Ajiniyoz nomidagi nukus

6. “Veksler xotira shkalasi”ning 1-2-subtestlari qanday vaziyatda qo’llaniladi.
A.Tekshiriluvchida metodikadagi topshiriqlarni bajarmaslik istagi kuzatilganda
B.Tekshiriluvchining yoshi ancha keksa bo’lganda
V.Tekshiriluvchi boshqa subektlrdan yuqori ko’rsatkichlarga ega bo’lganda
G.Tekshiriluvchida xotira defektlari namoyon bo’ladi
7.Quyidagi intellekt testlarining qaysi birida diqqat psixodiagnostikasi uchun mo’ljallangan maxsus subtest yo’q.
A.Rossolimo itellekt testi
B.SHTUR
V.Veksler intellekt shkalasi
G.MMPI intellekt testlari
8. Quyidagi intellekt testlarining qaysi birida diqqat psixodiagnostikasi uchun mo’ljallangan maxsus subtest yo’q.
A.Rossolimo intellekt testi
B.Veksler intellekt shkalasi
V.SHTUR
G.Mazkur testlarning barchasida diqqat psixodiognostikasi uchun qo’llanadigan maxsus subtestlar mavjud
9. Quyidagi metodikalarning qaysi biri xayol psixodiagnostikasida qo’llaniladi?
A.Nutqiy fantaziya
B.Piktogramma
V.SHTUR
G.Meyli testi
10. “Piktogramma” metodikasining muallifi kim?
A. L.V.Zankov
B. A.R.Luriya,
V. B.G.Xersonskiy
G. S.V.Longinova
Nutq. Nutq haqida tushuncha
Kishilarning til vositasida o‘zaro munosabatda bo‘lish jarayoni nutq deb ataladi. Nutq va tilni aynan bir narsa deb hisoblash yaramaydi. Nutq odam boshqa kishilar bilan munosabatda bo‘lish maqsadida tildan foydalanish faoliyatidir. Har bir odam muomalani o‘zicha amalga oshiradi. Kishilar nutq yordamida o‘z zamondoshlariga muayyan vaqtda nimalar yuz berayotganini xabar qilibgina qolmaydilar, balki insoniyat to‘plagan bilimlarining hamma boyligini avloddan avlodga o‘tkazib beradilar ham. Bola nutqni egallab olgandan so‘ng o‘zi tugilgan jamiyat hayotida kishilar bilan munosabatda bo‘ladi. Til milliy xarakterga ega ijtimoiy tarixiy hodisadir. Turli kishilarda jumla tuzilishi ham bir-biridan farq qiladi. Agar bola biror sabablarga ko‘ra nutqni egallab olmasa, uning aqliy kamoloti juda past darajaga tushib qolgan bo‘lar edi. Yuqorida aytib o‘tilganidek tafakkur va nutq bir-biri bilan bog‘lanib ketgan. Odam o‘ylayotganda odatda fikrlar jumlalar tarzida, ichki nutq deb ataluvchi nutq tarzida ifoda etiladi. Darhaqiqat, bir-ikki so‘zni ichingizda aytmasdan turib, biror narsa haqida so‘zlab ko‘ringchi, siz bunga erisha olmaysiz. Nutqning anatomik-fiziologik mexanizmlari. Nutq jarayoni periferik organlarning ishi bilan ham, bosh miya po‘sti faoliyati bilan ham bog‘liq ravishda sodir bo‘ladi. Nutq apparatning peri ferik qismiga nutq organlari, eshitish va ko‘rish organlari kiradi. Nafas olish organlari (o‘pka, bronxlar, nafas olinadigan bo‘g‘iz), ovoz vibratori (bo‘g‘izning ovoz muskullari) va ovoz muskulla rining tebranishi natijasida hosil bo‘ladigan ovozni kuchaytiruv chi rezonator (og‘iz, burun bo‘shliqlari, halqum) nutq organlari hisoblanadi. Eshitish organi nutq ni, ko‘rish organi yozma nutqni, shuningdek, og‘zaki nutqni to‘ldiruvchi imo-ishoralarni idrok etishni ta’minlaydi. Yozishda (ko‘zi ko‘rmaydigan kishilarni o‘qitishda) nutq apparatiga qo‘lning muskul-harakat sezgilari ham qo‘shiladi. Bola dastlab nutqni egallayotgan davrida uning nutq tovushlariga bo‘lgan rеaksiyasi juda umumlashgan xaraktеrga ega bo‘ladi. Masalan, agar soatni bolaga «chiq-chiq» dеb tushuntirilgan bo‘lsa u «tiktik» dеgan so‘zga ham baribir soatni ko‘rsatavеradi. Bolalarda hali nutq tovushlari yaxshi diffеrеnsirovka qilinmagan bo‘ladi. Bosh miya po‘stlog‘ining nutq-eshitish, nutq-ko‘rish va nutq-harakat markazlari deb ataluvchi qismlari nutq apparatining markaziy qismi hisoblanadi. Nutqning eshitish markazi bosh miya po‘stlog‘ining chap chakka tomonidagi nutqning orqaroq qismida joylashgan. Nutqning harakat