Aksiyadorlik kompaniyasi
Yer yuzidagi maydoni eng yirik davlatlar
Download 4.02 Kb. Pdf ko'rish
|
- Bu sahifa navigatsiya:
- Aholisining soni eng ko‘p va eng kam bo‘lgan dunyo mamlakatlari (2004) Aholisi eng ko‘p davlatlar nomi mln kishi Aholisi eng kam davlatlar nomi
- Bilimingizni sinab ko‘ring
- 43-§. GEOSIYOSATNING ASOSIY KATEGORIYALARI
- Eslab qoling! Geosiyosatning asosiy kategoriyasi siyosiy makondir. Geostrategik mintaqa
- 44-§. DAVLAT KUCH-QUDRATI VA GEOSIYOSAT
- Eslab qoling! Frontal raqobat
- 45-§. SIYOSAT VA GEOGRAFIYA FANI O‘RTASIDAGI ALOQADORLIK
- Eslab qoling! Geografik determinizm
- Yangi dunyo
- 46-§. FRIDRIX RATSEL VA GEOSIYOSAT XIX asrning ikkinchi yarmida nemis olimi Fridrix Ratsel
- 47-§. GEOSIYOSATNING FAN SIFATIDA SHAKLLANISHIDA R. CHELLEN VA K. XAUSXOFER ISHLARINING AHAMIYATI Geosiyosat fanining rivojlanishiga R. Chellen va K. Xausxofer
Yer yuzidagi maydoni eng yirik davlatlar Davlatlar Maydoni Qaysi materik (ming km 2 ) (qit’a)da Rossiya 17075 Yevrosiyo Kanada 9976 Shim. Amerika Xitoy 9597 Osiyo AQSH 9363 Shim. Amerika Braziliya 8512 Jan. Amerika Avstraliya 7687 Avstraliya Hindiston 3288 Osiyo Argentina 2777 Jan. Amerika Qozog‘iston 2717 Osiyo Sudan 2506 Afrika ... ... ... O‘zbekiston 448,9 Osiyo 8-jadval Aholisining soni eng ko‘p va eng kam bo‘lgan dunyo mamlakatlari (2004) Aholisi eng ko‘p davlatlar nomi mln kishi Aholisi eng kam davlatlar nomi ming kishi Xitoy 1266,4 Hindiston 1064,4 AQSH 291,0 Indoneziya 214,5 Braziliya 176,6 Pokiston 148,4 Rossiya Federatsiyasi 143,4 Bangladesh 138,1 Nigeriya 135,6 Yaponiya 127,2 Millatlar ligasi yordamida g‘olib davlatlar tomonidan Germa- niya va Rossiya o‘rtasida Fransiya va Angliya davlatlari ta’sir doira- sida bo‘lgan bir guruh davlatlardan iborat «sanitar kordon» tashkil etildi va bu bilan ikki yirik davlatning to‘g‘ridan-to‘g‘ri aloqalari- ga chek qo‘yildi. Ikkinchi jahon urushi Versal tinchligiga chek qo‘ydi. Urush- ning barcha qiyinchiliklarini sobiq Ittifoq o‘z bo‘yniga oldi, lekin ush- bu urushdan u harbiy va geosiyosiy jihatdan mustahkam bo‘lib chiq- di. O‘z tarixida birinchi marta Rossiya atrofida yirik geopolitik blok- ni tashkil etdi. Keyinchalik ushbu blokni mafkuraviy va axborot qurollari yordamida parchalash uchun yarim asr vaqt sarflandi. Potsdan bosqichi 1945-yildan boshlandi. Berlin shahri yaqini- da joylashgan bu shaharchada imzolangan shartnoma Germaniya va uning ittifoqchilari ustidan qozonilgan g‘alabadan so‘ng Yevro- padagi kuchlar muvozanatini o‘zida aks ettirdi, yangi geosiyosiy kuchlarning holatini, yangi chegaralarni aniqlab berdi. Shartnoma jahonning ko‘pqirralikdan biopolyar tizimga o‘tganligidan dalolat berar edi. Ya’ni bir tomondan, kontinental (quruqlik) kuchlarini namoyon qiluvchi sobiq Ittifoq va uning ittifoqchilari, ikkinchi tomondan, ko‘proq dengiz kuchlarini o‘zida namoyon qiluvchi AQSh va uning ittifoqchilari geosiyosat olamida tan olindi. Bu ikki qutbning qarama-qarshiligi Potsdan bosqichining mazmunini aniqlab berdi. Uning ahamiyatga molik tomoni shunda ediki, ikki- ta yirik qutbning qarama-qarshiligi «sovuq» va yadro urushlari o‘rtasidagi