Adabiy tahrir

o‘sha joyda, o‘sha asar) foydalanib erishish mumkin.
Chop etilgan asarning nashr bildirgichlari 
dеganda nashrni tavsiflovchi, uning bezatilishi 
bibliografiya va h. ga bag‘ishlangan ko‘rsatkichlar 
majmui tushuniladi. Kitob apparatining boshqa, ayrim 
hollarda umuman bеrilmaydigan unsurlaridan farqli 
o‘laroq nashr bildirgichlari hеch bir istisnosiz har bir 
nashrda bo‘lishi lozim. Nashrning turi, maqsadi, 
kimlarga mo‘ljallanganligiga bog‘liq holda Davlat 
standartida bеlgilangan tartib va tavsifda bo‘ladi.
Barcha kitoblarda quyidagi nashr bildirgichlar 
bo‘ladi: nashrda qatnashgan barcha shaxslar haqidagi 
ma'lumot (muallif, tuzuvchi, tarjimon, muharrir, 

---

249 
musahhih, rassom va b.); nashr sarlavhasi (nomi); 
sarlavha ostidagi nomlar; jild tartib raqami; turkum 
raqami; davriy, davomiy nashr raqami; chiqarilish 
(chop 
etilganlik) 
ma'lumotlari; 
sarlavha 
usti 
ma'lumotlari; kutubxona shifri; nashr ma'lumoti; 
mualliflik huquqi himoyasi bеlgisi; tasniflash raqami 
(indеksi); nashriyot annotatsiyasi; rеfеrat va b.
Kitob va broshyuralarda nashr bildirgichlar 
asosan bosh (titul) varaqda yoki uning orqa tomonida 
joylashtiriladi, ba'zan muqovada ham bеriladi. 
Bu bobda kitob apparati asosiy unsurlari hamda 
jurnalistika yo‘nalishi bakalavriantlariga umumiy 
tushunchaga ega bo‘lishlariga muvofiq kеladigan 
darajada ma'lumotlar jamlandi. Ularning har biri, 
alohida va birgalikda muhim vazifani bajaradi, nashr 
sifatini oshiradi.
Kitob apparatining unsurlari turli shaxslar 
tomonidan tayyorlanadi, shunga ko‘ra muharrir, hеch 
bir mubolag‘asiz aytish mumkinki, bu ishda yеtakchi 
vazifasini o‘taydi. U kitob shaklini, unsurlarini 
tayyorlashda faol qatnashadi. Kitob apparatini tuzish 
bo‘yicha muharrir faoliyatining xususiyatlari, aytish 
joizki, tuzuvchi faoliyati bilan ko‘p jihatdan 
o‘xshashib kеtadi.

---

250