markazi chap yarimshar ning manglay qismida joylashgan. Bu markazning ishi buzilsa, ha rakat affaziyasi paydo bo‘ladi, ya’ni kishi gapira olmaydigan bo‘lib qoladi. Bola qo‘lida qo‘ng‘iroq ushlab turibdi deb faraz qilaylik. Bu holda bolada muskul harakat sezgilari paydo bo‘lishi bilan bir vaqtning o‘zida, qo‘ngiroqni ushlash paytida u chiqargan ovoz, bolaning eshitish nervini ham qo‘zg‘atadi, shundan so‘ng harakat vujudga keladi va nihoyat harakat bolaning ongida ancha kengroq aks ettiriladi: yuqoridagi uch refleksga to‘rtinchisi qo‘shiladi. I.P. Pavlov ta’limotiga ko‘ra, odamda muaffaqiyatli nerv bog‘lanishlari qo‘zg‘atuvchilarning faqat bevosita ta’sir ko‘rsatishi natijasiga emas, balki ana shu bevosita qo‘zg‘atuvchilar o‘rniga keluvchi so‘z ta’sirida ham paydo bo‘ladi. Bunda so‘z bevosita qo‘zg‘ovchilar bilan, voqelikning birinchi signallari bilan uzviy bog‘lanishi tufayli, ya’ni o‘zining ma’nosiga ko‘ra qimmati tufayligina voqelikning signali bo‘lib xizmat qiladi. Odam so‘zni voqelik bilan bog‘lay olgan taqdirdagina uning ma’nosiga tushunadi.

Nutq turlari

Ovoz chiqarib talaffiiz etiladigan nutq tashqi nutq deb ataladi. Lekin biz yuqorida aytib o‘tdik-ki, o‘ylayotgan paytimizda ovoz chiqarmasdan ham nutqdan foydalanamiz. Tashqi nutq og‘zaki va yozma bo‘ladi. Og‘zaki nutq monologik va dialogik nutq bo‘lishi mumkin. Monologik nutq, nomining o‘zi ko‘rsatib turganidek bitta odamning nutqidir. U ko‘pincha boshqa kishilarga, tinglovchilarga (ma’ruza, hikoya, majlisda so‘zga chiqish va hokazolar tarzida) qaratilgan bo‘ladi, lekin tinglash pay tida ham o‘zi uchun ovoz chiqarib talaffuz etilishi mumkin. Monologik nutq tinglovchilarga qarata aytilayotgan vaqtda ular uchun tushu narli bo‘lishi kerak. Shuning uchun boshqalarga qarata gapirayotgan odam o‘zining nutqi qanday idrok etilayotganini hisobga olib borishi zarur. Shuni aytish kerak-ki boshlang‘ich sinfda nutqning monologik shaklini suiiste’mol qilmaslik lozim, kichik yoshdagi o‘quvchilar jonli suhbat jarayonida aytilgan matnni ma’ruza tarzida bayon etilgan matnga qaraganda ancha durustroq idrok etadilar, tushunadilar va o‘zlashtirib oladilar. Dialogik nutq ikki yoki undan ko‘proq kishining suhbatidan iborat bo‘ladi. Har bir so‘zlovchining fikrlari odatda almashinib turadi va monologik nutqdek ancha davomli bo‘lmaydi. Ba’zan dialogik nutq biror masala aniqlab beriladigan disput, munozara formasini kasb etadi. Yozma nutqqa alohida talablar qo‘yiladi. Kitobxon, odatda avtor yo‘qligida nutq mazmuni bilan tanishadi, shuning uchun nutq juda tushunarli, aniq bo‘lishi kerak. Bundan tashqari yozma nutqda nutqni aniqroq qilishga yordam beradigan tegishli intonatsiya, mimika, imo-ishoralardan foydalanish imkonini bermaydi. Shu munosabat bilan yozma nutq ancha qiyinchilik tug‘diradi. Og‘zaki nutq ancha qiziqroq bo‘lishi mumkin, tinglovchi suhbatdoshidan tushunarsiz narsani hamisha aniqlab olish imkoniga ega bo‘ladi, yozma nutqni esa to‘liq, kengaygan holda tuzish zarur. Og‘zaki yoki yozma nutq odamga har xil talablar qo‘yadi. Bir xil kishilar yaxshi gapira oladilar-u yomon yozadilar, boshqalari o‘z fikrlarini yozma ra vishda yaxshi bayon qiladilar-u, lekin ularning og‘zaki nutqla rida (ayniqsa ko‘pchilik oldida gapirishga to‘g‘ri kelsa) nuqsonlar bo‘ladi. Nutqning aytib o‘tilgan hamma turlari faol nutq tu shunchasiga kiradi. Ammo passiv nutq ham bo‘ladi, bunda odam gapirmay (yozmay) faqat tinglaydi. Passiv nutq boshqa kishi ning nutqini idrok etish va tushunishini o‘z icniga oladi. Buning uchun til vositalarini (tovushlar, so‘zlar, ularning birikmalarini), ana shu vositalar bilan ifodalanadigan fikrlarni ham aniqlab olish zarur.
