘ich 0.0.0.0.0. sanadan 9 baktun 19 tun 2 vinal va 4 kun yoki kun o‘tdi degani. Mayyalarning boshlang‘ich sanasi sifatida quyidagilar qabul qilingan: 260 kunlik davr bo‘yicha – 4 Axav; to‘qqiz kunlik bo‘yicha–1,365 kun, yil bo‘yicha–8 kumxu. Shunday qilib, boshlang‘ich sana bizning eramizgacha bo‘lgan 3113 yilga mos keluvchi 0.0.0.0.0. 4 Axav 8 kumxu tariqasida yoziladi.
52 yillik davrning boshlang‘ich sanasi to‘g‘ri yozilganligini tekshirib ko‘ramiz. Buning uchun topilgan kun sonini 260 ga bo‘lamiz: 1302884:260 5011, qoldiq 24; jadvaldagi 10 ustundan ko‘rib turilgandek, 4 Axaudan 24 kun o‘tgach 2 Kan keladi. 1.302884 sonining 365 ga bo‘lib, 3569 ni chiqazamiz va 9*20 19 199 qoldig‘i to‘liq 9 oy va yana 19 kun bo‘ladi. Kumxu oyining to‘liq bo‘linishi uchun bu qoldiqqa 12 kunni qo‘shish kerak, kelgusida Vaayib besh kunligiga 5 kunni; shunday qilib, yilning keyingi oylariga to‘liq 9 oy va 2 kun qoldi. Agar chiqarilgan 1302884 kunlar sonini 9 ga bo‘lib, qoldig‘ini 1 bilan qo‘shsak, 9 kunligining kuniga hosil qilamiz. Oylik sanani esa aniqlashning iloji yo‘q, chunki har bir Mayyalar shahrining o‘z maxsus kalendari mavjud edi. Jumladan, 1302884 sonini 365,25 ga bo‘lganimizdan so‘ng 3567 sonini hosil qilamiz. Bundan kelib chiqadiki, yuqorida ko‘rib chiqilgan yozuv bizning eramizning 3567-3112 455 yilida qilingan. Steladagi eng erta yozuvlardan bizga ma’lum bo‘lgan sana bizning eramizning 292 yili deb yoziladi⁸.
Mayyalar kalendari aniq ekanligi haqidagi masala yuzasidan Yu.V.Knorozov shunday deydi: “Quyosh yilining haqiqiy uzunligi to‘rtdan bir sutkaga yaqinroq ekanligini Mayya astranomlari bilishgan (shunga ko‘ra zamonaviy Grigoriy kalendarida har to‘rt yilda ortiqcha 1 kun qo‘shiladi). Ammo kalendarda qo‘shimcha kunlar nazarda tutilmagan. 365 kunlik yil tuzatishlarsiz quyosh yili olib o‘tishi va davrga qarab asta surilishi kerak edi. Shunday qilib, Mayyalar sanasiga ko‘ra, necha kun o‘tgani aniq, ammo necha quyoshli yil o‘tgani noaniq”. Agar shunday bo‘lsa, unda har 40 yilda yangi yil boshi 10 kun orqaga surilgan, 400 yil davomida esa aniq astronomik vaqtga nisbatan (masalan, bahorgi teng kunlikka) 97 kunga surilgan. Shu masala bo‘yicha Amerika astronomi Robert Nyuton “Klavdiya Ptolemey jinoyati” asarida shunday yozadi: “Meni bilishimcha, yilning davomiyligini birinchi bo‘lib islom davlatlari astronomlari aniq topishgan. Xuddi shu vaqtning o‘zida Mayya hindularida Grigoriy kalendari bilan musobaqalasha oladigan kalendar mavjud edi. Bunday fikrning asosida ba’zi yozuvlar xuddi kalendar yozuvlari deb o‘qilishi mumkin. Agar men to‘g‘ri tushungan bo‘lsam, Tompson bu yozuvlar kalendarga taalluqli emasligiga ishonadi. Uning fikricha bu yozuvlar fuqaro hayotidagi hukumatga yangi hukmdorlar kelish davri hodisalariga tegishli”.
Mayyalar kalendarining aniqligi masalasi yuzasidan kitobning kirish qismida aytib o‘tilganlarni Mayyalar astronomlari tropik yilning uzunligi 365, 2429 sutkaga teng deb aniqlay olishdi, u haqiqiy vaqtdan atigi 0,0002 sutkaga qisqaroq va 5000 yil davomida bir sutka xatolik kelib chiqadi⁹. Shuning uchun Mayya kalendari eng aniq kalendarlardan biri hisoblanadi. Yu.V.Knorozov va D.Tompsonlarning so‘zlaridan ko‘rinib turibdiki, Mayya astronomlari tropik yilining uzunligini aniqlashda bu yerda ko‘rsatilgan xatolarga yo‘l qo‘yganligi haqida aniq dalillar yo‘q. Ammo, eng asosiysi shundaki, muayyan astronomik kalendarning davomiyligini bilish kamlik qiladi. Bu eng asosiysi bo‘lishiga qaramay, ishning faqatgina yarmi. Ishning boshqa yarmi bu bilimlarni amaliyotda qay darajada qo‘llashdadir¹⁰. Mayyalar kalendarining yuqori darajada aniqligi haqida xulosa qilish uchun tropik yilning kasrli qismi hisobi uchun qo‘shimcha kunlarni qanday kiritganligi haqida ma’lumotga ega bo‘lishimiz kerak. Ammo bu haqda hech qanday ma’lumotlar saqlanib qolmagan.