Адашев А.Ў. Кичик бизнес субектларини бақарор ривожлантириш ва самарадорлигини ошириш йўллари

Асосий натижалар. Ўзбекистонда макроиқтисодий барқарорликни мустаҳкамлаш ва юқори иқтисодий ўсиш суръатларини сақлаб қолишга алоҳида эътибор қаратилмоқда. Кичик бизнес субъектлари фаолиятини ривожини иқтисодий рағбaтлантириш орқaли ҳудудлар, туман ва шaҳaрларни комплекс ва мутаносиб ҳолда ижтимоий-иқтисодий тaрaққий эттиришга aлоҳида эътибор берилмоқда.
Кичик бизнеснинг ривожланиши мамлакат иқтисодиётининг турли соҳаларини ривожлантиришга ижобий таъсир кўрсатади, аммо давлат кўмагисиз кичик бизнес таназзулга учраши мумкин (1-жадвал).
1-жадвал
Ўзбекистонда 2018-2022 йилларда kichik biznes va xususiy tadbirkorlikning ulushi, %¹

Тармоқлар	2018 й	2019 й	2020 й	2021 й	2022 й	(+,-)
Саноат	62,4	56,0	55,7	54,9	51,8	-10,6
Қурилиш	37,4	25,8	27,9	27,0	25,9	-11,5
Бандлик	73,2	75,8	72,5	72,4	71,6	-1,6
Экспорт	76,3	76,2	74,5	74,4	74,6	-2,3
Импорт	27,2	27,0	20,5	22,3	29,5	2,3

Жадвал маълумотларига кўра, кичик бизнес ва хусусий тадбиркорликнинг улуши импорт 29,5 % эканлиги кузатилди. Саноат, қурилиш, бандлик, экспорт кўрсаткичларини олдинги йилларга нисбатан улушини камайганлигини кўриш мумкин.
Мамлакатдаги иқтисодий ва ижтимоий вазият учун кичик бизнеснинг аҳамияти юқори эканлиги сабабли, аксарият мамлакатларда кичик бизнесни ривожлантиришга ёрдам берадиган қонунлар ҳамда мейъёрий ҳужжатлар ишлаб чиқилмоқда. Бугунги кунга қадар турли мамлакатларда ривожланган кичик бизнесни қўллаб-қувватлаш бўйича чора-тадбирлар тизимлари иқтисодий сиёсатнинг асосий тушунчалари, устувор йўналишларни танлаш ва фойдаланиладиган маблағлар ҳамда жалб қилинган бюджет маблағлари жиҳатидан сезиларли фарқ қилади.
Бандликни оширишдаги бугунги энг муҳим ҳал қилувчи масалалардан бири кичик бизнес субъектлари фаолиятини жадал ривожлантириш, уларга кенг имконият ва имтиёзлар ташкил қилиб бериш ҳисобланиб, кичик бизнес субъектларини ҳар томонлама қўллаб-қувватлаш ва рағбатлантириш реал иқтисодиётни ислоҳ этишнинг энг муҳим йўналиши саналади (1-расм).