Амалий машғулот: доцент, п ф. н. М. Т. Ахмедова

Педагогик конфликтологиянинг фанлар билан алоқадорликда ривожланиши – 2 соат.

Амалий машғулот: доцент, п.ф.н.М.Т.Ахмедова

РЕЖА

• Конфликтологиянинг фан сифатида юзага келиш тарихи.
• Педагогик конфликтологиянинг бошқа фанлар билан алоқадорлиги.
• Конфликтларнинг намоён бўлиш шакллари ва турлари.

Таянч сўз ва иборалар: педагогик конфликтология, антиc давр, консепсия, конфликт, қадимги манбалар, жамият, фалсафий таълимот, ғоя, конфликт манбалари

АДАБИЁТЛАР:

• Аҳмедова М.Т. Педагогик конфликтология. –Т.: Адабиёт учқунлари, 2017. -320 б.
• Анцупов А.Я. Основы конфликтологии. –М.: 1998;
• Тўйчиева Г.У., Асадова Э. Ёшлар ва конфликтлар ечими. Мануал. –Т.: 2008.
• Азизхўжаева Н.Н. Педагогик технология ва педагогик маҳорат. – Тошкент: Низомий номидаги ТДПУ, 2006.
• Педагогик технологиялар ва педагогик маҳорат. Дарслик. Н.Т.Омонов, Н.Х.Хожаев, С.А.Мадиярова, Е.И.Эшкулов. Т.: “ИҚТИСОД-МОЛИЯ”, 2009.
• Холиқов А. Педагогик маҳорат. – Т.: ИҚТИСОД-МОЛИЯ, 2011.
• Ҳикматнома. //Тўпловчи Н.Ешонқулов. Тошкент: Чўлпон, 1992.

Конфликтологиянинг фан сифатида юзага келиш тарихи

Конфликтнинг дастлабки яхлит консепциялари ХIХ-ХХ асрлар оралиғида пайдо бўлди. Инсонларнинг дастлабки жамиятлари билан бирга пайдо бўлиб, конфликтлар кундалик ҳодисалардан бири эди ва узоқ давр мобайнида илмий-тадқиқот объекти бўлмай келди, аммо улар тўғрисидаги баъзи гениал фикрлар бизгача етиб келган энг қадимги манбаларда ҳам мавжуд. Вақт ўтиши билан ҳаёт шароитлари ўзгариб, конфликтлар кўриниши ҳам ўзгаришга юз тутган. Антик давр урушларининг икир-чикиригача тафсилотларини ва бу каби конфликтларнинг илк баҳоларини қолдирди. Ўрта асрлар ва Янги даврларга ажратиб ўрганилиши ушбу ҳодисанинг моҳиятини англашга бўлган ўзига хос уринишлар бўлди. Инсонпарвар мутафаккирлар конфликт тўғрисидаги, уларнинг инсоният тараққиётидаги ҳалокатли роли, урушларни жамият ҳаётидан йўқотиш ва тинчлик ўрнатиш тўғрисидаги ўз тасаввурларини билдириб кетганлар.