Affеktiv nutq turli omillar ta’sirida birdaniga vujudga kеluvchi, jahlning mahsuli bo‘lib, bunda u to‘satdan suhbatdosh, raqib tomonga uzatiluvchi, o‘ta ta’sirchan, xavfli, ruhiy nishon vazifasini bajarib, zarbasi jihatidan altеrnativi yo‘qligi bilan boshqa nutq turlaridan kеskin ajralib turadi. Jahl, qasos, alam, tajovuz kеchinmalarini o‘zida aks ettirib, o‘ta tanglik, zo‘riqish (strеss) mahsuli bo‘lib hisoblanadi («Jahl kеlganda aql kеtadi»; «Hissiyot bilan emas, balki aql bilan ish tut»). Yozma nutq insoniyat tarixining taraqqiyot bosqichida paydo bo‘lib, hozirgacha u o‘z rivojlanishida davom etmoqda. E.G‘. G‘oziyеv ta’rificha, tilning barcha qoidalariga (orfografik, morfologik, sintaksik, lеksik, orfoepik, lingvistik, fonеmatik, flеksiv va h.k.), qonuniyatlariga, mеxanizmlariga (jonli ifodalarni mujassamlashtirgan holda) asoslangan tarzda, muayyan shartli alomatlar (grafiklar) yordamida shakl, tuzilish, ma’no, mazmun va mohiyatni uzluksiz, tadrijiy ravishda axborotlarga aylantirib bеruvchi nutq turi yozma nutq dеyiladi. Yozma nutq turlari: – monologik (drama); – dialogik (badiiy asar janrlarida); – ichki; – lakonik (yig‘iq, qatra); – epik (yoyiq, yirik roman, qissa va boshqalar). Yozma nutqning monologik va dialogik turlari badiiy asarlarda o‘z ifodasini topgan bo‘lib, og‘zaki nutqdan farqli o‘laroq til boyliklariga bеvosita asoslab, yangiliklar yaratish, ijod qilishda so‘zlar orqali mohiyat kasb etadi, u yoki bu shaklda tartibga kеltiriladi. Lakonik (yig‘iq, qatra) nutq ham og‘zaki nutqdagiday ma’no kasb etsa, epik (yoyiq) nutq yirik asarlar, monografiyalar mohiyatini to‘laqonli aks ettirish bilan boshqa nutq turlaridan farq lanadi.
Nutq sifatlari va vazifalari
Nutq sifatlari ikki gruppaga ajratiladi. Nutqni leksika, fonetika nuqtayi nazaridan to‘g‘ri qiladigan sifatlar, jumlalarning talaffuzi etilishi, tuzilishi, noaniq, noto‘g‘ri va keraksiz so‘zlarning yo‘qligi birinchi guruhga kiradi. Ikkinchi guruhga nutqning shunday sifatlari kiradiki, ular tufayli so‘zlovchining fikrlari tinglovchi ning ongiga qadar yetib boradi va tinglovchiga kutilgan ta’sirni ko‘rsatadi, unda ishonch hosil qiladi. Nutqning mazmundorligi, aniqligi, tushunarliligi, bayon etishning to‘g‘ri shakli mantiqiylik, obrazlilik, emotsionallik shunday sifatlar jumlasiga kiradi. Tarbiyachining nutqiga ayniqsa katta talablar qo‘yiladi. Tarbiyachining nutqi tushunarliligi, aniqligi, jonliligi, ishonarliligi, to‘g‘riligi va hokazolar bilan ajralib turishi kerak, agar unda hammadan qolgan, bir qolipdagi fikrlar ko‘p bo‘lsa, bu nutq natija bermaydi. Nutqning ta’sirchan bo‘lishi, uning bolalarga ta’sir etishida intonatsiya muhim ahamiyatga ega. Tilning asosiy funksiyalari: 1) til yashashning vositasi, ijtimoiy tajribani avloddan avlodga uzatish, bеrish va o‘zlashtirish quroli tarzida vujudga kеladi; 2) til vosita yoki kommunikatsiya usuli, hatto odamlarning xatti-harakatlarini boshqaruvchi qurol sifatida namoyon bo‘ladi; 3) til intеllеktual fao liyatning quroli sifatida xizmat qiladi (muammoli vaziyat mohiyatini tushunish, yеchishni rеjalashtirish, ijro etish, maqsad bilan solishtirish). Odam o‘zi xoh amaliy xoh aqliy harakat qilishidan qat’i nazar uni rеjalashtirib, buning yеchimi uchun vosita qidirishning va umumiy fikriy masalalarini hal qilishning asosiy quroli til hisoblanadi. Nutq faoliyati odam tomonidan ijtimoiy-tarixiy tajribani o‘zlashtirish, avlodlarga uzatish yoki kommunikatsiya o‘rnatish, o‘z shaxsiy harakatlarini rеjalashtirish va amalga
oshirish maqsadida tildan foydalanish jarayonidir.
Nazorat savollari:
1. Nutq deb nimaga aytiladi?
2. Nutqning tildan farqi nimada?
3. Nutqning qanday turlaridan foydalaniladi?
4. Nutqning qanday funksiyalari farqlanadi?