muvozanatda kechdi. Sobiq Ittifoq iqtisodiyoti tashqi o‘zgarishlar va rivojlanishlarga nisbatan moslashuvchanlik darajasi past bo‘lganligi uchun inqirozga yuz tutdi. Belovej davri yangi davlatlarning paydo bo‘lishi bilan xarakter- lanadi. Birinchi navbatda jahonning yangi hukmdorlari «barxatli» va ma’lum kuchga tayangan holda sobiq Ittifoq atrofida, so‘ngra Rossiyada yangi jahon qoidalarini shakllantirmoqdalar. Ular Versal shartnomasi qoidalariga asoslangan holda ish yuritmoqdalar. Bilimingizni sinab ko‘ring: 1. Geosiyosiy bosqich deganda nimani tushunasiz? 2. Geosiyosiy bosqichlarga qaysi bosqichlar kiritiladi? 3. Versal shartnomasining asosiy mohiyati nimadan iborat edi? 4. Antanta va «Uchlik ittifoqi»ga asos solinishining sabablari va tub mohiyatini tushuntirib bering. 5. Sobiq Ittifoqning paydo bo‘lishi va parchalanishi qaysi bosqichlarga to‘g‘ri kelgan? 121 ? 43-§. GEOSIYOSATNING ASOSIY KATEGORIYALARI Geosiyosatning asosiy kategoriyasi siyosiy makonni nazorat qilishdir. Jahon siyosiy makoni o‘z navbatida mintaqalarga, rayon- larga, davlatlar bloki va ittifoqlariga bo‘linib ketadi. Shu sababli geosiyosat kategoriyalari quyidagilardan iborat geostrategik mintaqa, geosiyosiy mintaqa, davlatlar bloki, geosiyo- siy ittifoqlar, qudratli, tengi yo‘q davlat, kuch markazlari, geosiyo- siy chiziqlar (yo‘nalishlar), frontal raqobat va boshqalar. Geostrategik mintaqa jahon siyosiy makonining bir qismi bo‘lib, u o‘ziga xos hududga, savdo va madaniy-mafkuraviy alo- qalarning o‘ziga xos xususiyatlari bilan ajralib turadi. Geosiyosiy mintaqa esa geostrategik mintaqaning bir qismi bo‘lib, maydoni uncha katta bo‘lmasa ham, siyosiy, iqtisodiy va savdo aloqalarining yuqori darajadagi sur’ati bilan ajralib turadi (Yevropa, Amerika, Xitoy, Janubi Sharqiy Osiyo va boshqalar). Geosiyosiy mintaqa o‘z navbatida davlatlar chegaralari bilan mos tushuvchi siyosiy rayonlarga bo‘linadi. Siyosiy rayonning eng muhim xususiyati siyosiy birlik va yaxlitlikdir. har bir rayon o‘ziga xos shakl va o‘lchamga ega. Davlat chegaralarining barpo qilinishi va rasmiylashtirilishi milliy davlatlarning shakllanishi va rivojlanishi davrida amalga oshiriladi. Chegaralar ular o‘rab turgan «Millat-davlat» makoni- ning geosiyosiy rasmiylashtirilishidir. Bundan tashqari, tabiiy va sun’iy chegaralar mavjud. Tabiiy chegaralarga tog‘lar, daryolar, dengiz va ko‘l akvatoriyalari kiradi. Sun’iy chegaralar quruqlikda ham, suvda ham aniq tabiiy obyekt bo‘lmagan joylarda o‘tkazila- di. Bunda geografik kenglik va uzunlik elementlari bo‘lgan paral- lellar va meridianlar hisobga olinadi. Masalan, AQSh va Kanada o‘rtasidagi davlat chegarasi 49° parallel bo‘yicha 1450 km ga cho‘zilgan. Sun’iy chegaralar davlatlarning o‘zaro kelishuvlari asosida o‘tkaziladi va tasdiqlanadi. Geosiyosatda tabiiy chegaralarga ko‘proq e’tibor beriladi. Dengiz chegaralari eng qulay chegara hisoblanadi. Mashhur olim F. Ratsel: «Qirg‘oq bizlarga qo‘shni sifatida tabiatni in’om etdi va bu qo‘shni har qanday do‘stona davlatdan afzaldir», — degan edi. Dengiz chegaralari boshqa davlatlar bilan aloqa o‘rnatishga katta imkoniyat yaratadi. Shuning uchun uning qiymati uzunligi ortgan sari ortib boradi. 