9-tema. Informatikadan sabaqtan tisqari shinig`iwlardi proektlestiriw. Reje
Download 367.35 Kb. Pdf ko'rish
|
9-тема.Informatikadan sabaqtan tısqarı shınıgıwlardı proektlestiriw.
|
Dógerek ótkeriw metodikası
Informatika boyınsha ótkiziletuǵın dógerek sabaqları klassta ótkiziletuǵın sabaqtan mazmunı menen emes, bálki usılı menen de parq qılıw kerek. Dógerekte tómendegi usıllardan paydalanıw múmkin: 1) Lekciyalar. Kópshilik teoriyalıq materiallardı ótiwde dógerek basshı, basqa oqıtıwshılar, xalıq bilimlendiriwi xızmetkerleri, qániygeler, talabalar, oqıwshılar hám basqalardı dógerekke lekciya oqıw ushın usınıs etiw múmkin. Basshı bunı aldınnan másláhát tiykarında lekciya oqıwshı menen kelisip lekciya temasın hám waqtın anıqlaydı. Basshı hám basqa qániygeler tárepinen islenetuǵın lekciyalar, oqıwshılar ózlerinshe tayarlay almaytuǵın yaki júdá kıyınshılıq penen ózlestiriletuǵın temalarǵa baǵıshlanǵan bolıwı kerek. Eger lekciya temasın oqıwshılar ózlerinshe tayarlay alatuǵın bolsa, bul temalardı oqıwshılar tayarlawı kerek. Oqıwshılar tárepinen islenetuǵın lekciyalar 10-15 minutqa mólsherlengen bolıwı kerek. Oqıwshılardıń lekciyaǵa tayarlanıwında basshı oqıtıwshı járdem etiwi, másláhát beriwi, lekciya tayar bolǵanda onı kórip shıǵıwı, dúzetiwler kiritiwi hám kórsetpeler beriwi kerek.
Oqıwshı materallardı oqıp emes, bálki óz sózi menen aytıp bergeni maqul. Lekciyalar informatika sabaǵınıń programmasına kirmegen bólimine yaki kirgen bolsa da, onı sabaqlıqtaǵıǵa salıstırǵanda basqa usılda bayan etiwge mólsherlengen bolıwı kerek.
Kim qanday tema boyınsha lekciya jasawı iqtiyarıy belgilenedi hám tiyisli ádebiyatlar kórsetiledi. Ayrım qatnasıwshılar basshı usınıs etken hám ózleri tańlaǵan temalarda ápiwayı ilimiy-izleniw alıp barıw, yaǵnıy maǵlıwmat jıynaw, qayta islew hám matematikalıq modeller dúziw hámde dóretishilik jumıslar menen shuǵıllanıp, olardıń nátiyjelerin de informatika dógereginde kórsetiwi múmkin. 2) Hár túrli jarıslar. Informatikadan bolatuǵın dógerekte kóbinshe ayrım tiykarǵı shınıǵıwlardı, máselen, berilgen máseleniń matematikalıq modelin, algoritmin, algoritmine sáykes blok sxemasın dúziw, onı mashina tilinde jazıw boyınsha jarıslar ótkeriw múmkin. Bul jarıslar oqıwshılardıń belsendiligin, dıqqatın, jumısqa juwapkershiligin asıradı. Jarıslar jeke birinshilik yaki komanda birinshiligi kórinislerinde shólkemlestiriliwi múmkin.
a) Jeke birinshilik ushın jarıslar. Bunda oqıtıwshı programmalastiriw, blok-sxema, algoritm hám basqa temalardi ótip bolıp, doskaǵa bir neshe mısal jazıp hám oqıwshılarǵa kim tez birinshi islep bolsa xoshametlew barlıǵın aytıwı kerek. Tez sheship bolǵan oqıwshı juwabın aytıwı kerek. Basshı mısal yaki másele tuwrı yamasa natuwrı sheshilgenligin, hámde qansha waqıt sarıplaǵanın aytadı, soń olar arasında 1-3 orın alǵanlar anıqlanadı. b) Komanda birinshiligi ushın jarıs. Ayrım ámeliy jumıslardı ótkiziwde de jarıs ótkiziledi. Bunıń ushın hár bir oqıwshı nomerlenedi har bir toparǵa birdey kıyınlıqtaǵı birewden jumıs yaki hámme oqıwshıǵa bir yaki bir neshe jumıs bólip beriledi. Bunda hár bir oqıwshı aldınǵı oqıwshı jumısın tamamlaǵanan keyin baslaydı. Sonda topardıń qaysısı jeńimpaz ekenligi anıqlanadı. 3) Informatika oyınları. Oqıwshılardıń pikirlew qábiletin hám dıqqatın jetilistiriwge járdem beretuǵın oyınlardıń bir neshewin keltiremiz. a) ”Ayt hám esińde saqla”. Bul oyın belgili bir tema ústinde ótkiziledi. Oyında eki hám onnan artıq oqıwshı qatnasıwı múmkin (jaqsısı eki oqıwshı qatnasqanı maqul). Máselen, 1-oqıwshı “processor” dese, 2-oqıwshı onı tákrarlap aytıp, jáne bir sóz qosıp qoyadı. Máselen, 1-oqıwshı “processor” dese 2-oqıwshı “processor, klaviatura” deb aytadı. 1-oqıwshı bolsa 2-oqıwshınıń aytqanın tákrarlap jáne bir sóz (máselen “displey”) di qosıp aytadı. Yaǵnıy 1-oqıwshı: “processor, klaviatura, displey” dep aytadı hám taǵı basqa. Qaysı oqıwshı sózlerdiń tártibinde jańılıssa, ayrım sózlerdi taslap ketse yaki qosımsha sóz taba almasa, sol oqıwshı jeńilgen esaplanadı. b) Informatika sózligi. Oqıtıwshı bir háripti doskaǵa jazadı. Oqıwshılar bolsa usı hárip penen baslanatuǵın tiyisli informatika terminleri, informatika alımlarınıń atları, Informaciyalardıń ólshem birlikleri hám taǵı basqalardı yadtan bir kartochkaǵa jazadı. Keyin kim neshe sóz jazǵanın aytadı. Oqıtıwshı tekserip aylanıp júredi. Kim kóp jazǵan bolsa, sol birinshilikti aladı. Keyin sol oqıwshınıń tapqan sózleri hámde qalǵan oqıwshılardıń doskada bolmaǵan sózleri doskaǵa jazıladı hám barlıq oqıwshılar doskadan ózleri taba almaǵan sózlerdi kóshirip jazadı. Download 367.35 Kb. Do'stlaringiz bilan baham: 
|