8- amaliy mashg’ulot: mikrodasturlarni doimiy saqlash qurilmasi (pzu), operativ xotira darsning maqsadi

8- amaliy mashg’ulot: mikrodasturlarni doimiy saqlash qurilmasi (pzu), operativ xotira darsning maqsadi

8- AMALIY MASHG’ULOT: MIKRODASTURLARNI DOIMIY SAQLASH QURILMASI (PZU), OPERATIV XOTIRA
Darsning maqsadi: Talabalarga mikrodasturlarni doimiy saqlash qurilmasi (PZU) haqida tushuncha berish, vinchestorlar bilan tanishish, operativ xotira va uning turlari tanishtirish.
Topshiriqlar rejasi:

1. 
   
   Mikrodasturlarni doimiy saqlash qurilmasi.
   
2. 
   
   Operativ xotiraning vazifasi.
   
3. 
   
   Operativ xotiraning turlari.
   

Qattiq diskni o’rnatish

Kompyuterga qattiq diskni o’rnatish uchun quyidagi ishlarni bajarish kerak:

• to’plovchi (накопитель)ni sozlash;

  
  

• nazoratchi (kontrolyor)ni yoki interfeys uskunasini sozlash;

  
  

• to’plovchini kompyuterning korpusiga o’rnatish;

  
  

• tizimni to’liq sozlash;

  
  

• diskni mantiqan taqsimlash;

  
  

• yuqori darajadagi formatlashni bajarish.

  
  

Qattiq diskni o’rnatishga kirishishdan avval kompyuter to’plovchisining, nazoratchisining yoki BIOS tizimli asosiy adapterlarining va boshqa uskunalarining hujjatlarini o’rganib chiqish lozim. Kompyuterga nimadir xarid qilinganida, undan foydalanish bo’yicha yo’riqnoma, uskunaning tavsifnomasi bor-yo’qligini tekshirib ko’rish kerak. Odatda, ko’pchilik ehtiyot qismlar va uskunalar uchun ularga ilova qilinadigan yo’riqnoma va tavsifnomalarning o’zi yetarli bo’ladi. Lekin kompyuterga professional xizmat ko’rsatish uchun kompyuterning hamma tarkibiy qismlariga tegishli hujjatlarga to’liq ega bo’lish kerak. Hujjatlar to’liq bo’lmagan hollarda ishlab chiqaruvchi firmaga bevosita murojaat qilib, unga mahsulotning to’liq texnik tavsifnomasini buyurtma qilish zarur.

To’plovchining konfiguratsiyasi. To’plovchini montaj qilishdan avval uni konfiguratsiyalab (ma’lum shaklga keltirib) olish kerak. IDE (Integrated Drive Electronics) rusumli to’plovchilarning ko’pchiligi uchun "ведущий-ведомый" (yetakchi-tobe) pereklyuchatelini o’rnatish yoki Cable Select imkoniyatlaridan foydalanish lozim. 5.1-rasmda qattiq disk (vinchester) ko’rsatilgan.

IDE interfeysli disk yurituvchilar uchun quyidagi konfiguratsiyalar tavsiya qilinadi:

• birlamchi IDE: bir qavatli Master Primary IDE kabi qattiq disk;

  
  

• ikkilamchi IDE: bir qavatli Master sifatidagi CD/DVD disk yurituvchi.

  
  

Agar shaxsiy kompyuter egasiga IDE tarkibiy qismlaridan to’liq foydalanish zarur bo’lsa, disk yurituvchilarni quyidagi tartibda ulash kerak:

• birlamchi IDE: ikki qavatli Master kabi qattiq disk 1;

  
  

• birlamchi IDE: ikki qavatli Slave kabi qattiq disk 2;

  
  

• ikkilamchi IDE: ikki qavatli Master kabi CD/DVD 1 disk yurituvchi; – ikkilamchi IDE: ikki qavatli Slave kabi CD/DVD 2 disk yurituvchi.

  
  

Qattiq disk o’rnatish uchun tizim blokida ular uchun maxsus joy ajratilgan. Bitta tizim blokida bir nechta qattiq disk o’rnatilishi mumkin. Qattiq diskni tizimli blokdagi unga ajratilgan joyga o’rnatib, uni maxsus mahkamlash asboblari bilan mahkamlab qo’ying. 5.2-rasmda qattiq o’rnatilgan tizim bloki ko’rsatilgan.

Ma’lumotlarni uzatish uchun diskni mahkamlab elektr manbayiga ulash kerak. Uni ulashda elektr ta’minoti uchun va ma’lumotlarni uzatish uchun maxsus kabellar ishlatiladi.
Tizim konfiguratsiyasi. Qattiq disk kompyuter korpusiga montaj qilib bo’linganidan so’ng, tizimni konfiguratsiyalashga kirishish mumkin. Tokka ulanishi bilan, yuklanish to’plovchidan amalga oshirilishi uchun kompyuterga to’plovchi haqidagi axborotni xabar qilish kerak. Bu axborotni kiritish va saqlash usuli to’plovchi va kompyuterning turiga bog’liq bo’ladi. Qattiq disklarning ko’pchiligi uchun (SCSI turidagilardan tashqari) sozlashning standart jarayonlari mavjud. SCSI to’plovchilarini konfiguratsiyalash murakkab ish bo’lib u kompyuterga o’rnatilgan asosiy adaptorning turiga bog’liq bo’ladi.
To’plovchining turini avtomatik tarzda aniqlash. Zamonaviy BIOSlarda IDE to’plovchilarning deyarli hammasi uchun, turlarni avtomatik tarzda aniqlashi ko’zda tutilgan. Ya’ni tizimning so’roviga ko’ra to’plovchidan uning tavsifi va zarur paramertlari o’qiladi. Bunday yondashilganda, parametrlar qo’lda kiritilgan holatda yuz berishi mumkin bo’lgan xatolar amalda istisno qilinadi.
QATTIQ DISKNI FORMATLASH
Formatlash. Qattiq diskning unumdorligi va ishonchliligi sozlash va formatlashning to’g’ri bajarilishiga bog’liq. Bu bo’limda diskni to’g’ri formatlashga yordam beruvchi amallar ko’rib chiqiladi. Kompyuterga yangi to’plovchi o’rnatayotganda bu amallardan foydalaning.
Qattiq diskdagi to’plovchini formatlash uch bosqichda amalga oshiriladi:

1. Quyi darajali formatlash.

   
   

2. Bo’limlarga mantiqiy taqsimlash.

   
   

3. Yuqori darajali formatlash.