122 Chegara siyosiy, mudofa va harbiy strategik vazifalarni bajara- di. har qanday chegara chegaraoldi hududiga ega. Ayrim hollarda bunday hududlar «bufer davlat»larga aylantiriladi. «Bufer davlat» odatda kichik mamlakat bo‘lib, u ikkita kuchli davlatni turli xil kutilmagan xatti-harakatlardan saqlab turadi. Yevropada Reyn daryosining quyi qismi va Shveytsariyadagi tog‘ dovonlari, Niderlandiya, Shveytsariya va Belgiya hududlari shunday hududlar qatoriga kiritiladi. Chunki ular Germaniya va Fransiya o‘rtasida joylashgan. Rossiya bilan Buyuk Britaniya o‘rtasida «bufer davlat» vazifasini Afg‘oniston bajargan. Bir necha «bufer davlat»lar «bufer zona»larni hosil qilishi mumkin. Birinchi jahon urushi davrida Shvetsiya, Norvegiya, Daniya, Niderlandiya, Belgiya, Lyuksemburg, Shveytsariya, Pol- sha, Eron, Afg‘oniston, Koreya kabi davlatlar ana shunday «bufer zona»larini tashkil qilgan. Keyinchalik «bufer zona»lar Germaniya va sobiq Ittifoq tomonidan bo‘lib olingan (Sudet viloyati, Polsha, G‘arbiy Ukraina, G‘arbiy Belorus va boshqalar). Eslab qoling! Geosiyosatning asosiy kategoriyasi siyosiy makondir. Geostrategik mintaqa — jahon siyosiy makonining bir qismi bo‘lib, o‘ziga xos hududga, savdo va madaniy-mafkuraviy alo- qalarning o‘ziga xosligi va yo‘nalishi bilan ajralib turadi. Geosiyosiy mintaqa — geostrategik mintaqaning bir qismi bo‘lib, hududi uncha katta bo‘lmasa ham siyosiy, iqtisodiy va savdo alo- qalarining yuqori darajadagi sur’atlari bilan ajralib turadi. Bilimingizni sinab ko‘ring: 1. Geosiyosatning asosiy kategoriyasini aniqlang. 2. Chegaralarning qanday turlarini bilasiz? 3. Chegaralar qanday vazifalarni bajaradi? 4. «Bufer davlat» va «bufer zona»larga misollar keltirib, daftaringizga yozing. 123 ! ? 44-§. DAVLAT KUCH-QUDRATI VA GEOSIYOSAT Geosiyosiy tahlilning muhim elementi davlatning kuch-qudrati hisoblanadi. Davlatning kuch-qudrati deganda ikki narsa tushuni- ladi: birinchidan, davlatning o‘z maqsadiga boshqa davlat siyosati- ga tashqi siyosat orqali ta’sir ko‘rsatish yo‘li bilan erishishi; ikkin- chidan, uning o‘z manfaatlarini o‘zining imkoniyatlari vositasida himoya qila olish imkoniyatlari tushuniladi. har qanday davlatning kuch-qudratini quyidagi omillar belgi- lab beradi: davlatning geografik o‘rni, tabiiy resurslar; sanoat salo- hiyati; qurolli kuchlarning miqdor va sifat ko‘rsatkichlari; inson resurslari; milliy xususiyat; milliy ma’naviyati; diplomatiya sifati; davlat boshqaruvi darajasi. Davlat kuch-qudratini aniqlab beruvchi bunday yondashuv atributli yondashuv deb ataladi. Chunki mazkur yondashuvda aso- siy e’tibor kuch-qudratning eng muhim jihatlarini o‘rganishga qaratiladi. Qadimdan kuchli hisoblangan davlatlar nisbatan bo‘sh (kuch- siz) davlatlarni bo‘ysundira olmaganligi haqida juda ko‘p misollar mavjud. Masalan, miloddan avvalgi V asrda benihoya qudratli Fors davlati yarim asrlik urush natijasida erksevar yunon shaharlari — polislari tomonidan mag‘lub qilingan. XX asrning ikki buyuk davlati — AQSh va sobiq Ittifoq ham maqsadiga erisha olmadi. AQSh Vetnam urushida, sobiq