9-мавзу: туризм соҳасида овқатлантириш хизматлари маъруза машғулоти режаси

9.2. Туризм соҳасида овқатлантириш турлари ва таснифи

Ҳозирги иқтисодий модернизациялаш жараёнлари амалга оширилаётган бир пайтда иқтисодиётнинг асосий қисмини хизмат кўрсатиш соҳаси корхоналари эгалламоқда. Уларнинг улуши ялпи ички маҳсулотда, иқтисодиётда банд бўлганларнинг таркибида, давлат бюджетига тўланадиган солиқларда, янги иш ўринларини яратиш каби энг муҳим масалаларда муттасил ошиб бормоқда ва келажакда ҳам бу жараённинг давом этиши ҳуқуқий-меъёрий ҳужжатлар билан мустаҳкамланмоқда.

Корхонанинг турини белгилашда қуйидагиларга эътибор берилади:

• 
  реализация қилинадиган маҳсулотлар ассортименти, уларни тайёрлашдаги турли-туманлик ва мураккаблик;
  
• 
  техник жиҳозланиш-моддий база, инженер-техник жиҳоз ва ускуналар билан таъминланиши, бино тизими, архитектура-режаланиши ва ҳ.к.;
  
• 
  хизмат қилиш усуллари;
  
• 
  ходимларнинг малакалари;
  
• 
  хизмат кўрсатиш сифати, бинонинг ички безаги, аҳлоқ-одоб, муомала, эстетика ва ҳ.к.
  

Ресторан ва барларга корхона тоифалари сифатида люкс, олий ва биринчи тоифали, д эга н номлар берилади. Кафе, ошхона, тамаддихоналар тоифаларга бўлинмайди.