Anjuman: Resurstejamkor qishloq va suv xo‘jalik mashinalarini yaratish va ulardan foydalanish samaradorligini oshirish

 
Annotatsiya: Dehqon xo’jaliklari faoliyatini rivojlantirishini baholashning 
tizimli yondashuvi nazariy jihatlari yoritilgan. Dehqon xo’jaligi faoliyatining 
rivojlanishi uchun yangi yondashuvlarni, model va usullarni izlash hamda joriy etish 
haqida keng bayon etilgan. Dehqon xo’jaligi faoliyatining rivojlanishiga ta’sir 
etuvchi omillar o’rganilgan.
Kalit so’zlar: Dehqon xo’jaligi, agrar sektor, agrar tarmoq, qishloq xo’jalik 
ekinzorlari va ko’chatzorlari, chorvachilik, tabiiy-iqlim, sabzavotchilik, 
bog’dorchilik, tabiiy-iqlim sharoit, meva-sabzavotchilik va uzumchilik.
Insoniyat qadim zamonlardan buyon еrga hayotiy ehtiyojlarining asosiy 
manbai bo'lgan oziq-ovqat mahsulotlarini еtishtiruvchi vosita sifatida qarab keladi. 
O'sha davrlardayoq rivojlana boshlagan dehqonchilik bugun ko'plab davlatlarda 
iqtisodiy o'sishning muhim omiliga aylandi. Ayniqsa, pandemiya davrida dunyo 
xalqlari sifatli oziq-ovqat mahsulotlari еtishtirish, еrning har qarichidan unumli 
foydalanishga dolzarb vazifa sifatida qaray boshladi. Yurtimizda so'nggi yillarda bu 
borada sezilarli o'zgarishlarga yuz tutdik. Dehqonchilikni yangi bosqichga olib 
chiqishga qaratilgan muhim qarorlar qabul qilindi. 2021-yilning 1-aprel kuni 
Prezident tomonidan imzolangan yangi tahrirdagi O'zbekiston Respublikasining 
“Dehqon xo'jaligi to'g'risida”gi qonuni ana shunday dolzarb huquqiy hujjatlardan 
biri sanaladi.Mamlakatimizda dehqon xо‘jaliklari tashkil etishni qо‘llab-quvvatlash 
orqali aholi daromadlarini oshirish bо‘yicha bir qator chora-tadbirlar amalga oshirlib 
kelinmoqda. Bu esa o`z navbatida mamlakatda oziq-ovqat xavfsizligini va ichki 
bozorlarda narxlar barqarorligini ta’minlash hamda agrar sohada aholining 
tashabbuslarini qо‘llab-quvvatlash orqali ularning daromadlarini oshirish, 
shuningdek, qishloq xо‘jaligi mahsulotlari еtishtirishni kengaytirish hamda eksport 
salohiyatini oshirib kelmoqda. 
Hozirgi kunda dehqon xо‘jaliklarini asosan oila xо‘jaliklari bilan uyg‘un 
tarzda e’tirof etishadi. Chunonchi, oila xо‘jaliklarining qо‘shimcha daromad topishi 
uchun dehqon xо‘jaligini yuritish muhim omil bо‘lmoqda. Bunday tadbir jamoa 

---