Aniqlash usullari

V_B bo‘yicha edirilish tezligi deganda, edirma suyuqligiga (NaON yoki KON ishqor suyuqligi) cho‘ktirilgan detektorning butun hajm yuzasi bo‘yicha edirilishi tushuniladi. Edirilish jarayonida detektorning qalinligi ham kamayadi va izlarning diametri edirilish vaqtiga bog‘liq holda kattalashib boradi.

V_T izlar bo‘yicha edirilish tezligi deganda, alьfa-zarralarning detektorda qoldirgan izlarining yo‘nalishi bo‘yicha edirilishi, ya’ni latent izning yo‘nalishi bo‘yicha edirilishi tushuniladi. Izlar mikroskopda ko‘rinishi uchun V_T sin > V_B bo‘lishi kerak. Izlar bo‘yicha edirilish tezligi (V_T) edirish sharoitiga bog‘liq bo‘lmasdan, to‘kdashuvchi zarraning parametrlariga, ya’ni zarraning plastik detektordagi o‘tish masofasiga (R) bog‘liq. Ushbu V_T (R) funksiya - zarraning zaryadi va massasini aniqlashda asosiy bog‘lanish funksiyasi bo‘lib xizmat qiladi.

Zarraning detektorda iz hosil qilish jarayoniga qaraydigan bo‘lsak, V_T va V_B parametrlar emas, balki ularning to‘qnashish nuqtalaridagi edirilish tezligining nisbati V=V_T/V_B juda muhimdir, chunki u edirilishdan paydo bo‘lgan izning geometriyasini ifodalab beradi. Bu nisbat detektorning xarakteristikasi bo‘lib, edirish jarayoniga, ya’ni edirish suyuqligining konsentratsiyasi, harorati va vaqtiga bog‘liq kattalikdir.