Arifmetikalıq máseleler hám olardıń túrleri. Máseleler sheshiwdiń áhmiyeti

Máselelerdi analiz qılıp sheshiw metodikası
Másele analizi analitik, sintetik metod penen ámelge asırıladı, sebebi máseleni sheshiwde oqıwshınıń pikiri barlıq waqıt berilgenlerden izlenip atırǵanlarǵa hám izlenip atirǵanlardan berilgenlerge bariw kerek.
Másele analiz qılınǵannan keyin sheshám rejesi dúziledi, yaǵnıy máseleniń juwmaqlawshı sorawına juwap beriw ushın aldın neni bilip alıwımız, keyin neni biliwimiz belgilep alınadı.
Máselen, ustaxanada kóylekler hám sonsha Kostyum tigildi. Hár bir kóylekke 3 metr, hár kostyumge 4 metr material ketedi. Eger kóylekler ushın 24 metr material ketken bolsa, kostyumlar ushın qansha material ketedi. Másele analizin tómendegi keste arqalı kórsetemiz.

	Bir kostyum ushın sarıplanadı	Kiyimler sanı	Sarıplanǵan material
Kóylek Kostyum	3 m 4 m	Birdey	24 m ?

Másele analizi másele sorawındaǵı berilgenlerge qarap baradi:

1. 
   Máselede neni biliw talap etiledi? (Kostyumǵa ketken materialdı)
   
2. 
   Bunı birden biliwge bola ma? (yaq)
   
3. 
   Nege? (neshe kostyum tigilgenin bilmeymiz)
   
4. 
   Neshe kostyum tigilgenin biliwge bola ma? (boladı)
   
5. 
   Qalayınsha? (neshe kóylek tigilgen bolsa sonsha kostyum tigilgen)
   

Neshe kóylek tigilgen? (24 m materialdıń hár 3 metrinen bir kóylek tigilgen bolsa, 24:3=8 kóylek tigilgen).

6. 
   Kostyumler de 8 bolsa, hár bir kostyumǵa 4 m den material ketse jámi neshe metr material ketken. (8*4=32 m).
   
7. 
   Másele sorawına juwap berdik pe? (awa)