A’meliy bo’limde tuwrı mu’yeshli oblastta Laplas ten’lemesinin’ shegaralıq sha’rtlerin qanaatlandıratug’ın sheshimin tuwrılar usılı ja’rdeminde mısallar sheshiw, esaplaw algoritmleri ha’m olardın’ blok-sxemaları berilgen

Berdaq atındag’ı Qaraqalpaq ma’mleketlik universiteti fizika – matematika fakulteti a’meliy matematika ha’m informatika ta’lim bag’darının’ 3-“D” kurs studenti Kenjebaeva Ku’misaydın’ “Esaplaw usılları” pa’ninen “Ellipslik tu’rdegi dara tuwındılı differentsiallıq ten’lemelerge qoyılg’an shegaralıq ma’selelerdi tuwrılar usılı menen sheshiw” temasında jazg’an kursliq jumisina
PIKIR
Matematikanın’ ilimiy-texnikalıq ha’m a’meliy ma’selelerdi sheshiwge qollanıwları ko’pshilik jag’daylarda a’dettegi ha’m dara tuwındılı differentsiallıq ten’lemeler ushın qoyılg’an shegaralıq ma’selelerdi sheshiwge keltiriledi. Olardın’ sheshimin qandayda bir sanlı yaki juwıq analitikalıq usıllar menen sheshiw qolaylı boladı. Biz bul kurs jumısındа ellipslik tu’rdegi dara tuwındılı differentsiallıq ten’lemelerge qoyılg’an shegaralıq ma’selelerdi tuwrılar usılı menen sheshiw ma’selesi qaraldı. Bunda ellipslik tu’rdegi dara tuwındılı differentsiallıq ten’lemeler ushın qoyılg’an shegaralıq ma’seleler ushın ulıwma sheshim tusinigi kirgizilip, onı juwıq analitikalıq usıllardın’ bir qansha tu’rleri menen sheshiw usılları islenip shig’ılg’an, ma’selen, Galerkin usılı, Rits usılı, kishi kvadratlar usılı ha’m t.b. Juwıq analitikalıq usıllardın’ ishinde, en’ qolay usıllardin’ biri tuwrılar usılı esaplanadı. Dara tuwındılı differetsiallıq ten’lemenin’ juwıq sheshimi parallel tuwrılarda izleniwi ha’m de dara tuwındılı differetsiallıq ten’lemenin’ ornına a’dettegi differetsiallıq ten’lemeler sisteması sheshiliwi ko’rsetildi.
A’meliy bo’limde tuwrı mu’yeshli oblastta Laplas ten’lemesinin’ shegaralıq sha’rtlerin qanaatlandıratug’ın sheshimin tuwrılar usılı ja’rdeminde mısallar sheshiw, esaplaw algoritmleri ha’m olardın’ blok-sxemaları berilgen. Al, qosımshalar bo’liminde usı ten’lemeler sistemasının’ kompyuterde shıg’arıw programmaları ko’rsetilgen. A’meliy mısallardın’ na’tiyjeleri alındı.
Bul kursliq jumısın jazıw barısında K.Kenjebaeva ko’plegen a’debiyatlardan paydalandı. Joqarıda aytılg’anlar tiykarında K.Kenjebaevanın’ kurslıq jumısı qoyılg’an talaplarg’a juwap beredi dep esaplayman.

Pikir bildiriwshi prof. Otarov A.O

O’zbekistan Respublikasının’ joqarı ha’m orta arnawlı bilimlendiriw ministirligi

Berdaq atındag’ı Qaraqalpaq ma’mleketlik
universiteti

Fizika-matematika fakulteti
A’meliy matematika ha’m informatika
kafedrası
“Esaplaw usılları” pa’ninen

KURSLIQ JUMISI
BAYANATI

Teması:Ellipslik tu’rdegi dara tuwındılı differentsiallıq ten’lemelerge qoyılg’an shegaralıq ma’selelerdi tuwrılar usılı menen sheshiw.
Orınladı: 3-d kurs studenti Kenjebaeva K
Qabılladı: prof:Otarov.A.O
Qabıllag’an waqtı:
No’kis-2015 jıl