Amaliy mashqlar

Scho’tlarning nomi	Summa, so‘m
Balans
Aktiv	Passiv
1	Asosiy vositalar	89 000 000
2	Asosiy vositalarning eskirishi	25 000 000
3	Mol yetkazib beruvchilarga qarzdorlik	16 000 000
4	Materiallar	6 800 000
5	Xaridor va buyurtmachilardan olinadigan scho’tlar	22 500 000
6	Kassa	301 000
7	Budjetga to‘lovlar bo‘yicha qarzdorlik	7 200 000
8	Yo‘ldagi pul mablag‘lari	7 200 000
9	Hisob-kitob scho’ti	69 300 000
10	Ustav kapitali	61 801 000
11	Qisqa muddatli bank kreditlari	70 000 000
12	To‘lanadigan foizlar	500 000
13	Mehnatga haqi bo‘yicha qarzdorlik	8 000 000
14	Taqsimlanmagan foyda	5 800 000
15	Davlatning maqsadli fondlariga to‘lovlar	800 000
	Jami	X

«ALFA INVEST» xususiy korxonasida hisobot davrida hisob-kitob scho’tidagi pul mablag‘lari bilan bog‘liq quyidagi xo‘jalik operatsiyalari sodir bo‘lgan:

1. 
   Xususiy korxonada tijorat banki bilan tuzilgan shartnomaga muvofiq belgilangan kassa limiti 1000 so‘m bo‘lganligi bois, kassadagi ortiqcha naqd pul mablag‘lari 20xx yil 2-yanvar kuni hisob kitob scho’tiga topshirildi.
   
2. 
   20xx yil 2-yanvar kuni yo‘ldagi pul mablag‘lari hisob-kitob scho’tiga kelib tushdi.
   
3. 
   20xx yil 5-yanvarda budjetga to‘lovlar bo‘yicha qarzdorlik summasi hamda davlatning maqsadli jamg‘armalari bo‘yicha qarzdorlik summalari to‘lov topshiriqnomalariga asosan o‘tkazib berildi.
   
4. 
   Bank ko‘chirmasiga ko‘ra xaridorlardan 20xx yil 7-yanvarda sotilgan tayyor mahsulotlarning puli 15 000 000 so‘m hisob-kitob scho’tiga kelib tushgan. Shuningdek, “Alanga” MChJdan 2 000 000 so‘m bo‘nak to‘lovlari kelib tushgan.
   
5. 
   Qisqa muddatli bank kreditini qaytarish grafigiga asosan hisoblangan, ya’ni to‘lanishi lozim bo‘lgan kredit foizi 20xx yil 12-yanvarda to‘lab berildi. Shu bilan birga, 20xx yil 13 yanvar kuni qisqa muddatli bank kreditining bir qismi 417 000 so‘m hisob-kitob scho’tidan o‘tkazildi.
   
6. 
   Xodimlar ish haqisining 50 foizi plastik kartichkalarga o‘tkazib to‘lanishi sababli, 20xx yil 14-yanvarda hisob-kitob scho’tidan 5530-“Boshqa maxsus scho’t”larga ish haqining 50 % o‘tkazildi. 20xx yil 15-yanvarda maxsus scho’tdagi pul mablag‘lari taqsimot qilindi.
   
7. 
   20xx yil 20-yanvarda “Fayz” MChJdan bo‘lgan 4 000 000 so‘mlik qarzdorlik hamda “Umid” xususiy korxonasidan bo‘lgan 5 000 000 so‘mlik qarzdorlik to‘lov topshiriqnomalariga asosan to‘lab berildi.
   
8. 
   Xodimlarga 20xx yil dekabr oyining ish haqisini tarqatish maqsadida hisob-kitob scho’tidan 20xx yil 25-yanvarda 4 000 000 so‘m miqdorida naqd pul olindi. To‘lov vedomostlariga asosan kassadan 20xx yil 26 yanvar kuni ish haqi to‘liq tarqatildi.
   
9. 
   Xususiy korxona mahsulot ishlab chiqarishga ixtisoslashgan bo‘lib, 20xx yil 26-yanvarda o‘z xodimiga ishlab chiqarish tannarxi 4 000 000 so‘m bo‘lgan tayyor mahsulotini 5 000 000 so‘mga naqd pul mablag‘larini to‘lash orqali sotdi. 20xx yil 27-yanvarda kassadagi naqd pul mablag‘lari kassa limitidan ortiqchasi hisob-kitob scho’tiga topshirildi.
   
10. 
    Xususiy korxona tomonidan 20xx yil 28-yanvarda pul ekvivalentlari hisob-kitob scho’tidan 250 000 so‘m pul mablag‘larini o‘tkazish orqali xarid qilindi.
    

Talab qilinadi:
1. «ALFA INVEST» XK aktivlari va passivlarini turkumlang va hisobot davri boshiga buxgalteriya balansini tuzing.
2. Xususiy korxonada hisob-kitob scho’tidagi pul mablag‘lari bilan bog‘liq xo‘jalik operatsiyalarini hisob registrlarida aks ettiring.
3. «ALFA INVEST» XKning hisobot davri oxiriga buxgalteriya balansini tuzing.