Ittifoq qurolli kuchlari Afg‘onis- tonda mag‘lub bo‘ldi. Shu munosabat bilan hozirgi geosiyosat nazariyasi davlatlar o‘rtasidagi kuchlar nisbatini baholash masalasiga e’tibor bermoqda. Ushbu muammo xalqaro hamjamiyatda kuchlar muvozanatini aniqlash bilan bog‘langan. Kuchlar muvozanati tarixiy kategoriya bo‘lib, u insoniyatning va mintaqalarning taraqqiyotini belgilab beradi. Raqobat qilayot- gan davlatlar frontal raqobatga ham sabab bo‘lishi mumkin. Bizga ma’lumki, bunday raqobat davlatlarning barcha manfatlarini o‘zaro yo‘q qilishga yo‘naltiriladi. Geosiyosiy raqobat gorizontal (yuzalama) va vertikal (bo‘yla- ma) xususiyatga ega. Gorizontal raqobat quruqlik va dengiz yuza- sida vujudga kelib, suvdagi va quruqlikdagi raqobatga bo‘linadi. XX asrning 60—90-yillari va hozirgi paytda harbiy havo kuchlarining kuchayishi bilan vertikal raqobat ham vujudga keldi. 124 Raqobat cheklangan xususiyatga ham ega bo‘lishi mumkin. Bun- day raqobat cheklangan hududda vujudga kelishi va chuqurlashishi mumkin. Masalan, Kuba, Yaqin Sharq bunga misol bo‘la oladi. Raboqatda geosiyosiy yo‘nalishlar muhim vazifani bajaradi. Ular juda muhim quruqlik, dengiz va havo yo‘llari hamda kom- munikatsiyalar bilan bog‘langandir. Mazkur yo‘nalishlarga neft va neft mahsulotlarini Yaqin Sharqdan Yevropa va AQShga yetkazib beruvchi asosiy yo‘llar va quvurlar kiradi. Geosiyosiy yo‘nalishlar jahon geosiyosiy xaritasini shakllan- tiruvchi, unda mintaqalarni birlashtiruvchi vosita rolini bajaradi. Shu vaqtning o‘zida davlatlar hamda ularning o‘zaro aloqadorligi va ta’sirini tartibga solib turadi. Shunday qilib, geosiyosiy yo‘nalishlar (chiziqlar) — bu geo- siyosiy makonni tashkil etuvchi jarayonlarning elementlaridir. Geosiyosiy makon (siyosiy makon) deyilganda davlat yoki davlat- lar ittifoqi tomonidan nazorat qilib turiladigan makon tushuniladi. Eslab qoling! Frontal raqobat — raqobat qiluvchi asosiy kuchlarning hududiy joylashuvini aniqlab beruvchi frontal chiziqlar (yo‘nalishlar) tomonidan belgilanadi. Kuchlar muvozanati — insoniyat va mintaqalarning taraqqiyotini belgilab beruvchi tarixiy kategoriya. Bilimingizni sinab ko‘ring: 1. Geosiyosiy tahlilning eng muhim elementi nima? 2. Davlat kuch-qudratini nimalar belgilab beradi? 3. Geosiyosiy raqobat qanday xususiyatlarga ega? 4. Geosiyosiy yo‘nalishlar (chiziqlar) qanday vazifalarni bajaradi? 45-§. SIYOSAT VA GEOGRAFIYA FANI O‘RTASIDAGI ALOQADORLIK Qadimgi davrlardanoq olimlar geografik muhitning inson siyosiy hayotiga ta’sirini o‘rganishga qiziqqanlar. Arastu o‘zining «Siyosat» deb nomlangan asarida quyidagi fikrni aytib o‘tgan: «Iqlimi sovuq bo‘lgan mamlakatlarda istiqomat qiluvchi kishilar dovyurak bo‘lishadi, ammo ularda xayoliy orzular va ixtirolar qi- lishga moyillik yo‘q. Shuning uchun ham ular boshqa xalqlarga nisbatan ko‘proq vaqt ozodlikni saqlab turishadi, biroq o‘z qo‘- 125 ! ? shinlariga boshchilik qilish va ularni boshqarish qobiliyatiga ega emas, ular siyosiy rahbarlikka muhtojdirlar. Janubiy xalqlar, aksin- cha, chuqur o‘ylaydigan va qiyin holatlardan chiqib ketishga ustadirlar. Ammo ular g‘ayratli emaslar. Shuning uchun