Abdunazarov Zoxid Rustamovichning bitiruv malakaviy ishI

2.2 Uzumning botanik ta’rifi va biologik xususiyatlari 

Sh.Temurovning  [16]  yozishicha,  tok  Vitaceae  Juss  oilasining  Vitis 

turkumiga mansub qadimiy gulli yoki yopiqurug’li o’simlik. Dunyoning mo’tadil, 

subtropik hamda tropik mintaqalarida uchraydi. 

Tokdoshlar  oilasining  nomi  aseaye  suffiksining  vitis  turkumi  nomi  asosiga 

qo’shilishidan hosil bo’lgan. Tokdoshlar oilasi 14 turkum, 1000 ga yaqin turlarni 

o’z  ichiga  oladi.  Ular  o’zlarining  morfologik  belgilari,  biologik  xususyatlari  va 

ishlatilishiga qarab bir-biridan farq qiladi. Tokning yovvoyi turlari, asosan Afrika 

va  Osiyoda,  6/1  qismi  Amerikaning  tropik  va  subtropik  mintaqalarida  joylashgan 

[15, 16]. 

Uzumchilik  amaliyotida  eng  ahamiyatli  hisoblangan  Vitis  vinifera 

(V.vinifera  L.)    o’z  navbatida  2  turcha:  silvestris  (ssp.  Silvestris  Gmel)  yoki 

yovvoyi tok hamda sativa (ssp. Sativa DC) yoki madaniy tokni o’z ichiga oladi. 

Tok  biologik  xususiyatlariga  ko’ra  issiqsevar,  chirmashib  o’suvchi  ko’p 

yillik gulli o’simlik. Yuqorida aytilganidek, tokdoshlar oilasi - Vitaceae Juss ning 

hozirgi zamon vakillari ming yillarni o’z ichiga olgan murakkab evolyusion davrni 

(irsiy  o’zgaruvchanlik,  yashash  uchun  kurash,  tanlash,  tashqi  muhitning 

o’zgaruvchan  sharoitlariga  moslashish  va  h.k.)  o’tagan.  Tokdoshlar  avlodining 

dastlabki vakillari tik o’suvchi buta shaklida bo’lib, ular monopodial (oddiy) tipda 

o’sib  jingalaklari  bo’lmagan.  Ochiq  joylarda  o’sganligi  tufayli  ularning 

yorug’likka  bo’lgan  talabi  ham  orta  borgan.  Keyinchalik  qalin  tropik  o’rmonlar 

paydo  bo’la  boshlashi  sababli  tokdoshlarning  avlodlari  butunlay  yo’qolib  ketish 

---

xavfi  ostida,  yoki  bo’lmasa  ular  o’sayotgan  joylarning  tashqi  muhit  sharoitlariga 

moslashishiga  majbur  holatda  bo’lgan.  Natijada  ularning  tuzilishi,  o’sishi, 

rivojlanishida  o’zgarishlar  sodir  bo’lib,  tokning  hozirgi  mavjud  hayotiy  shakllari 

shakllangan. 

Tok suyanchiqsiz tik holatda o’sa olmasligi tufayli ularga o’rmon daraxtlari 

suyanchiq  vazifasini  o’tagan.  Tokning  xarakterli  xususiyatlaridan  biri,  uning 

yorug’likka  intilib  jingalaklari  yordamida  biron  bir  suyanchiqqa  tirmashib  tepa 

tomon  o’sishidir.  O’sish  kuchining  yuqoriligi  sababli  (novdalari  bir  sutkada  10 

sm.gacha  o’sishi  mumkin)  tokning  poyasi,  katta  barg  sathi  daraxt  tepasida 

joylashgan.  Tokning  yana  bir  biologik  xususiyati,  undagi  qutblikdir.  Bo’ylama 

(tik), enlama (yassi) yoki dorzivental qutbliklar bo’ladi [15, 16].