Annotaciya dissertatsiya temasıniıń aktuallıǵı hám zárúrligi

ANNOTACIYA


Dissertatsiya temasıniıń aktuallıǵı hám zárúrligi. Házirgi waqıtta dúnyada qorshaǵan-ortalıqtı qorǵaw hám tábiyaattan aqılǵa say paydalanıw máselelerin sheshiwde jer resursları jaǵdayın bahalaw, mámleket hákimiyatı hám basqarıwı shólkemleri hám xalıqtıń keń qatlamların jerlerdiń muǵdarlıq hám sapa jaǵdayı tuwrısında isenimli maǵlıwmatlar menen támiyinlew máselelerin sheshiwde úlken áhmiyetke iye bolıp, olardıń málim waqıt aralıǵinda ózgeriwi, taypalar hám jerler boyınsha bólistiriliwi, sonıń menen birge, suwǵarılatuǵın jerlerdiń ónimliligin páseytiretuǵin unamsız processlerdiń tiykarǵı sebepleri analizi aktual áhmiyetke iye boladı. Sol múnasábet penen tábiyaattan paydalanıwdı aqılǵa say basqarıw hám olardan paydalanıwdı jaqsılaw ilajların islep shıǵıwda jer resurslariniń ekologiyalıq kórsetkishlerin anıqlaw úlken teoriyalıq hám ámeliy áhmiyetke iye.
Izertlewdiń maqseti. Qaraqalpaqstan Respublikası Shımbay rayonı awıl xojalıǵı jerlerine ekologiyalıq faktorlardıń tasirin anıqlawdan ibarat.
Izertlew waziypalari. Qoyılǵan maqsetke erisiw ushın tómendegi wazıypalar belgilendi hám sheshildi:
1. Shımbay rayonı tábiyiy ıqlım sharayatın hám fizikalıq geografiyalıq qásiyetlerin anıqlaw.
2. Shımbay rayonı shorlanǵan topraqlarınıń ximiyalıq elementar quramın bahalaw;
3. Suwǵarılatuǵın topraqlarǵa qorshaǵan ortalıq faktorlarınıń tasirini analiz qılıw hám olar arasındaǵı munasábetlerdi anıqlaw ;
4. Suwǵarılatuǵın jerlerdiń pataslaniwiniń aldın alıw ushın usınıslar islep shıǵıw ;
Izertlew obiekti. Qaraqalpaqstan Respublikası Shımbay rayonı awıl xojalıǵı topraqları tańlap alınǵan.
Izertlew predmeti.. Qaraqalpaqstan Respublikası jer resurslarınan paydalanıwdı optimallastiriwdiń ekologiyalıq jaǵdayın analiz qılıw, topraqlardıń qásiyetleri, ekologiyalıq jaǵdayı, shorlanıw esaplanadı.
Izertlew usılları. Jumıs barısında ekologiyalıq (monıtorıń hám analiz), statistikalıq usıllar (Excel hám STATISTICA), factorli analiz usılları hám GIS texnologiyalarınan paydalanilǵan.