8-mart ssenariyası

Baslawshı: Ananıń júregi jaralģan neden?
Hámmeden burın sezer hámmeden,
Maģan birnárse bolsa kóshede,
Qolın pıshaq tilip, qan bolar beden.
Endi, oqıwshılarımız atqarıwında “Ana júregi” qosıģınan úzindi:
Oqıwshı: Ananıń júregi jaralģan neden?
Gá jaraqat alsa, mendegi beden,
Telefon shırıldap sol gezde birden,
Júregim birtúrli bolıp tur , balam,
Heshnárse bolmadı ma der saģan.
Oqıwshı: Qayaqtan biledi deymen ózimshe,
Allanıń buyrıģı shıģar sezinse,
Súrniksem telefon bolar izimshe,
Júregim birtúrli bolıp tur, balam,
Heshnárse bolmadı ma der saģan.
Oqıwshı: Aramız bolmasa alıs shaqırım,
Rasın aytaber deydi paqırım,
Kewili sezedi áste-aqırın,
Júregim birtúrli bolıp tur, balam,
Heshnárse bolmadı ma der saģan.
Oqıwshı: Allanıń qálewi, Alla ámiri,
Anaģa sezdirer qan men tamırı,
Qosıqtı jazdırģan júrek hámiri,
Kewilim birtúrli bolıp tur, balam,
Heshnárse bolmadı ma der saģan.
Oqıwshı: Bul da bir qúdiret káramat shıģar,
Ana jupar shashıń aramat shıģar,
Qolımnan bir tamshı qan shıqsa mágár,
Júregim birtúrli bolıp tur, balam,
Heshnárse bolmadı ma der saģan.
Oqıwshı: Perzenti janı gá tursa da sırqap,
Anaģa bildirer sol gezde-aq,
Bálkim, ana-bala et penen tırnaq,
Úyinde otırar órtep ózegin,
Aldap bolmas eken ana júregin.
Endigi náwbette oqıwshılarımız benen “Eń jaqsı sawģa” temasında saxnalıq kórinis tamasha etemiz: “Eń jaqsı sawģa” saxnalıq kórinis ushın.
Baslawshı: Kishkene _____ apasınıń bayramına úy ishındegi ózinen basqalardıń jaqsı tayarlıq kórip atırģanın sezip qaldı.
Oqıwshı: Ajapa, apamnıń bayramına ne sawģa etejaqsań?
Oqıwshı: Men kóylek tiktim. Sonı sawģa etemen, sen ne?
Oqıwshı: Men oramal alıp qoyıppan, sonı beremen.
Baslawshı: _____ ajapalarınıń sóylesip turģanlıģın kórip, olardıń qasına baradı.
Oqıwshı: Men apamnıń bayramına heshnárse tayarlamadım, ne tayarlasam eken?
Oqıwshılar: Bilmedik.
Oqıwshı (inisi): Men kóp waqıttan berli aqsha jıynap qoyıppan, erteń konfeta alıp beremen.