Akademiyalıq licey oqıwshılarına “Arduino” mikro qurılmaları jardeminde Smart texnologiyalar jaratıwdı uyretiw usılları

Muxammed al-Xorezmiy atındaǵı Tashkent informaciya texnologiyaları universiteti Nókis filialı “Telekommunikaciya texnologiyaları hám kasbiy tálim” fakultetiniń studenti Djamalov Raximnıń “Akademiyalıq licey oqıwshılarına “Arduino” mikro qurılmaları jardeminde Smart texnologiyalar jaratıwdı uyretiw usılları” temasındaǵı pitkeriw qániygelik jumısına berilgen


Pikir

Pikir berilip atırǵan Djamalov Raximnıń pitkeriw qániygelik jumısında Akademiyalıq licey oqıwshılarına “Arduino” mikro qurılmaları jardeminde Smart texnologiyalar jaratıwdı úyretiw, atap aytqanda Arduino mikrokontrolleri arqalı aqıllı úy qurılmalarınıń islew principleri, IoT(Internet of Things) internet qurılmaları menen islew, Arduino IDE programmalastırıw ortalıǵında Arduino mikrokontrollerine programmalar jaratıw usılları qaraladı.

Pitkeriw qániygelik jumısı kirisiw, úsh baptan, juwmaqlaw hám paydalanılǵan ádebiyatlar diziminen turadı.
Birinshi bapta aqıllı ùy avtomatlastırıw sistemaları haqqında ulıwma tùsinikler, úydi avtomatlastırıw sistemalarınıń jaratılıw hám rawajlanıw táriyxi, “Aqilli ùy” imkaniyatları hám wazıypaları haqqında aytıp ótilgen.
Ekinshi bapta IoT qurılmalarınıń turmısımızda qollanılıw basqıshları hám texnologiyaları, aqıllı ùy qurılmaların jaratıwda Arduino mikro qurılmaları qollanılıwı hámde IoT qurılması bolǵan ESP8266 WiFi moduli múmkinshilikleri haqqında keńnen túsinikler berilgen.
Úshinshi bapta Telegram messenjeri arqalı qolaylı basqarıw hám monitoring qılıwshı “Aqıllı ùy” sisteması prototipin jaratıw, Arduino mikrokontrolleri hám proektke kerekli qosimsha qurilmalar, programmalastırıw ortalıǵı hàmde Arduino IDE-de ESP8266 platasın ornatıw, ESP8266 IoT mikrokontrollerinen paydalanıw quralları, Aqıllı ùy sisteması prototipi islew principi, algoritmleri hámde sinaqtan ótkeriw processleri keńnen túsindirilgen.
Juwmaqlaw bóliminde pitkeriw qániygelik jumısınıń nátityjeleri jarıtılǵan hám paydalanıw haqqında sóz júritilgen
Jumıstı orınlaw barısında Djamalov Raxim temaǵa tiyisli bir qansha ádebiyatlar menen tanısqan hám ádebiyatlar ústinde isley alıwın kórsetti.
Djamalov Raximnıń pitkeriw qániygelik jumısı durıs tanlanǵan hám ayırım grammatikalıq qátelikleridi esapqa almaǵanda pitkeriw qániygelik jumısı qoyılǵan talaplarǵa tolıq juwap beredi hám oni “jaqsi” bahalawǵa ılayıq dep esaplayman
Pikir beriwshi: K. Ergaliev
Muxammed al-Xorezmiy atındaǵı Tashkent informaciya texnologiyaları universiteti Nókis filialı “Telekommunikaciya texnologiyaları hám kasbiy tálim” fakultetiniń studenti Djamalov Raximnıń “Akademiyalıq licey oqıwshılarına “Arduino” mikro qurılmaları jardeminde Smart texnologiyalar jaratıwdı uyretiw usılları” temasındaǵı pitkeriw qániygelik jumısına berilgen


Sın

Sın qılınıp atırǵan Djamalov Raximnıń pitkeriw qániygelik jumısı Arduino mikrokontrolleri arqalı aqıllı úy qurılmaların jaratıw, IoT(Internet of Things) internet qurılmaları menen islew, Arduino IDE programmalastırıw ortalıǵında Arduino mikrokontrollerine programmalar jaratıwdı úyretiw usılları kórip shıǵılǵan jánede Telegram messendjeri arqalı aqıllı úy qurılmaların basqarıw hámde sensor maǵlıwmatların monitoring qılıwshı qurılma prototipi hám programması islep shıǵılǵan.

Pitkeriw qániygelik jumısınıń Akademiyalıq licey oqıwshılarına “Arduino” mikro qurılmaları jardeminde Smart texnologiyalar jaratıwdı uyretiw usılların islep shıǵıwdan ibárát bolıp,maqsetke erisiw ushın tómendegi waziypalardı orınlaǵan:

• 
  Arduino mikrokontrolleri haqqında túsinikler úyrenilgen;
  
• 
  Arduino mikrokontrollerin programmalastırıw ushın C/C++ programmalastırıw tilleri hám Arduino IDE ortalıǵı úyrenilgen;
  
• 
  Arduino mikrokontrolleri arqalı aqıllı úy qurılmaların jaratıw printsipleri úyrenilgen;
  
• 
  IoT(Internet of Things) internet qurılmaları menen islew, ESP8266 IoT mikrokontrollerinen paydalanıw quralları úyrenilgen;
  
• 
  Telegram messendjeri arqalı aqıllı úy qurılmaların basqarıw hámde sensor maǵlıwmatların monitoring qılıwshı qurılma prototipi hám programması islep shıǵılǵan.
  

Pitkeriw jumısınıń juwmaǵı Akademiyalıq licey oqıwshılarına “Arduino” mikro qurılmaları jardeminde Smart texnologiyalar jaratıwdı úyretiw usılların islep shıǵıw bolıp esaplanadı. Jumıstı orınlaw barısında avtor stilistikalıq hám grammatikalıq qátelerge jol qoyǵan, biraq onıń menen jumıstıń bahalıǵı ózgermeydi.
Djamalov Raximnıń pitkeriw qániygelik jumısı durıs tanlanǵan hám ayırım grammatikalıq qátelikleridi esapqa almaǵanda pitkeriw qániygelik jumısı qoyılǵan talaplarǵa tolıq juwap beredi hám oni “jaqsi” bahalawǵa ılayıq dep esaplayman.


Sın beriwshi: PhD B. Fayzullaev