6-Mavzu. X-window, Faylli tizim

Ish stolini fonini o`zgartirish
Fonni o`zgartirish uchun ish stolining bo`sh joyiga sichqoncha o`ng tugmasini bosib, undagi Configure Desktop (ish stolini moslash) bo`limi tanlanadi. Chap tomonida ish stoli moslanuvchi panellarga ega oyna chiqadi. Uning Background Bo`limini belgilang.
O`zgartirishlar kiritganingizda o`ng tomondagi monitorga ko`rsatiladi. Kerakli parametrlarni tanlagandan keyin Apply tugmasini bosganingizda oyna yopilmasdan joriy ish stoliga o`zlashtiriladi.
Agar fon sifatida rasm tanlamoqchi bo`lsangiz, Picture qismini belgilab, mavjud rasmlardan birini tanlashingiz yoki Brose ni tanlab fayllardan rasmlarni yuklashingiz mumkin.

Rasm 7. Ish stolini fonini o`zgartirish KDE
Agar fon sifatida rang tanlamoqchi bo`lsangiz, No picture bo`limini tanlab Color qismidan mosini tanlash mumkin. Slide show elementini tanlasangiz Setup tugmasini ko`rasiz. Bu tugmani bosib shablonlar ko`rsatilgan oynani ko`rishingiz mumkin. Oynada Add tugmasi bo`lib, u orqali shablonlar bo`lgan fayl yo`lini ko`rsatish mumkin.

Fon uchun 1 yoki 2 xil rangni tanlash mumkin. 2 xil rang tanlasangiz ular gorizontal yoki vertikal gradiyent chegara ranglari bo`ladi.
Rang tanlash uchun o`ng tomondagi ranglardan birini tanlab yoki RGB rang tashkil etuvchilari orqali berishingiz mumkin. Tanlangan rang pastki turtburchakda ko`rsatiladi.
Panel fonini o`zgartirish uchun panel bo`sh joyiga sichqonchaning o`ng tugmasini bosish kerak va undan Configure Panel tanlanib, chap qismdagi Appearance (tashqi ko`rinish) qismi bosiladi. Agar Appearence ro`yhatda keltirilmagan bo`lsa, uni Layout elementi ichidan tanlash mumkin. U quyidagi ko`rinishga ega.

Rasm 8. Panel fonini moslash
Siz har bir element fonini alohida o`zgartirishingiz mumkin. Masalan, bosh menyu va dastur znachoklari uchun. Panel foni sifatida rasmni qullash uchun Enable Background Image belgisini tanlash kerak va kerakli rasmni papkaning rasmi bo`lgan tugma orqali tanlash mumkin. Har qanday grafik rasmlardan foydalanish mumkin.