7-Ma’ruza. Massiv asoslari. Massivlar bilan ishlash. O’zgaruvchi-uzunligidagi argumentlar ro’yxati. Massivlarni izlash. Massivlarni saralash. Array klassi

Massiv asoslari. Massivlar bilan ishlash. O’zgaruvchi-uzunligidagi argumentlar ro’yxati. Massivlarni izlash. Massivlarni saralash. Array klassi.

Reja

• Massiv haqida tushuncha
• Massivlar bilan ishlash
• O’zgaruvchilar uzunligidagi argumentlar ro’yxati
• Massivlarni izlash
• Massivlarni saralash
• Array sinfi

Massivlar haqida tushuncha

Massiv bu — bir turdagi o’zgaruvchilarni o’zida saqlovchi biror nom bilan nomlangan o’lchami chegaralangan o’zgaruvchilari guruhi
ya’ni oddiyoq qilib aytganda maxsus idishdir. Bitta yoki ikkita o’zgaruvchi ustida amalarni bajarmoqchisiz, bununig uchun bir yoki ikkita o’zgaruvchi yaratib olib xohlagan amalni bajarish mumkin. Lekin bu o’zgaruvchilar ko’p bo’lsachi? Agar har bir ishlatmoqchi bo’lgan o’zgaruvchi uchun har safar yangidan o’zgaruvchilarni yarataversak bu bir muncha noqulayliklar tug’diradi. Bu vaziyatda esa massivlarni ishlatish qo’l keladi.
Oddiy va tushunarli bo’lishi uchun har doimgidek hayotiy bitta misol keltirib o`tamiz. Tasavur qiling, siz do’stingizga bitta yoki ikkita olma bermoqchisiz. Siz bu ishni to’g’ridan-to’g’ri qilishingiz mumkin chunki ikkita olma qo’lingizga bemalol sig’adi. Agar bu olmalar soni ko’p bo’lsachi bunday vaziyatda nima qilasiz. Albatda bu vaziyatda bermoqchi bo’lgan olmalaringizni miqdoriga qarab o’sha miqdorni ko’tarish qobiliyatiga ega bo’lgan idishga solib berasiz. Massiv ham huddi shunday vaziyatlarda o’zgaruvchilar uchun idish vazifasini bajarib beradi. Tasavvur qiling hamma olmalarni hechqanday idishga solmay qo’lingizda ko’tarib ketyapsiz. Keling endi bu vaziyatda qanday noqulayliklar tug’ilishini ko’rib chiqaylik.

• Ko’tarishga juda noqulay
• O’zimiz mustaqil holda hamma olmalarni ko’tara olmaymiz chunki ikkala qo’limiz ham band bo’ladi .
• Yo’lda ketayotgan paytimizda yaqin tanishimiz chiqib qoldi unga olmalarning eng kattasini bermoqchi bo’lsangiz qo’lingizdagi olmalar orasidan eng kattasini tanlab berishingiz juda qiyin bo’ladi.

Massivlarning bizga qanday imkoniyatlarni beradi :