Anvar obidjon she’rlarini ifodali o’qish

ANVAR OBIDJON SHE’RLARINI IFODALI O’QISH
Mashg’ulot rejasi:

1. 
   A.Obidjon she’rlarini ifodali o’qish
   
2. 
   A.Obidjon she’rlarida obrazlar
   

Anvar Obijon 1947-yil 8-yanvarda Fargʻona viloyatining Oltiariq tumanidagi Poloson qishlogʻida tugʻilgan. Oʻzbekiston xalq shoiri (1998). ToshDUning jurnalistika fakultetini tamomlagan (1979). Qissa va hikoyalari — «Usta Gulmat gʻazallari» (1974), «Eng yorugʻ kun» (1983), «Akang karagʻay Gulmat» (1987) va boshqa. «Masxaraboz bola» (1986), «Juda qiziq voqea» (1987), «Erliklar» (1990), «Alamazon va Gulmat xangomasi» (1992), «Ajoyibxona» (1993, sheʼriy taqvim), «Tanlangan sheʼrlar» (2006), «Oʻgʻirlangan pahlavon» (2006), «Bahromning hikoyasi» (2007) kabi doston, qissalar, sheʼrlar, pyesalar va hajviy asarlardan iborat toʻplamlar muallifi. «Shuhrat» medali bilan taqdirlangan (1997).
POYEZDDAN TUShGAN QUSHCHA
Vagondan qiz, misli par,
Yerga yengil sakradi.
Yuzidagi sepkillar
Ko‘zlarimga sachradi.

Qizmi, qizga do‘ngan qush?

Qumriko‘z-u, sutbadan.
Nahot men-chun yubormish
Tangrim uni Ufadan!

Shirin o‘ydan mastlanib,

Yoyganimda asta pat;
Birdan uchdi pastlanib
Mendan burun Bikbulat.

Bordiyu jon halpida,

Changal urdi sor bo‘lib.
Qushcha uning bag‘rida
Eriyverdi qor bo‘lib.

Perron to‘la odamga,

Ikkov esa yop-yolg‘iz.
Qolmish go‘yo olamda
Bitta yigit, bitta qiz...

Bikbulat-la quchinib

O‘tarkan qiz selkillab;
Ko‘zlarimning ichini
Achishtirdi sepkillar.
Bahromning hikoyasi
Zoʻr tovugʻim bor edi,
Semiz va sergap.
“Yapaloq” deb men unga
Qoʻygandim laqab.
Tuxum tugʻib berardi
Har kuni oppoq,
Shu tufayli u bilan
Yashardik inoq.
Ammo soʻnggi paytda u
Boʻpqoldi ayyor.
Tuxum desang, yuz burar,
Don sochsang – tayyor.
“Dangasa!” deb kecha sal
Qilgan edim doʻq,
Bugun koʻrsam katakda –
Tovuqqinam yoʻq.
“Yapaloq”ni qidirdim,
Chaqirdim rosa.
Nahotki u arazlab
Ketvorgan boʻlsa?
Katagida qolibdi
Faqat bitta pat
Va oydinda yozilgan
Aji-buji xat:
“Menga juda mehribon,
Shirinsoʻz eding.
Doim suyib, erkalab,
Tuxumim yerding.
Seni doʻst deb yurardim,
Tushundim bugun –
Faqat oshno ekansan
Quymoqlar uchun.
Tuxumni ham berardim,
Kutmading picha.
Qoʻpol soʻylab ayniqsa,
Ranjitding kecha.
Garchi sendan ayrilmoq
Boʻlsa ham ogʻir,
Qaror qildim bosh olib
Ketmoqqa oxir.
Chunki doʻst deb yurgani
Taʼmagir chiqsa,
Hatto oddiy tovuq ham
Oʻksinarkan ja...
Endi boshqa joylarda
Solaman dovrugʻ.
Seni eslab yurguchi:
“Yapaloq” tovuq.
...Mendan bitta iltimos,
Bolalar sizga.
“Yapaloq”ni koʻrsangiz,
Qaytaring tezda.
Qaytsa chin doʻst boʻlardim,
Soʻzlardim sizlab.
Kechirim ham soʻrardim
Patlarin silab.
Yangisini tutaman
- Oyi, dada, qidirishing,
Jim turmasdan axtaring.
Qalinmidi, yupqamidi,
U ashula daftaring.
- Rangi qizil va ustiga
Tushirilgan besh barmoq.
O’zi juda qalin emas
O’rtachadan mundayroq.
- Buvi, darsga kechikyapman,
Tezroq keeling, axtaring.
- Oshxonada yotibdi-ku
Qanaqadir daftaring.
Ustiga ham sen aytgandek,
Nimalardir chizilgan.
Bir tomoni g’ijimlangan,
Bir tomoni uzilgan.
Voy, buvi-yey, bu chizilgan
Barmoq emas, kaptar bu.
Topganingiz o’tgan safar
Topilmagan daftar bu.
Bu-chi, Bu ham oldingisi,
Bu-chi, so’rashar kulib
Top-toza-ku ichida bor
Bittagina ashula.
- Oyi, dada, buni qo’ying,
Yangisini axtaring.
Aytgin, axir, nechta edi
Ashuladan daftaring.
- Qaydam, tezroq qidiringlar,
Yana biroz kutaman.
Agar topib bermasangiz,
Yangi daftar tutaman!