ham qul- lik va tobelik ularga xos «tabiiy holatdir». Oraliq mintaqalarda istiqomat qiluvchi yunonlar esa o‘zlarida Shimol hamda Janub xalqlariga xos bo‘lgan eng yaxshi xislatlarni jo qilganlar». Bunday siyosiy nazariyada geografik determinizm an’analariga yo‘l ochib berilgan edi. Mazkur yondashuv Jan Boden tomonidan rivojlantirildi. U insonning rivojlanishiga geografik muhit xalq xarakteri va ruhiyati orqali ta’sir ko‘rsatadi, degan xulosaga kelgan. Uning fikricha, inson hayoti uchun eng qulay va yaxshi sharoitlar mo‘tadil mintaqada, 40—50° shimoliy kengliklar oralig‘ida mavjud. Aynan mana shu hududlarda qudratli davlatlar vujudga kelganligi- ni ko‘rsatib o‘tadi. Jan Boden mustaqil davlatlarning kuch-qudrati va taraqqiyoti ularni o‘rab turgan tabiiy sharoitning ta’siriga bevosita bog‘liq, deb hisoblagan. Sh.Monteske ijtimoiy hayot shakllarining rivojlanishida iqlim hal qiluvchi ahamiyatga ega, deb hisoblagan hamda mamlakat qonunlari uning geografik sharoitlariga mos bo‘lishi zarurligini asoslab bergan. Geografik determinizm g‘oyalari Germaniyada XVIII va XIX asrlarda siyosiy geografiyadan geosiyosatgacha bo‘lgan davrni bosib o‘tdi. Geografik determinizm (lotincha «determino» — aniqlayman) g‘oyasiga binoan ijtimoiy sharoitni mamlakatning geografik joy- lashishi va tabiiy sharoiti belgilab beradi. Geografik determinizm g‘oyasi vakillarining fikricha, kishilik jamiyatining rivojlanishini geografik sharoitning xususiyatlari belgilab beradi. Masalan, Ritter dunyoni ikki qismga bo‘ladi — suvlik (okeanlar) va quruqlikka. U quruqlik Shimoliy yarimsharda, suvlik esa Janubiy yarimsharda asosiy maydonni tashkil qilishini ta’kidlaydi. Shimolda joylashgan quruqlikni «Eski dunyo» (Yevropa, Osiyo) va «Yangi dunyo» (Shi- moliy va Janubiy Amerika)ga bo‘ladi. Uning fikricha, «Eski dunyo» g‘arbdan sharqqa katta masofa- ga cho‘zilganligi sababli iqlimiy jihatdan bir xillikka ega. «Yangi dunyo» esa shimoldan janubga tomon katta masofaga cho‘zilgan- ligi tufayli iqlimiy farqlari juda katta. Mazkur iqlimiy farqlar Ritterning fikricha, mintaqada istiqomat qiluvchi xalqlar xarakteri- ga katta ta’sir ko‘rsatadi. 126 Eslab qoling! Geografik determinizm — insoniyat taraqqiyotida tabiiy sharoit- ning ahamiyatini bo‘rttirib ko‘rsatuvchi g‘oya, yondashuv. Eski dunyo — Xristofor Kolumbgacha insonlarga ma’lum bo‘lgan dunyoning bir qismi — Yevropa, Osiyo, Afrika. Yangi dunyo — Xristofor Kolumb, Amerigo Vespuchchi va boshqa sayyohlar tomonidan ochilgan dunyo — Shimoliy va Janubiy Amerika. Bilimingizni sinab ko‘ring: 1. Arastu qaysi asarida tabiiy sharoitning xalqlar xarakteriga ta’siri to‘g‘risida muhim fikrlar aytgan? 2. Geografik deterinizm deganda nimani tushunasiz? 3. Jan Boden, Sh. Monteske, Ritter tabiiy sharoitning ijtimoiy hayot jarayon- lari rivojlanishiga ta’siri haqida fikrlar aytganini daftaringizga yozing. 4. Nima uchun insoniyat taraqqiyotining dastlabki bosqichlari darajasida qolib ketgan qabilalar hozirgi paytda faqat tabiiy sharoiti qulay bo‘lgan ekvatorial o‘rmonlarda saqlanib qolgan? 