Analysis of the activities of non-bank credit organizations and the current state of their activities in uzbekistan

ЎЗБЕКИСТОНДА НОБАНК КРЕДИТ ТАШКИЛОТЛАРИ ФАОЛИЯТИ ВА УЛАР ФАОЛИЯТИНИНГ ЗАМОНАВИЙ ҲОЛАТИ ТАҲЛИЛИ


АНАЛИЗ ДЕЯТЕЛЬНОСТИ НЕБАНКОВСКИХ КРЕДИТНЫХ ОРГАНИЗАЦИЙ И СОВРЕМЕННОЕ СОСТОЯНИЕ ИХ ДЕЯТЕЛЬНОСТИ В УЗБЕКИСТАНЕ


ANALYSIS OF THE ACTIVITIES OF NON-BANK CREDIT ORGANIZATIONS AND THE CURRENT STATE OF THEIR ACTIVITIES IN UZBEKISTAN
Назарова Муслима Назаровна
ТДИУ “Молия ва бухгалтерия ҳисоби”
кафедраси катта ўқитувчиси
Назарова Муслима Назаровна
старший преподаватель кафедры
“Финансы и бухгалтерский учет”
Nazarova Muslima Nazarovna
TSUE "Finance and Accounting"
Senior Lecturer of the Department
Аннотация. Ушбу мақолада нобанк кредит ташкилотлари, уларнинг ҳуқуқий асослари ҳамда республикамизда фаолият олиб бораётган нобанк кредит ташкилотлари фаолиятининг замонавий ҳолати маълумотлари таҳлил қилинган.
Калит сўзлар: нобанк, кредит, микромолия ташкилоти,ломбард, қарз, гаров, банк, хизматлар, микромолиялаш, қонун, меёърий хужжатлар,ҳуқуқ, маблағ, фаолият
Аннотация. В данной статье анализируются сведения о небанковских кредитных организациях, их правовых основах, а также современное состояние небанковских кредитных организаций, действующих в нашей республике.
Ключевые слова: небанковский, кредит, микрофинансовая организация, ломбард, долг, залог, банковское дело, услуги, микрофинансирование, право, нормативные документы, право, финансирование, деятельность
Annotation. This article analyzes information about non-bank credit organizations, their legal framework, as well as the current state of non-bank credit organizations operating in our republic.
Keywords: non-banking, credit, microfinance organization, pawnshop, debt, pledge, banking, services, microfinance, law, regulations, law, financing, activities


Кириш.
Мамлакатимизда сўнгги йилларда молиявий хизматлар оммабоплигини оширишга ва улар фаолиятини янада ривожлантиришга қаратилган қатор тадбирлар амалга оширилиб келинмоқда. Ўзбекистон Республикасида фаолият кўрсатаётган банклар билан бир қаторда нобанк кредит ташкилотлари ҳам микромолиявий хизматлар кўрсатиб келмоқда.
Ўзбекистонда камбағалликни қисқартириш борасида Президентимиз ташаббуси билан олиб борилаётган сиёсат банк-молия секторини ислоҳ қилиш орқали кредит ташкилотларининг молиявий оммабоплигини оширишга қаратилган. Бу борада тижорат банклари билан бир қаторда нобанк кредит ташкилотларини ривожлантириш масаласи Президентимизнинг Олий Мажлисга Мурожаатномасидан ҳам ўрин олган.
Тижорат банклари доим ҳам кичик ҳажмдаги кредитлар, микроқарзлар ёки қисқа муддатли кредитлар беришга қизиқиш билдиравермайди. Шундай экан бундай ҳолатларга албатта нобанк кредит ташкилотлари ўз хизматларини беминнат кўрсатади. Айниқса, бугунги кунда кредитга бўлган эҳтиёж ортиб бораётган бир даврда ломбардлар ўзларининг оммабоп хизматларини сифатли кўрсатиши айни муддаодир.
Иқтисодиётни бир маромда ривожланишида нобанк кредит ташкилотларининг хизматлари муҳим аҳамият касб этади. Улар кичик бизнес ва хусусий тадбиркорликни, аҳолини қўллаб-қувватлашда банклар қатори микромолиявий хизматлар кўрсатиб келмоқда. Шуни алоҳида таъкидлаш лозимки, бугунги кунда нобанк кредит ташкилотлари сони 165 тага етди, булар микромолия ташкилотлари ва ломбардлардир. Шундан 85 таси микромолия ташкилотлари, 80 таси эса ломбардларни ташкил қилади. [15]
Микромолия ташкилотлари ва ломбардлар фаолияти сўнгги йилларда яхшиланиб бормоқда. Яъни жисмоний шахслар томонидан қисқа муддатда пул маблағларига бўлган эҳтиёж ошиб, мижозлар сони ҳам ортиб бормоқда.
Юқоридагилардан келиб чиқиб айтиш мумкинки, республикамизда микромолиявий хизматлар кўрсатишни янада яхшилаш албатта нобанк кредит ташкилотларининг фаолиятини янада такомиллаштириш зарурлигидан келиб чиқади.