8-tema: Xızmet xatları Jobası: Xızmet xatları Telegramma hám telefonogrammanıǹ ózgeshelikleri Xızmet xatları

Telefonogramma
Asıǵıs, zárúr hám tezarada rásmiy xabardı jetkeriwdiń taǵı bir qolay usılı telefonogramma bolıp tabıladı. Xat teksti tayarlanǵanan keyin, ádette, ol juwapker shaxs tárepinen qol qoyıladı hám sonnan keyin rásmiy kúshke kiredi. Telefonogrammalar kóbinese keńseler xatkerleri tárepinen telefon arqalı jiberiledi hám qabıl etiled. Telefonogrammada ol jiberilip atırǵan adres, shólkem yamasa shólkemniń atı hám basshısı qabıl etilgen waqıtı hám nomeri, tiykarǵı tekst hám jiberiwshiniń atı hám famılıyası sáwlelengen boladı. Telefonogramma arqalı belgilengen jayǵa asıǵıs xabar teksti jetkiziledi. Bunday tekst bir nusqada tayarlanadı, basshı yamasa juwapker shaxs tárepinen tastıyıqlanǵannan soǹ, tiyisli jayǵa telefon arqalı jetkiziledi. Telefonǵa shaqırılǵan shaxs telefonogramma beriliwi haqqında xabarlandırıw, ol qabıllawǵa tayın bolǵan soǹ qabıl etiwshi ulgeretuǵın waqıtta jetkeriwshi tárepinen jazdırılıwı kerek.
Teksttiń tuwrı qabıl etilgenligine isenim payda etiw ushın qabıl etiwshi tekstti jetkiziwshige qayta oqıp esittiriwi shárt. Qabıl etiwshi telefonogrammanıǹ beriliw waqtı hám sánesi, jetkeriwshiniǹ atı, famılıyası, lawazımın jazıp aladı, jetkeriwshi de qabıl etiwshi haqqında sonday maǵlıwmatlardı jazıp qoyıwı kerek.
___________________Kimge: ____________________
( jollawshı shólkem )
Telefonogramma jetkeriwshi Qabıl etiwshi
_________________________ ___________________
(lawazımı, atı, familiyası) (lawazımı, atı, familiyası)
Tel. __________________________________ (qabıl etken waqtı)
TELEFONOGRAMMA
sáne _________________
ornı __________________
teksti_________________________________________________________________________________________________________________________________________________________________________________________________________________________________
Qolı___________
30-shınıǵıw. Telefonogrammanı oqıǹ, sol tiykarda filial Kásiplik awqamınıǹ jıllıq esabat jıynalısı bolıp ótetuǵınlıǵı tuwralı telefonogramma úlgisin jazıń.