8-mart ssenariyası

8-mart ssenariyası
Baslawshı: Assalawma aleykum búgingi keshemizge jıynalģan húrmetli ustazlar, qádirli ata-analar hám de miymanlar. Sizlerdi mektebimiz jáámáti atınan 8-mart “Xalıq aralıq hayal-qızlar bayramı” menen shın júrekten qutlıqlap qalamız.
8-mart “Hayal-qızlar bayramı” kúni menen mektebimizdiń “ __”-klass oqıwshıları menen birgelikte “Analar - ádiwli insan” atamasında ádebiy keshe shólkemlestirdik, álbette, sizlerge unaydı degen úmittemiz.
Kesheni ashıp beriw ushın sóz mektebimizdiń RAIBDO ________________: jáne de sóz náwbeti OTIBDO_________________:
Endigi náwbette ustazlar hám qádirli ata-analar búgingi keshemizdi baslaymız!
Men anaman, juldız bolıp janaman,
Perzent jolın nur jaynatıp turaman.
Men – anaman, jas áwladtı búgingi,
Jıllı júrek sezimine oraģan.
Klasımızdıń oqıwshıları atqarıwında I. Yusupovtıń “Anajan” qosıģınan úzindi:
Oqıwshı: Jaralģansań meni jaratıw ushın,
Dúnyaģa tirishilik taratıw ushın.
Men dep uyqı kórmey tań atıw ushın,
Dúnyaģa kelgenseń óziń, anajan.
Oqıwshı: Aq sútińdi qarıstırıp qanıńa,
Háweletip kóterdiń alaqanıńa.
Aqsham aq besikti qoyıp janıńa,
Tún uyqıńdı tort bolgenseń óziń, anajan.
Oqıwshı: Sen miywalı daraq, mendur jemisiń,
Boylarımdı kórseń, piter kemisiń.
Hárbir atqan ģániymetli dem ushın,
Máńgi minnetdarman saģan, anajan.
Baslawshı:Kóplegen qızlarımız, ullarımız ózleriniń kempir apaların jaqsı kóredi, olardıń qolında tárbiyalanadı. Endigi náwbette oqıwshılar tárepinen “Apam jaqsı” qosıģı:
Oqıwshı: Kúlimlegen kózleri bar,
Kózge ısıq júzleri bar,
Apam jaqsı, apam jaqsı.
Oqıwshı: Geyde bizler aytsaq qosıq,
Otıradı hawaz qosıp,
Tap baladay ushıp-ushıp,
Apam jaqsı, apam jaqsı.
Oqıwshı: Oylaģanı perzent ģamı,
Gúzete turģan mudamı,
Mayday jaģar urģanı,
Apam jaqsı, apam jaqsı.
Oqıwshı: Bizlerdi dep oylanadı,
Bizlerdi dep qınaladı,
Bizden mıń-mıń aynaladı,
Apam jaqsı, apam jaqsı.
Baslawshı: Jáne de usı mazmunda klasımızdıń oqıwshısı atqarıwında “Kempir apam” qosıģı:
Oqıwshı: Qáwip-qáterden saqlaydı,
Sırtımızdan baqlaydı,
Tek bizlerdi jaqlaydı,
Kempir apam, kempir apam.
Tártipti buzsań kúyedi,
Urmaydı, qabaq úyedi,
Keyninen jáne súyedi,
Kempir apam, kempir apam.
Ottan-suwdan qorģap júrer,
Awqat jeń dep zorlap júrer,
Bárimizdi teńdey kórer,
Kempir apam, kempir apam.
Kimler qanday bilip júrer,
Ashıwlanbas kúlip júrer,
Urıspań dep aqıl berer,
Kempir apam, kempir apam.
Ata-anamnıń anasısań,
Adamlardıń danasısań,
Uzaq jıllar shad bop jasań,
Kempir apam, kempir apam.