7-Ámeliy jumıs

7-Ámeliy jumıs.


MS Access dástúrinde sorawlar járdeminde kerekli maǵlıwmatlardı ajıratıp alıw.


Jumıstıń maqseti/ Maǵlıwmatlar bazasın basqarıw sistemaları menen islew hám qánigelikke tiyisli maǵlıwmatlar bazasın qáliplestiriwdi úyreniw.
I Metodikalıq kórsetpeler.
Universitet studentleri haqqında informaciyalardı saqlawshı maǵlıwmatlar bazasın jaratıń. Maǵlıwmatlar bazasında studenttiń tártip nomeri, famılıyası, atı, ákesiniń atı, tuwılǵan sánesi, milleti, toparı (gruppa nomeri, gruppa basshısı hám telefon nomeri, gruppa sárdarı hám telefon nomeri, baǵdarı (tártip nomeri, baǵdar atı, fakulteti (tártip nomeri, fakultet atı, dekan, dekan orınbasarı hám dekanat haqqındaǵı maǵlıwmatlar, oqıtılatuǵın pánler hám t.b), fakulteti (fakultet atı, dekanı, dekan orınbasarları, telefon nomeri), jınısı hám basqa qosımsha maǵlıwmatlar kiritilsin.
Berilgen tapsırmanı orınlawdaǵı ámeller izbe-izligi.
1. MS Access ortalıǵında maǵlıwmatlar bazasın jaratıw.
2. Maǵlıwmatlar bazası kestelerin jaratıw.
3. Keste maydanların anıqlaw.
4. Indeks hám giltlerdi anıqlaw.
5. Kesteler-ara baylanısıwdı jaratıw.
6. Jaratılǵan kestelerdi kórip shıǵıw hám maǵlıwmatlar menen toltırıw.
Laboratoriyalıq jumıstıń orınlanıwı.
MS Access dástúri iske túsiriledi. Payda bolǵan aynadan tómendegi suwrette keltirilgen bólim tańlanadı.


1. Maǵlıwmatlar bazasın jaratıw aynasında jaratılıp atırǵan maǵlıwmatlar bazasınıń atı kiritiledi hám «Создать» túymesi basıladı.
2. Maǵlıwmatlar bazası bes kesteden dúziledi:
1. Studentler kestesi.
2. Gruppalar kestesi.
3. Baǵdarlar kestesi.
4. Fakultetler kestesi.
5. Millet kestesi.

3. «Создание» bóliminen «Конструктор таблиц» buyrıǵı tańlanıp kerekli kesteler jaratıp alınadı.

Hár bir kestede gilt maydanlardı anıqlań, olardı gilt maydan etip belgilep alıń. Gilt maydanlarda saqlanatuǵın maydanlar mánisleri unikal (tákirarlanbas) bolıwı shárt. Gilt maydan etiw ushın maydan ústine tıshqanshanıń oń túymesi basıladı hám payda bolǵan kontekst menyudan «Ключевое поле» buyrıǵı tańlanadı. Kestelerge at berip saqlanadı.

Kesteler baylanısıwı «Мастер подстановок» maydan tipi arqalı ámelge asırıladı.

Maǵlıwmattı dúziw forması tańlanıp «Далее» túymesi basıladı.

Maǵlıwmatlar alınatuǵın kesteni belgilep «Далее» túymesin basıladı.

Saylanǵan kesteden kerekli maydanlardı tańlap ekinshi maydanǵa ótkerip «Далее» túymesin basıladı.

Tańlatgan maydan maǵlıwmatların qaysı maydan boyınsha tártiplestirip shıǵarıwdı tańlap «Далее» túymesin basıladı.

Payda bolǵan maǵlıwmatlardıń tuwrılıǵın tekserip «Готово» túymesi basıladı hám baylanıstı payda etıp kesteni saqlawdı tastıyıqlap baylanıstırıw juwmaqlanadı.

Qalǵan keste maydanları da tap sol izbe-izlilikde baylanısıp juwmaqlawshı maǵlıwmatlar strukturası tómendegi kóriniske iye boladı.
Maǵlıwmatlar joqarıdan tómenge qaray toltırılıp kelinedi, yaǵnıy fakultet, baǵdar, gruppa, millet hám aqırında student kestesi maǵlıwmatlar menen toltırıladı.
Maǵlıwmatlar sxemasın kóriw ushın «Работа с базами данных» menyuinan «Схема данных» buyrıǵın basıp kóriwimiz múmkin.

Gruppalar kestesi gruppa studentleri dizimi menen toltırıladı.

Millet kestesi.

Student kestesi.

Baǵdar kestesi.