Amaliy mashg`ulotdan mustaqil bajarish uchun topshiriqlar Mavzu: Iqtisodiy indekslar

22-masala. Mahsulot tannarxi 2% pasaygani holda, ishlab chiqarish hajmi 20% ortsa, umumiy xarajatlar summasi qanday o’zgaradi?


23-masala. G’isht zavodida ishlab chiqarilgan mahsulot soni 2 baravarga, ishlovchilarning soni esa 40% oshsa bitta ishchiga to’g’ri keladigan mahsulot hajmi qanday o’zgaradi?


24-masala. Bank xodimlari soni 20%ga, ish haqi fondi esa 20% oshsa o’rtacha ish haqi qanchaga o’zgaradi?


25-masala. Tikuv sexida ishlab chiqarilgan bitta ko’ylakning tannarxi joriy davrda o’tgan davrga nisbatan 10% pasaygan, ishlab chiqarilgan ko’ylaklar soni 42% oshgan. Ko’ylaklar ishlab chiqarish umumiy xarajatlari qanchaga o’zgarganligini aniqlang.


26-masala. Korxonada mahsulot tannarxi 5% pasaygan, umumiy xarajatlar 18%. Mahsulot ishlab chiqarish hajmi qanday o’zgargan?


27-masala. Sotiladigan mahsulotlar hajmi 1,5 marta oshgan, mahsulot bir birligining bahosi esa 8% pasaygan. Sotishdan keladigan yalpi tushum summasi qanday o’zgarganligini aniqlang.


28-masala. Dehqon bozorida sotilgan ho’l mevalarning umumiy narxi 7% o’sgan, tovar aylanmasi hajmi 12% pasaygan. Tovar aylanmasining fizik hajmi qanday o’zgarganligini aniqlang.


29-masala. “Fayz-baraka” fermer xo’jaligining ekin maydoni 3%ga kamaygan, o’rtacha hosildorlik esa 12% o’sgan. Yalpi hosil indeksini aniqlang.


30-masala. Dehqon bozorida sotilgan go’sht mahsulotlarini narxi 5% pasaysa, miqdori esa 5% oshsa tovar aylanmasi hajmi o’zgaradimi?


31-masala. Talabalarni o’quv yili davomida to’plagan o’rtacha ballari miqdori o’tgan o’quv yiliga nisbatan 12% oshgan, talabalar soni esa o’zgarmagan. To’plangan ballar miqdori nima hisobiga oshgan?


32-masala. Joriy o’quv yilida fakultetning ikkita akademguruhlarida 20 tadan talaba mavjud, shundan 50% qizlar.O’rtacha to’plangan ball 75. O’tgan o’quv yilida qizlar hissasi 40%, o’rtacha to’plangan ball 80 tashkil qilgan. O’rtacha ballni pasayish sababini o’zgaruvchan, o’zgarmas tarkibli va tarkibiy siljish indekslari yordamida aniqlang.