Amaliy ish №1 Mavzu: Windows ot zararkunanda

Amaliy ish №1


Mavzu: Windows OT zararkunanda dasturiy vositalarining tahlili


Ishdan maqsad. Ushbu amaliy mashg’ulot jarayonida Windows OT zararkunanda dasturiy vositalarining tahlili, Windows OT uchun yaratilgan zararkunanda dasturni hususiyatlari va ishlash usullarini nazariy hamda amaliy o’rganishdan iborat.


Nazariy qism: Ko’pgina zararkunanda dasturlar (ZD) o’z ishini OT zaifliklaridan foydalangan holda amalga oshiradi. Ya’ni ZD o’zining ichida chaqiriladigan barcha buyruqlar, so’rovlar, identifikatorlar va kodlar OT da qo’llanilgan kodlar bilan moslashtiriladi. Ushbu ishda Windows OT da qo’llaniladigan Microsoft firmasining foydali dasturlari va OT imkoniyatlaridan foydalanib ishlovchi ZD
larni ko’rib chiqamiz.

Windows API

Windows API – (application programming interfaces) dasturlash muhitining vazifalari. U barcha OT dagi kutubxonalar, nomlar va maxsus funksiyalar bilan ishlaydi.
Ko’pchilik Windows API WORD(16 bit), DWORD(32bit), Handles(), Long Pointer(), Callback() turlaridan foydalanadi.
Handles – OT da ochilgan yoki yaratilgan oynlar, jarayonlar, modullar, menyular, fayllar va boshqalarini o’z ichiga oladi. Ular faqatgina bazada saqlanadi va lozim bo’lganda chaqiriladi. Ular fayl tizimlari uchun quyidagi amallarni bajaradi:

• 
  CreateFile – fayllarni yaratish va ochish vazifasini bajaradi.
  
• 
  ReadFile va WriteFile – fayllarni o’qish va unga yozishni amalga oshiradi.
  
• 
  CreateFileMapping va MapViewOfFile – FileMapping ko’pincha ZD yaratuvchilari tomonidan ko’p qo’llaniladi, sababi u xotirada fayllarni yuklash va o’zgartirish amalini bajaradi. MapViewOfFile esa, faylga ma’lumotni ixtiyoriy joyda yozishga imkoniyat beradi.