9-amaliy mashg’ulot 9-mavzu. O’zbekiston respublikasi ichki ishlar vazirligining yo’l harakati xavfsizligi bosh boshqarmasining asosiy vazifalari

2.O’zbekiston Respublikasi Vazirlar Mahkamasining va mahalliy xokimiyat organlarining harakat xavfsizligini ta’minlashdagi o’rni

Yo’l harakati xavfsizligini ta’minlash sohasida O’zbekiston Respublikasi Vazirlar Mahkamasi vakolatlari quyidagilardan iborat:

yo’l harakati xavfsizligini ta’minlash davlat dasturlarini tasdiqlash va ularni amalga oshirish ustidan nazorat olib borish;
yo’l harakati xavfsizligini ta’minlash hamda uni tashkil etish masalalariga doir boshqa normativ hujjatlarni tasdiqlash;
vazirliklar va idoralarning yo’l harakati xavfsizligini ta’minlash, ekologik xavfsizlik talablariga rioya etish sohasidagi faoliyatini muvofiqlashtirib borish;
transport vositalari va yo’llarning texnik holatiga, yo’llar va temir yo’ldan o’tish joylari bo’ylab yo’l harakati xavfsizligiga doir yagona talablarni belgilash;
transport vositalari haydovchilarini tayyorlashga, shuningdek, aholiga yo’llarda yurish-turish xavfsizligi qoidalarini o’rgatishga doir umumiy talablarni belgilash;
transport vositalarining haydovchilarini, shunday vositalarning o’zini, yo’l harakati qoidalarining buzilishi hollarini, YTHlari va boshqa ko’rsatkichlarni hisobga olishning yagona tizimini tasdiqlash;
Yo’l harakati xavfsizligini ta’minlash sohasida mahalliy davlat hokimiyati organlarining vakolatlari quyidagilardan iborat:
yo’l harakati xavfsizligini ta’minlash davlat dasturlarini amalga oshirish;
yo’l harakati xavfsizligini ta’minlash hududiy dasturlarini tasdiqlash hamda ularni amalga oshirish ustidan nazorat olib borish;
yo’l harakati xavfsizligi tibbiy jihatdan ta’minlashini, shuningdek, yo’l-transport hodisalari sodir bo’lganda jabrlanganlarga tibbiy yordam ko’rsatilishini tashkil etish;
yo’l-transport hodisalari oqibatidagi jarohatlanishlarning oldini olish, aholiga yo’llarda yurish-turish xavfsizligi qoidalarini o’rgatish, yo’l harakati xavfsizligini targ’ib etish hamda ekologik xavfsizlik talablariga rioya etish chora-tadbirlarini ko’rish;
shaharlardagi, shaharchalar va qishloq aholi punktlaridagi ko’chalarning, yo’laklarning hamda yo’l harakatini boshqarish vositalarining, shuningdek, shahar elektr transport yo’llarining qurilishi va soz holatda saqlanishini ta’minlash.