Амалий машғулот 9-мавзу: валюта рискларини бошқариш

1-масала. Иқтисодиётнинг «қизиб кетиш» шароитларида марказий банк ҳисоб олиш ставкасини 5% дан 10% гача оширди ва номинали 100 сўм бўлган 200 минг сўм миқдоридаги векселларни қайта ҳисобга олишни таклиф этди. Мажбурий захиралар меъёри 10%ни ташкил қилган ҳолда иқтисодиётда пул массаси қандай ўзгаради?
Ечим. Вексель нархи 95 сўмдан 90 сўмгача пасаяди, шу сабабли тижорат банки келгусида уларни номинал бўйича сотиш мақсадида векселларни арзонроқ нархда сотиб олишдан манфаатдор бўлади. Вексель харид қилар экан, тижорат банклари зарур миқдордаги маблағни муомаладан чиқаради, яъни корхоналарга кредит бериш ўрнига Марказий банкдан векселларни сотиб олади, шу сабабли мультипликацияни ҳисобга олган ҳолда пул массаси 200 • 1/01=2000 минг сўмга камаяди.
2-масала. Агар мажбурий захиралар меъёри 20% бўлган ҳолда мамлакатда 500 минг сўм миқдорида пул массаси тақчиллиги кузатилаётган бўлса, марказий банкнинг фоиз ставкаси қандай ўзгариши лозим?
Ечим. Марказий банк кредит экспансияси сиёсатини амалга ошириши, яъни тижорат банкларига тижорат векселларини қайта ҳисобга олиш учун қулай шароитлар таклиф этиши лозим. Бу ҳисобга олиш ставкасини камайтириш ёрдамида амалга оширилади.
Мустақил ечинг.
3-масала. Ҳисобга олиш ставкаси 16%дан 32%гача ўсган ва вексель номинали 200 сўм бўлган ҳолатда вексель нархи (марказий банк векселни ҳисобга оладиган нарх) қандай ўзгаради? Бунда марказий банк қайси сиёсатни амалга оширади?
4-масала. Агар мажбурий захиралар меъёри 5% ва вексель бозори ҳажми 600 минг сўм бўлган ҳолда марказий банк хисоб ставкасини 5% пасайтирадиган бўлса, иқтисодиётда пул массаси қандай ўзгаради? Бунда марказий банк қандай сиёсат юритади?
5-масала. Айтайлик, банк захиралари меъёри 0,25га тенг, депозитлар ҳажми нақд пул ҳажмидан икки баравар ортиқ. Марказий банк ҳисо ставкасини пасайтириш сиёсатини юритади. Пул массасини 16 млрд сўм оширишни таъминлаш учун қанча суммада векселлар тақдим этилиши керак?
6-масала. Тўғри жавобларни танланг ва асослаб беринг.
“Қиммат пуллар” сиёсати юритар экан, марказий банк қуйидагиларни амалга ошириши мумкин:
а) мажбурий захиралар меъёрини ошириш,
б) ҳисоб ставкасини пасайтириш,
в) мажбурий захиралар меъёрини пасайтириш,
г) давлат қимматли қоғозлари даромадлилигини ошириш,
д) ҳисоб ставкасини ошириш.
7-масала. Марказий банкнинг қайта молиялаштириш ставкасини ошириши нимага олиб келиши мумкин ва нима сабабдан:
а) қимматли қоғозларга талабни ошириш,
б) қимматли қоғозлар даромадлилигини ошириш,
в) қимматли қоғозлар таклифини ошириш,
г) қимматли қоғозлар даромадлилигини камайтириш.
8-масала. Кредит рисклари юқори бўлган шароитларда жуда тезлик билан ўсаётган инфляцияга қарши курашиш учун марказий банк қуйидагиларни амалга ошириши лозим:
а) мажбурий захиралар меъёрини ошириш,
б) қимматли қоғозлар даромадлилигини ошириш,
в) қайта молиялаштириш ставкасини ошириш.