Amaliy mashg’ulot materiallari

AMALIY MASHG’ULOT MATERIALLARI.

8 - AMALIY ISH


Ishning maqsadi: Kompyuter tarmoqlari va ularning turlari haqida tushunchalarga ega bo’lish, internet tarmog’I va uning xizmat turlari bilan ishlash ko’nikmasiga ega bo’lish, elektron va masofaviy ta’lim turlarini farqlash hamda Web saytlar yaratishga yo’naltirilgan dasturiy ta’minotlar bilan tanishish

Kerakli texnik vositalar: Shaxsiy kompyuterlardan iborat kompyuter sinfi.

Kerakli dasturiy vositalar: Internet manbaalari, statik va dinamik saytlar yaratish dasturlari

Topshiriqlar:

1-topshiriq. Kompyutеr tarmoq tеxnologiyalari va intеrnеt

Kompyuterlarning o'zaro axborot almashish imkoniyatlarini beruvchi qurilmalar majmuyiga kompyuter tarmoqlari deyiladi. Kompyuterlar soniga qarab, tarmoqlar lokal, mintaqaviy va global tarmoqlarga bo'linadi.

Lokal tarmoqlar bir binoda yoki bir-biriga yaqin binolarda joylashgan kompyuterlarda o'zaro axborot almashish imkonini beruvchi tarmoq hisoblanadi.

Mintaqaviy tarmoq — biror tuman, viloyat yoki respublika miqyosidagi kompyuterlarni o'zida mujassamlashtirgan tarmoq.

Global tarmoq— dunyoning ixtiyoriy davlatidagi kompyuterlarni o'zida birlashtirish imkoniga ega bo'lgan tarmoq. Bu tarmoq internet (Internet) deb ham yuritiladi.