7-tema. FİNansliq siyasat finanslıq siyasattıń mazmunı, principleri hám túrleri

7-tema. FİNANSLIQ SİYASAT

1. 
   Finanslıq siyasattıń mazmunı, principleri hám túrleri
   
2. 
   Finanslıq mexanizm, onıń finans siyasatın ámelge asırıwdaģı roli
   

Hár qanday jámiyette mámleket óziniń anıq maqsetlerine erisiw hám wazıypaların orınlaw ushın finanstan, belgili finanslıq resurslardan paydalanıladı. Mámleket aldındaģı waziypalardı orınlawda finans siyasatı tiykarģı orın iyeleydi. Finans siyasatın islep shıģıw hám turmısqa engiziw tiykarında jámiyet aldına qoyılģan máselelerdi sheshiw ushın jaģdaylar jaratıladı, sonday-aq bul siyasat túrli subektler ekonomikalıq máplerge tásir etiwdiń tiykarģı quralına aylanadı. Finans siyasatı kóp qırlı bolıp óz ishine tómendegi tiykarģı basqıshlardı aladı

-Finanstıń rawajlanıw ushın ilimiy tiykarlanģan koncepciyalardı islep shıģıw. Bul koncepciyalar ekonomikalıq nızamlardan kelip shıqqan halda, xojalıqtıń rawajlanıw jaģdayın hár tárepleme analizlep, islep shıģarıw kúshlerin hám islep shıģarıw qatnasıqlar rawajlanıw kelesheklerin, xalıqtıń mútájlerin itibarģa alıw tiykarında islep shıģarıladı.

-Aģımdaģı dáwirde hám keleshekte finanstan paydalanıwdıń tiykarģı baģdarların anıqlaw, bunda ekonomikalıq siyasatta kózde tutılģan maqsetlerge erisiw jolları, xalıq-aralıq faktorlar, finanslıq resurslardı asırıw imkaniyaları esapqa alınadı.

-belgilep alınģan maqsetlerge erisiw ushın ámeliy shara-ilajlar hám háreketlerdi ámelge asırıw.

Bul úsh buwınnıń birligi finans siyasatınıń mazmunın belgilep beredi. Finanstıń rawajlanıw koncepciyaların inabatqa almaģan, aģımdaģı mútájliklerdi ģana qandırıwģa qaratılģan finans siyasatınıń keleshegi joq, sonday-aq tek ģana ilimiy koncepciyalar islep shıģıw menen sheklengen hámde anıq háreketler menen xoshametlenbegen siyasat da nátiyjesiz bolıp esaplanadı.

Sheshiwi lazım bolģan máselelerdiń xarakteri hám ámelge asırıw dáwirine qarap finans siyasatı finanslıq strategiya hám finanslıq taktikaģa bólinedi.