46-§. FRIDRIX RATSEL VA GEOSIYOSAT XIX asrning ikkinchi yarmida nemis olimi Fridrix Ratsel (1844—1904) birinchi bo‘lib dunyoga geosiyosiy nigohning (qarashning) asosiy yo‘nalishlarini ishlab chiqdi. Uning fikricha, makon — siyosiy resurs, taraqqiyot omili bo‘lib hisoblanadi. Ratsel o‘zining asosiy geosiyosiy g‘oyalarini «Antropogeografiya» va «Siyosiy geografiya» nomli asarlarida yorib beradi. Uning fikricha, mamlakatning mustaqil davlat sifatida «oyoqqa» turishida tarixiy taraqqiyot nazariyasi geografik sharoitning ahamiyatini hisobga olmagan. Shuning uchun ham u davlat tashqi va ichki siyosatining geografik sharoitga bog‘liq ekanligini isbotlash bo‘yicha muhim ilmiy ishlar olib bordi. Ratsel davlatning asosiy xususiyatlari qatoriga quyidagilarni kiritgan: mamlakat hududining kattaligi; geografik o‘rni va chega- ralari; o‘simlik dunyosi; boshqa hududlarga bo‘lgan munosabati. F. Ratsel tomonidan geosiyosat sohasida juda muhim bo‘lgan quyidagi qonuniyatlar ishlab chiqilgan: — davlat makoni (madaniyat rivojlangan sari kengayib, o‘sib boradi); 127 ! ? — davlat siyosati (g‘oyalar, savdo, diniy targ‘ibot va boshqa- larning rivojlanishi bilan bir paytda amalga oshadi); — davlatning taraqqiyoti va kengayishi kichik davlatlarni qo‘shib olish va bosib olish hisobiga amalga oshadi; — davlat chegarasi uning o‘sishini ta’minlashi, qudrati yoki zaif tomonlari o‘zgarishining asosiy sababchisi bo‘lishi mumkin; — davlat rivojlanishi davomida o‘zini o‘rab turgan eng muhim tabiat elementlari — qirg‘oq chiziqlari, daryo vodiylari, tog‘lar, tekisliklar va resurslarga boy mintaqalarni qo‘shib olishga doimo harakat qiladi; — sodda (kuchsiz) davlatlarga hududini kengaytirish haqidagi dastlabki turtki tashqaridan, yuqori darajali madaniyat markazlari- dan keladi. Davlatlar vujudga keladi, o‘sadi, taraqqiy etadi, vaqti-soati kel- ganda tirik jonzotlar kabi barham topadi. Davlatning kengayishi yoki torayishi uning ichki hayotida ro‘y beradigan jarayonlar bilan bog‘liq bo‘ladi. F. Ratsel katta davlat- larda geografik ekspansiya (bosib olishga intilish)ga moyillik mavjudligini va bu xususiyat asta-sekin sayyoraviy (planetar) miqyosda kengayib borishini aniqlagan. Bundan tashqari, u har bir xalq va davlat o‘zining hududiy taraqqiyot konsepsiyasiga ega ekanligini asoslab berdi. F. Ratsel tadqiqotlarining asosiy va eng muhim jihatlaridan biri — uning «Geografik makon siyosiy kuch sifatida geosiyosat- ning asosini tashkil etadi», degan xulosasidir. Eslab qoling! Geografik muhit deb Yer tabiatining kishilik jamiyati tarixiy taraq- qiyotining hozirgi bosqichida o‘zining hayoti va ishlab chiqarish faoliyati bilan bevosita ko‘rsatib turadigan qismiga aytiladi. Geografik makon falsafiy kategoriya bo‘lib, geografik qobiq doi- rasida moddiy geografik obyektlarning obyektiv va bilish mumkin bo‘lgan shakli. Bilimingizni sinab ko‘ring: 1. Makon deganda F. Ratsel nimani tushungan? 2. F. Ratsel tomonidan ishlab chiqilgan geosiyosiy qonunlarni aniqlang. 3. F. Ratsel katta davlatlar va geografik ekspansiya to‘g‘risida qanday fikr bildirgan? 4. F. Ratsel davlatning asosiy xususiyatlariga nimalarni kiritgan? 128 ! ? 