Abu Iso at-Termiziy al-Buxoriy shogird, ham safdoshi 103-b guruh Sidiqov Ilhom

Abu Iso at-Termiziy al-Buxoriy shogird, ham safdoshi

103-B guruh Sidiqov Ilhom

Reja: 1. Hadis ilmining rivojidagi oltin davr. 2. Imom Buxoriy Hadis ilmining eng nufo‘zli manbalari deb tan olingan oltita ishonchli Hadis muallifi. 3. At – Termiziyning hadisshunos alloma bo‘lib yetishishi. 4. At – Termiziyning “ Al – Jome’”, “ Ash – shamoil an – nabaviya” kabi asrlari va ularning ahamiyati.

Hadis ilmining rivojida oltin davr hisoblangan hijriy uchinchi (milodiy tuqqizinchi) asrda hadisshunoslikda katta muvaffaqiyatlar qo‘lga kiritilgan. Chunonchi, butun islom dunyosidagi eng nufuzli manbalar deb tan olingan oltita ishonchli hadislar to‘plamining (as-sihoh as-sitta) mualliflari yashab ijod qilganlar. Yana shunisi diqqatga sazovorki, mazkur olti muhaddisning deyarli hammasi Markaziy Osiyolik bo‘lib, ular: Abu Abdulloh Muhammad ibn Ismoil al-Buxoriy, Imom Muslim ibn al-Hajjoj (206/819—261/874), Abu Iso Muhammad ibn Iso at-Termiziy (209/824—279/892), Imom Abu Dovud Sulaymon Sijistoniy (202/817—275/880), Imom Ahmad An-Nasoiy (215/830—303/915), Imom Abu Abdulloh. Muhammad ibn Yazib ibn Mojja (209/824—273/886) kabi siymolardir. Shular ichidan “Hadis ilmida amir al- mo‘miniyn” degan sharafli nomga sazovor bo‘lgan Imom al-Buxoriy alohida e’tiborga molik buyuk olimdir.

1. Hadis ilmining rivojidagi oltin davr.

2. Imom Buxoriy Hadis ilmining eng nufo‘zli manbalari deb tan olingan oltita ishonchli Hadis muallifi. 

Uning tuliq ismi Abu Abdulloh Muhammad ibn Ismoil ibn Ibroxim ibn al-Mag‘iyra ibn Bardazbeh al-Juafiy al-Buxoriy bo‘lib, u xijriy hisobda 194 yil shavvol oyining 13-kuni (810 yil 20 iyul)da Buxoro shahrida tavallud topgan. Boshqa ko‘pgina olimlardan farqli o‘laroq al-Buxoriy tug‘ilgan sana aniq ko‘rsatilishiga sabab shuki, uning otasi Ismoil o‘z davrining ilmli odamlaridan bo‘lib, o‘g‘lining tug‘ilgan kunini o‘z qo‘li bilan yozib ketgan qog‘oz zamondosh olimlar ixtiyoriga yetgan va shu xususda ham uning aniqligiga hyech shubha yuq.