Andijon Mashinasozlik Instituti Transport va logistika fakulteti Xizmatlar soxasi 4-bosqich

Andijon Mashinasozlik Instituti Transport va logistika fakulteti Xizmatlar soxasi 4-bosqich

333-guruh talabasi

Azizova Odinaning “ Texnik xizmat ko’rsatish texnologiyasi“ fanidan tayyorlagan

KURS LOYIHASI

Kuzovlarni ta’mirlash jihozlari

Reja I Kirish. 1. Kuzovlarni ta’mirlash ustaxonasi tasnifi. 2. Kuzovlarni ta’mirlash jihozlari. 3. Bo’yashga tayyorlash va bo’yash jihozlari. II.Xulosa III.Foydalanilgan adabiyotlar

KIRISH
Mamlakatimiz avtomobil transportida o’tkazilgan islohatlar natijasida respublika avtomobil parkining bo’linishi sababli avtomobillarga muttasil ravshda texnik xizmat ko’rsatuvchi, ta’mirlovchi, yonilg’i-moylash, ehtiyot qismlar va boshqa avtomateriallar bilan ta’minlovchi hammabop, servis usulida ishlovchi mustaqil korxonalar xizmatiga talablarning keskin oshib ketishiga olib keldi.

CHunki yangi shakllangan avtotransport egalarining ko’pchiligi o’z texnik ta’minlash bazasiga ega emas, buning uchun esa maxsus xizmat ko’rsatishga ixtisoslashgan avtoservis korxonalar xizmatidan foydalanishi zarur va maqsadga muvofiq edi. Avvallari faqat aholi avtomobillariga texnik xizmat ko’rsatib turgan maxsus avtoservis korxonalarining tarmog’i, soni va ishlab chiqarish quvvatini oshirishga katta extiyoj tug’ildi

Avtoservisning iqtisodiy va ijtimoiy ahamiyati mamlakatimiz avtomobillari uchun ulkan bo’lib, uning xizmatidan yil davomida mamlakat avtomobil parkining asosiy qismi muntazam foydalanadi. Servis korxonalarida transport vositalariga texnik xizmat ko’rsatish va ta’mirlash va joriy ta’mirlash ishlarini samarali tashkil etish maqsadida ularni texnologik jixozlanishiga katta ahamiyat qaratiladi.

Servis korxonalaridagi kuzov va kabinalarni ta’mirlash ustaxonalari ham zamonaviy texnologiyalar bilan jihozlanib transport vositalariga sifatli xizmat ko’rsatib kelmoqda. Quyida servis korxonalaridagi kuzov va kabinalarni tamirlash ustaxonalaridagi jihozlar va ularni texnologik jarayonda qo’llanilishi keltirib o’tilgan

• Kuzovlarni ta’mirlash jihozlari.

Kuzovlarni ta’mirlash ustaxonasiga kuzov barcha agregatlar, osma qismlardan ajratilgan holda keltiriladi. Kuzovni ta’mirlash tunukasozlik bo’limidan boshlanadi. Yo’l-transport hodisalariga uchragan yengil avtomobillarning kuzovlari qattiq shikastlanish natijasida geometrik holatini yo’qotadi va ularni maxsus stendlarsiz oldingi holatiga qaytarib bo’lmaydi. 1.1-1.2-rasmlarda yengil avtomobillarning shikastlangan kuzovlarini tiklash uchun yaratilgan jihozlar keltirilgan.