Jaqtılıqtıń erkin zaryad tasıwshılar jutılıwı-jaqtılıq tolqını elektr maydanı tásirinde zaryad tasıwshılar májbúriy terbeledi, bul qubılıs elektro- magnit nurlanıw energyası jutılıwı esabınan júz beredi. (9-súwret, 3).
Jaqtılıqtıń kristal reshetkası (torı) terbelisleri tárepinen jutılıwı. Bunda jaqtılıq energiyası esabınan reshetka terbelisleri (teń salmaqlı terbelislerge qosımsha tárizde) oyatıladı.
Eksiton jutılıw. Bunda jaqtılıq energiyası esabınan óz ara baylanısqan elektron-gewek juptı (gantel) payda boladı (9-súwret,4).
Jaqtılıqtıń zonalar ishinde jutılıwı-zonaları quramalı dúziliske iye bolǵan yarım ótkizgishde elektron (gewek) jutılǵan foton energiyası esabınan berilgen zona ishinde bir jaǵdaydan joqarıraq basqa jaǵdayǵa ótedi.
Jaqtılıqtı elektron-gewek plazması jutılıwı-bul qubılısta elektronlar hám gewekler toplamınan ibarat plazma óz energiya spektrine sáykes jaqtılıqtı jutadı, qosımsha plazmalıq terbelisler payda boladı.
Biz joqarıda jaqtılıq jutılıwınıń eń kóp ushraytuǵın, áhimiyetli bir neshe jaǵdayların kórip óttik. Bıraq, kristallarda jaqtılıqtı jutıwshı kóp oraylı defektler bar.
Sonı ayrıqsha atap ótiw kerek, yaǵnıy jutılıw spektrı tiykarǵı dene
(zat) atomları jaǵdayın ózgerttiretuǵın barlıq ólshemlerge (t larǵa, legirlew dárejesine, basımǵa, magnit, elektr maydanlarǵa h.t.b.) baylanıslı boladı.
Do'stlaringiz bilan baham: |
