4. Электростатик зарядлар ва яшин қайтаргичлар. Саноат корхоналарида ҳосил бўладиган электростатик заряд ҳавонинг намлиги, қурилмаларнинг электр ўтгазувчанлиги натижасида ерга ўтиб кетиши мумкин. Баъзи ҳолларда, ҳавонинг намлиги кам бўлганда ерга уланмаган қисмлар йиғилган электростатик заряд учқун чиқариб ёнувчан газ ёки суюқликлар парлари билан аралашиб портлаш вазиятини келтириб чиқаради. Бу хавфни бартараф этиш учун ёнувчи моддалар сақланадиган идишда цестерналар, ёнилғи ташувчи баклар ерга уланади. Чақмоқ чаққан вақтда атмосферада 150000000 В кучланиш 200000 А ток кучи пайдо бўлади. Демак, бу каби кучланишни бартараф этиш асосан яшин қайтаргичлар ёрдамида амалга оширилади. Яшин қайтаргичларнинг 2 хил тури мавжуд. 1. Стерженсимон 2. Троссимон Стерженсимон яшин қайтаргичлар муҳофазаланаётган объект эгаллаган майдонга қараб бир ёки бир нечта бўлади. Троссимонлар эса, бино устига тортилган бир ёки бир неча диаметри 36мм. дан кам бўлмаган симлардан иборат бўлиб, бир қисми ерга улаб қўйилади.
Do'stlaringiz bilan baham: |