47-§. GEOSIYOSATNING FAN SIFATIDA SHAKLLANISHIDA R. CHELLEN VA K. XAUSXOFER ISHLARINING AHAMIYATI Geosiyosat fanining rivojlanishiga R. Chellen va K. Xausxofer juda katta hissa qo‘shgan. R. Chellen birinchi bo‘lib davlat inson kabi sezuvchi, his qi- luvchi va o‘ylovchi mavjudotdir, degan fikrni aytgan. Davlat Yer yuzasida o‘zining kuchiga bog‘liq holda mavjuddir. U kurash hola- tida bo‘lib, tirik mavjudotlarga o‘xshab so‘ladi va halok bo‘ladi, deb ta’kidlaydi R. Chellen. Yashash uchun kurash, R. Chellen fikriga ko‘ra, har qanday davlat organizmining mohiyatini tashkil etadi. Urush geografik makonni egallash maqsadida olib borilayotgan ushbu kurashning aniq bir shaklidir. Kuch-qudrat davlatni ushlab turish va qo‘llab-quvvatlash bo‘yicha qonunga nisbatan muhimroq asosdir. Chunki qonunning o‘zi faqat kuch orqali ushlab turiladi. Qonun davlatga ma’naviy- axloqiy elementlarni olib kirsa, kuch-qudrat uning faoliyatini ta’minlaydi, deb ta’kidlaydi. R. Chellen davlat o‘z nomi bilan maqsaddir, u fuqarolari farovonligini yaxshilashga xizmat qiluvchi organizm emas, degan xulosaga kelgan. K. Xausxofer (1896—1946) jahonda birinchi geosiyosatchilar maktabining asoschisi va tashkilotchisi hisoblanadi. Uning ilmiy izlanishlarida «hayotiy makon» kategoriyasiga katta e’tibor beril- gan. «hayotiy makon» tushunchasi (kategoriyasi)ning shakllanishi- da F. Maltus ishlari va g‘oyalari muhim o‘rin tutadi. F. Maltus aholi o‘sishi biologik qonunlar asosida geometrik progressiya bo‘yicha, oziq-ovqat mahsulotlari esa arifmetik progressiya bo‘yi- cha o‘sadi, degan g‘oyani olg‘a surgan. Shuning uchun aholining ko‘payishi oziq-ovqat mahsulotlarining ko‘payishiga nisbatan tez- roq bo‘ladi. Demak, u aholisi eng zich va eng ko‘p mamlakat — Germaniyada urushlarning oldini olib bo‘lmaydi, shunday sharoit- da tirik qolish uchun «hayotiy makon»ni kengaytirish zarur, degan xulosaga kelgan. K. Xausxofer boshqa milliy g‘oya tarafdorlari kabi, nemis davlatining kuch-qudratini kuchaytirishga harakat qildi. Bu maq- sadga esa o‘z-o‘zidan, mamlakat industrial qudrati va madaniyati- ni ko‘tarmasdan geosiyosiy ekspansiya qilmasdan erishish mumkin emas edi. Germaniyaning Yevropa qoq markazida joylashganligi 129 5—Amaliy geografiya uni tabiiy holda g‘arbiy dengiz mamlakatlari — Angliya, Fransiya va kelajakda AQSh ga qarshi qilib qo‘ymoqda edi. Shuning uchun ham Germaniyaning «Atlantika mamlakatlari» bilan siyosiy ittifoq tuzishi xomxayol hisoblanar edi. Bunda Fransiya va Angliyaning hududiy e’tirozlari ham muhim o‘rin egalladi. Mana shunday fikr-mulohazalar K. Xausxofer geosiyosiy qa- rashlarining asosi bo‘lib xizmat qildi. Katta davlatlarning kichik davlatlar oldidagi yutuqli jihatlari to‘g‘risidagi Ratsel g‘oyasini o‘ziga asos qilib olib, K. Xausxofer Germaniyaning qo‘shni kichik davlatlar ustidan hech qanday gap- so‘zsiz hukmronlik qilishini mutlaq haqiqat deb, Germaniyaning iqtisodiy jihatdan Rossiyani o‘ziga tobe qilib olishini esa asosiy vazifalardan biri deb hisoblardi. Download 4.02 Kb. Do'stlaringiz bilan baham: |
Ma'lumotlar bazasi mualliflik huquqi bilan himoyalangan ©fayllar.org 2024
ma'muriyatiga murojaat qiling
ma'muriyatiga murojaat qiling