Адабиётлар: [ ] – 196-206 бетлар; [ ] – 66-69 бетлар. Таянч сўзлар

4. Пармалар билан ишлов бериш

Тешиклари бўлмаган бут деталларда тешиклар пармалар ёрдамида очилади. Бу усул 10-12 квалитет аниқликни ва Р_з=80-40 мкм ғадир-будирликни таъминлайди, бу, аниқ тешиклар олишда бошлангич ишлов бериш усули сифатида қўлланилади (12.3,а-расм). Қора тешиклар учун бир марта ишлов бериш билан кифояланилади.

12.3-расм. Тешикларга ишлов бериш усуллари: (а)- пармалаш,
(б)- зенкерлаш, (в)- разверткалаш.

5. Зенкерлар ёрдамида ишлов бериш

Зенкерлашни бирламчи пармалашдан кейин ёки танаворларни қуйиш ва уриб тушириш (прошивка) натижасида олинган тешикларга ишлов беришда қўлланилади (12.3, б-расм). Биринчи ҳолда зенкер танаворлар қатламларининг бир-қанча қисмини кесиб туширади, пармалашдан ҳосил бўлган тешик ўқи оғишини ва шакл хатоликларини тўғрилайди (айниқса кондуктор мосламада ишланса). Бу мосламада кўзда тутилган зенкер ёъналтиргич втулка (кондуктор втулкаси деб аталувчи) орқали амалга оширилади. Иккинчи ҳолда зенкер танавор тешигига тўғри шакл бериб ўқини оғишини тўғрилайди. Қуйма ва уриб туширилган тешикларни зенкерлаш 9 квалитет аниқликни, Р_з=80-40 мкм оралиғидаги ғадир-будирликни беради. Пармалашдан кейин зенкерлаш еса 8 квалитет аниқликни ва Р_з=40-20 мкм ғадир-будирликни таъминлайди. Қуйма тешикларни (кулранг чўяндан тайёрланган танаворлар ҳам киради) совутгичлар ёрдамида бир марта зенкерлаш усулида 9 квалитет аниқликка ва тозалиги Р_з=40-20 мкм юзалар ғадир-будирлигига еришилади.

6. Разверткалар ёрдамида ишлов бериш
Разверткалашни танаворлар тешикларига якунловчи ишлов бериш усули сифатида қўлланилади ёки тешикларни хонинглашдан олдин ўтувлараро усул сифатида қўлланилади (12.3б-асм). Разверткалаш усули, тешик ўқининг егилиши ва силжиб қолиши каби хатоликларни тўғрилай олмайди, аммо аниқ диаметриал ўлчамлар олиш учун ишлатилади.
Тешикларга қўйилган талабларга кўра; нормал ,аниқ ва юпқа разверткалаш усуллари ишлатилади. Бу кўринишдаги разверткалаш усуллари асосан разверткалар диаметриал ўлчамларига қўйилган допускларнинг миқдори билан фарқланади (1-жадвалга қаранг).
1-жадвал