7-Lekciya Topıraqtın’ ıssılıq rejimi ha’m onı basqarıw

Topıraqtın’ ıssılıq rejimin jaqsılaw ilajları. İssılıq rejimin basqarıw topıraq o’nimdarlıg’ın saqlawda ha’m eginlerden mol o’nim jetistiriwde a’hmiyetli ilajlardan biri esaplanadı. Sonın’ ushın da awıl xojalıg’ında ha’r bir zonanın’ topıraq-klimat jag’dayına qaray ıssılıq rejimin basqarıw u’lken a’hmiyetke iye.
Tu’rli o’simlikler tuxımların o’nip shıg’ıwı o’simliklerdin’ o’siwi ha’m rawajlanıwı ushın ha’r qıylı mug’darda ıssılıq talap etedi.
Topıraqtag’ı paydalı mikroorganizmlerdin’ jasawı ushın 25-40⁰ temperatura optimal esaplanadı. Demek, topıraqtın’ ıssılıq rejimi o’zine ta’n agronomiyalıq a’hmiyetke iye. Sonın’ ushın da topıraqtın’ ıssılıq rejimin tek g’ana o’siw da’wiri dawamında basqarıwg’a itibar bermesten ba’lkim jıl dawamında jaqsılawg’a erisiw za’ru’r.
Jerge qollanılıp atırg’an organikalıq to’ginler topıraqtın’ ıssılıq rejimin jaqsılaydı, sebebi 1 tonna to’ginnin’ shiriwi na’tiyjesinde 3-4 mln kaloriya ıssılıq ajıralıp shıg’adı.
Topıraqtın’ ıssılıq rejimine jerge mexanikalıq islew beriw u’lken ta’sir etedi. Jerdi turaqlı suwıq tu’spesten aldın teren’ ha’m sapalı shu’digarlaw, onın’ ıssılıq rejimin jaqsılawda na’tiyjeli ilajlardan biri esaplanadı.
Sorawlar
1. O’simlikke ıssılıq ne ushın kerek ?
2. Topıraqtın’ ıssılıq qa’siyetleri ?
3. Issılıq rejimin basqarıw degen ne ?
4. Egis mu’ddetinin’ a’hmiyeti ?
5. Kul`tivaciyanın’ a’hmiyeti ?