Adabiyot toshkent – 2022 10

UCHINCHI BOB: 
DON KIXOTNING RITSARLIKKA O‘TISHI
Don Kixot yo‘lga chiqadi va “to‘rt minorali, noyob kumush tom­
li, ko‘tarma ko‘prikli va tevaragi chuqur xandaqli qal’a” deb o‘ylagani 
bir mehmonxonadan tunashga joy so‘raydi. Uni hali ritsarlik unvonini 
olmagani tashvishga solardi. 
Shu o‘y-xayol bilan gangib qolgan don Kixot faqirona ovqatini tezroq 
yeb bo‘lib, o‘rnidan turdi, xo‘jayinni bir chekkaga chaqirib, uni otxonaga 
boshlab kirdi-da, tiz cho‘kib yolvora boshladi:
– O, shavkatli ritsar, marhamatingiz bilan iltimosim bajo keltirilma-
guncha o‘rnimdan turmayman. Qiladigan iltimosim sizga shon-u shu-
hrat, inson zotiga baxt-saodat keltiradi.
Xo‘jayin mehmonning tiz cho‘kib turganini ko‘rib, uning g‘alati 
so‘zlarini eshitarkan, avvaliga dovdirab, don Kixotga angrayganicha qa-
rab qoldi, u nima qilarini ham, nima deyarini ham bilmasdi. O‘zini tutib 
olgandan keyin esa don Kixotdan o‘rnidan turishni iltimos qilib, yalina 
boshladi. Lekin xo‘jayin iltimosini bajo keltirishga so‘z bermagunicha u 
o‘rnidan turmadi.
– Cheksiz olijanobligingiz tufayli iltimosimni bajarishdan bosh tort-
masligingizga imonim komil edi, senyor, – dedi don Kixot. – Men sizdan 
ertaga tongotarda menga ritsarlik unvoni berishingizni va marhamatin-
gizdan meni bahramand etishingizni so‘rayman. Men bugun qal’angiz-
dagi ibodatxonada qurol tutib, tun bo‘yi mijja qoqmay chiqaman. Tongo-
tarda esa menga ritsarlik unvoni berish marosimini o‘tkazasiz. Shundan 
keyin men, nihoyat, jahongashta ritsarlarning barcha haq-huquqlariga 
ega bo‘laman-u, sarguzasht izlab yo‘lga tushaman. Qurolim yer yuzi-
da haqiqat va adolatning barqaror bo‘lishiga xizmat qiladi, chunki men 
mansub bo‘lgan, shon-shuhrati olamga yoyilgan o‘sha buyuk ritsarlik 
ordeni shuni taqozo etadi.
Berilgan parchada don Kixotning gapirish uslubi va mehmonxona 
muhiti o‘rtasidagi kontrast nimaga xizmat qilyapti? 
Don Kixotni savdoyi deb boya shubhalana boshlagan xo‘jayin endi 
bunga to‘la ishondi, uning telbaligidan miriqib koʻngil ochish ilinjida